ବିନା ମାସ୍କରେ ଆସିଲେ ଗାଡି ଚାଳକଙ୍କୁ ମିଳିବନି ପେଟ୍ରୋଲ : ତେଲ ନେବାବେଳେ ମାସ୍କ ବାଧ୍ୟତାମୂଳକ କରିଛନ୍ତି ରାଜ୍ୟ ପେଟ୍ରୋଲ ଡିଲର ସଂଘ, ଲୋକଙ୍କୁ ସଚେତନ କରିବାକୁ ସଂଘର ପଦକ୍ଷେପ
କନକ ବ୍ୟୁରୋ : କରୋନା ଯୋଗୁଁ ରାଜ୍ୟରେ ତାଲାବନ୍ଦ ଅବଧି ଏପ୍ରିଲ ୩୦ ଯାଏଁ ବଢାଯାଇଛି । ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବଢି ବଢି ଚାଲିଥିବାରୁ ମାସ୍କ ପିନ୍ଧିବାକୁ ବାଧ୍ୟତାମୂଳକ କରିଛନ୍ତି ରାଜ୍ୟ ସରକାର । ସରକାରଙ୍କ ଏହି କଟକଣାକୁ ସମର୍ଥନ କରି , ମାସ୍କ ନପିନ୍ଧିଲେ ପେଟ୍ରୋଲ ପମ୍ପରେ ତେଲ ମିଳିବ ନାହିଁ ବୋଲି ପେଟ୍ରୋଲ ପମ୍ପ ସଂଘ ପକ୍ଷରୁ କୁହାଯାଇଛି । ରାଜ୍ୟର ସମସ୍ତ ପେଟ୍ରୋଲ ପମ୍ପରେ ଏହା ଲାଗୁ କରାଯିବ ବୋଲି ସୂଚନା ଦେଇଛନ୍ତି ଉକ୍ରଳ ପେଟ୍ରୋଲ ପମ୍ପ ଡିଲର ସଂଘର ସାଧାରଣ ସମ୍ପାଦକ । ମହାମାରୀ କରୋନାରୁ ସୁରକ୍ଷା ପାଇଁ ରାଜ୍ୟ ଓ କେନ୍ଦ୍ର ସରକାର ବିଭିନ୍ନ ପକ୍ଷେପ ନେଇଥିବା ବେଳେ ସଂଘର ଏହି ନିଷ୍ପତି ଜନସାଧାରଣଙ୍କୁ ବହୁମାତ୍ରାରେ ସଚେତନ କରାଇବ ବୋଲି ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସାରା ବିଶ୍ୱରେ କରୋନା ମହାମାରୀ ଭୟଙ୍କର ରୂପ ନେଇଥିବାବେଳେ, ସବୁ ଦେଶରେ ସଂକ୍ରମଣକୁ ରୋକିବା ପାଇଁ ବିଭିନ୍ନ ପ୍ରକାର ପଦକ୍ଷେପ ନିଆଯାଉଛି । ଆମ ରାଜ୍ୟରେ କରୋନା ସଂକ୍ରମଣକୁ ରୋକିବା ପାଇଁ ମାସ୍କ ବ୍ୟବହାର ବାଧ୍ୟତାମୂଳକ କରାଯାଇଛି । ଗତକାଲିଠାରୁ ଏହି ନିୟମକୁ କଡାକଡି ଭାବେ ଲାଗୁ କରାଯାଇଛି । ଆଉ ଯେଉଁମାନେ ମାସ୍କ ନପିନ୍ଧିବେ ସେମାନଙ୍କୁ ଜରିମାନା ଦେବାକୁ ପଡିବ । ପ୍ରଥମ ତିନି ଥର ୨ଶହ ଟଙ୍କା ଲେଖାଏ ଫାଇନ କରାଯିବ । ତାପରେ ନିୟମ ନମାନିଲେ ୫ଶହ ଟଙ୍କା ଲେଖାଏଁ ଫାଇନ କରାଯିବ ବୋଲି ସରକାରଙ୍କ ପକ୍ଷରୁ କୁହାଯାଇଛି । ଏହାପଛରେ କାରଣ ହେଉଛି, ମାସ୍କ ବ୍ୟବହାର ଦ୍ୱାରା ଭୂତାଣୁ ନାକ, ପାଟି ଦେଇ ଆମ ଶରୀର ଭିତରେ ଅନେକ ମାତ୍ରାରେ ପ୍ରବେଶ କରି ପାରିବ ନାହିଁ ।