ତାଲାବନ୍ଦ ବେଳେ ହଜିଗଲା ମାନବିକତା, ମରିଗଲା ମଣିଷପଣିଆ : କରୋନା ଭୟରେ ଶବଦାହ ପାଇଁ କାନ୍ଧଦେଲେ ନାହିଁ ଗ୍ରାମବାସୀ, ୧୨ ଘଣ୍ଟା ହେଲା ଘର ବାହାରେ ପଡିଛି ମୃତଦେହ
କନକ ବ୍ୟୁରୋ : ଲକଡାଉନରେ ହଜିଗଲା ମାନବିକତା । କରୋନା ଭୟରେ ମୃତଦେହକୁ କାନ୍ଧଦେବାକୁ ଆସିଲେନି ଗାଁ ଲୋକେ । ଭୂତାଣୁ ଭୟ ଭିତରେ ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ସିମୁଳିଆ ଥାନା ଜାମୁଝିଡି ପଂଚାୟତ ଖଟନଗର ଗାଁରେ । ଗତ ୩୦ ତାରିଖରେ ଏହି ଗାଁର ଜଣେ ବ୍ୟକ୍ତି କୋଲକାତାରୁ ଆସିଥିଲେ । ପରେ ଅସୁସ୍ଥ ହେବାକୁ ଡାକ୍ତରଖାନାରେ ତାଙ୍କର ମୃତ୍ୟୁ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମୃତ୍ୟୁ ପରେ ଗାଁ ଲୋକେ ଏକ ଆମ୍ବୁଲାନ୍ସରେ ନିଜ ଗାଁକୁ ଆସିଥିଲେ । ହେଲେ ଗାଁଲୋକେ କରୋନା ଭୟରେ କେହି ମୃତଦେହ ପାଖକୁ ଆସିନଥିଲେ । ଫଳରେ ଗତକାଲିଠାରୁ ମୃତଦେହ ଘର ବାହାରେ ପଡିଛି । ମୃତ ବ୍ୟକ୍ତିଙ୍କ ପିଲାମାନେ ଛୋଟ ହୋଇଥିବାରୁ ମୃତଦେହ ପାଖରେ ବସି କାନ୍ଦିବା ଛଡା ତାଙ୍କ ପାଖରେ କିଛି ବିକଳ୍ପ ନାହିଁ । ଆଉ ଗାଁ ଲୋକେ ତାଟି କବାଟ ପକାଇ ଗାଁ ଭିତରେ ଅଛନ୍ତି ।