ଏନ୍ଏମ୍ସି ବିଲ୍କୁ ବିରୋଧ କରି ଦେଶବ୍ୟାପୀ ୨୪ ଘଣ୍ଟିଆ ଡାକ୍ତର ଆନ୍ଦୋଳନ : ବନ୍ଦ ରହିବ ଓପିଡ଼ି, ସ୍ୱାଭାବିକ ରହିବ ଜରୁରୀକାଳୀନ ସେବା
କନକ ବ୍ୟୁରୋ : ଭାରତୀୟ ଡାକ୍ତରୀ ସଂଘର ଦେଶବ୍ୟାପୀ ୨୪ ଘଣ୍ଟିଆ ଆନ୍ଦୋଳନ । ଲୋକସଭାରେ ଅନୁମୋଦିତ ହୋଇଥିବା ନେସନାଲ୍ ମେଡିକାଲ୍ କମିସନର ବିଲ୍, ୨୦୧୯କୁ ବିରୋଧ କରି ବୁଧବାର ସକାଳ ୬ଟରୁ ଦେଶବ୍ୟାପୀ ଡାକ୍ତରମାନେ ଧର୍ମଘଟ ଆରମ୍ଭ କରିଛନ୍ତି । ବୁଧବାର ସକାଳ ୬ଟାରୁ ଗୁରୁବାର ସକାଳ ୬ଟା ଯାଏଁ ଜାରି ରହିବ । ୩ ଲକ୍ଷ ଡାକ୍ତର କାମ ବନ୍ଦ କରି ଧାରଣା ଓ ପ୍ରଦର୍ଶନକୁ ଓହ୍ଲାଇଛନ୍ତି । ଫଳରେ ଓପିଡ଼ି ଗୁଡ଼ିକ ବନ୍ଦ ହେବାରୁ ରୋଗୀ ଚିକିତ୍ସା ବ୍ୟାପକ ପ୍ରଭାବିତ ହେବ । ତେବେ ଏହି ଧର୍ମଘଟରେ ଜରୁରୀକାଳୀନ, କାଜୁଆଲଟି, ଆଇସିୟୁ ଏବଂ ଏ ସଂକ୍ରାନ୍ତ ସେବା ସ୍ୱାଭାବିକ ଭାବେ ଚାଲିବ।
Kanak News is now on WhatsApp
Join and get latest news updates delivered to you via WhatsApp
ସଂଘର ୱେବସାଇଟ୍ ଅନୁସାରେ, ଗତକାଲି ଲୋକସଭା କଠୋର ଏନ୍ଏମ୍ସି ବିଲ୍କୁ ଅନୁମୋଦନ କରିଛି । ନ୍ୟାସନାଲ୍ ମେଡିକାଲ୍ କମିସନ୍ ବିଲ୍ ୨୦୧୯ ଭଳି ଅଗଣତାନ୍ତ୍ରିକ ବିଲ୍କୁ ଅନୁମୋଦନ କରି ଗଣତାନ୍ତ୍ରିକ ନିମ୍ନସଦନ ଦେଶର ସ୍ୱାସ୍ଥ୍ୟସେବା ଏବଂ ଡାକ୍ତରୀ ଶିକ୍ଷାକୁ ଅନ୍ଧକାର ମଧ୍ୟରେ ଫିଙ୍ଗି ଦେଇଛି । ଏହାକୁ ପ୍ରତିବାଦ କରି ଆଇଏମ୍ଏ ମୁଖ୍ୟାଳୟ ୨୪ ଘଣ୍ଟିଆ ଜରୁରୀ ନ ଥିବା ଡାକ୍ତରୀ ସେବା ପ୍ରତ୍ୟାହାର କରିଛି ।
କ’ଣ ଏହି ବିଲ୍ ?
ଭାରରରେ ଏବେ ସୁଦ୍ଧା ମେଡ଼ିକାଲ କାଉନସିଲ ଅଫ ଇଣ୍ଡିଆ ଅନ୍ତର୍ଗତ ଆସୁଥିଲା ମେଡ଼ିକାଲ ଶିକ୍ଷା, ମେଡ଼ିକାଲ ସଂସ୍ଥାନ ଓ ଡାକ୍ତରଙ୍କ ରେଜଷ୍ଟ୍ରେସନ୍ ସମ୍ମନ୍ଧିତ ସମସ୍ତ କାମ । ହେଲେ ଏହି ବିଲ୍ ପାସ ହେବାପରେ ଏମବିବିଏସ୍ ପାସ୍ କରିବା ପରେ ଅଭ୍ୟାସ ପାଇଁ ଏକଜିଟ୍ ଟେଷ୍ଟ ଦେବାକୁ ପଡ଼ିବ । ବର୍ତ୍ତମାନ କେବଳ ବିଦେଶରୁ ମେଡ଼ିକାଲ ପାଠ ପଢ଼ିଆସୁଥିବା ଛାତ୍ର ମାନେ ହିଁ ଏକଜିଟ୍ ଟେଷ୍ଟ ଦେଉଛନ୍ତି । ଅନ୍ୟପଟେ ଏନଏମସି ବିଲ ସେକ୍ସନ ୩୨ରେ ୩.୫ ଲକ୍ଷ ଡାକ୍ତରୀ ଅଭିଜ୍ଞନା ନଥିବା ବ୍ୟକ୍ତିଙ୍କୁ ଲାଇସେନ୍ସ ଦେଇ ସମସ୍ତ ପ୍ରକାର ଔଷଧ ଲେଖିବା ପାଇଁ ଅଧିକାର ଦିଆଯାଇଛି, ଯାହାର କଡ଼ା ପ୍ରତିବାଦ କରୁଛି ଡାକ୍ତର ସଂଘ ।