ଖାମେନେଇଙ୍କ ମୃତ୍ୟୁ ପରେ ଉତ୍ତର ପାକିସ୍ତାନରେ ସରକାରୀ କାର୍ଯ୍ୟାଳୟ ଓ ଜାତିସଂଘ କେନ୍ଦ୍ର ଉପରେ ଆକ୍ରମଣ

କନକ ବ୍ୟୁରୋ : ଖାମନେଇଙ୍କ ମୃତ୍ୟୁ ନେଇ ପାକିସ୍ତାନରେ  ହୋଇଥିବା ବିକ୍ଷୋଭରେ ୨୨ ପାକିସ୍ତାନୀ  ଲୋକଙ୍କ ମୃତ୍ୟୁ ହୋଇଛି ଏବଂ ୧୨୦ରୁ ଅଧିକ ଆହତ ହୋଇଛନ୍ତି ।  ପାକିସ୍ତାନର କରାଚି ଏବଂ ଉତ୍ତର ଅଞ୍ଚଳରେ ପ୍ରତିବାଦକାରୀ ଓ ସୁରକ୍ଷା ବାହିନୀ ମଧ୍ୟରେ ହିଂସାତ୍ମକ ସଂଘର୍ଷ ହୋଇଛି। । ଏହି ଅଶାନ୍ତି ଇରାନ୍‌କୁ ସମର୍ଥନ କରୁଥିବା ପ୍ରଦର୍ଶନକାରୀମାନେ କରାଚିରେ ଯୁକ୍ତରାଷ୍ଟ୍ର ଦୂତାବାସକୁ ଆକ୍ରମଣ କରିବାକୁ ଚେଷ୍ଟା କରିବା ପରେ ଆରମ୍ଭ ହୋଇଥିଲା । ଦେଶର ଉତ୍ତର ଅଞ୍ଚଳରେ, ପ୍ରଦର୍ଶନକାରୀମାନେ ଜାତିସଂଘ ଏବଂ ସରକାରୀ କାର୍ଯ୍ୟାଳୟଗୁଡ଼ିକୁ ଆକ୍ରମଣ କରିଛନ୍ତି ।

 ଏହି ହିଂସା ଯୁକ୍ତରାଷ୍ଟ୍ର ଏବଂ ଇସ୍ରାଏଲର ଯୌଥ ଆକ୍ରମଣ ପରେ ହୋଇଛି, ଯେଉଁଥିରେ ଇରାନ୍‌ର ସର୍ବୋଚ୍ଚ ନେତା ଆୟତୋଲ୍ଲା ଆଲି ଖାମେନେଇଙ୍କ ମୃତ୍ୟୁ ହୋଇଥିଲା । କରାଚିର ପୁଲିସ୍ ଏବଂ ହସ୍ପିଟାଲ୍ ଅଧିକାରୀମାନେ କହିଛନ୍ତି ଯେ ସହରରେ ଅଲଗା ଭାବେ ଅତି କମରେ ୫୦ ଜଣ ଆହତ ହୋଇଛନ୍ତି, ସେମାନଙ୍କ ମଧ୍ୟରୁ କେତେକ ଗୁରୁତର ହୋଇଛନ୍ତି ।

ଅଧିକ ପଢନ୍ତୁ : ପୁଞ୍ଚରେ ହାଇ-ଆଲର୍ଟ: ୩ ଦିନରେ ଦ୍ୱିତୀୟ ଥର ପାକିସ୍ତାନୀ ଡ୍ରୋନ୍ ଅନୁପ୍ରବେଶ ଉଦ୍ୟମ, ସେନା ପକ୍ଷରୁ ବ୍ୟାପକ ସର୍ଚ୍ଚ ଅପରେସନ

ସେପଟେ  ଖାମେନେଇଙ୍କ ମୃତ୍ୟୁ ପରେ ଭାରତରେ ପ୍ରତିବାଦ । ଆମେରିକା ଓ ଇସ୍ରାଏଲ ଆକ୍ରମଣରେ ଇରାନର ସର୍ବୋଚ୍ଚ ନେତା ଖାମେନେଇଙ୍କ ମୃତ୍ୟୁ ପରେ, ଏହାର ପ୍ରତିବାଦରେ ଭାରତର ବିଭିନ୍ନ ସ୍ଥାନରେ ଶୋଭାଯାତ୍ରା ଦେଖିବାକୁ ମିଳିଛି । ଜାମ୍ମୁ-କାଶ୍ମୀର, ଲେହ ଲଦାଖ, ଦିଲ୍ଲୀ, ବେଙ୍ଗଳୁରୁ ଆଦି ସ୍ଥାନରେ ସଂଖ୍ୟାଲଘୁ ସମ୍ପ୍ରଦାୟର ଶହ ଶହ ଲୋକ ଏକାଠି ହୋଇ ନାରାବାଜି କରିଛନ୍ତି । ବିଶେଷତଃ ସିଆ ବହୁଳ ଅଞ୍ଚଳରେ ଏହି ପ୍ରତିବାଦ ଶୋଭାଯାତ୍ରା ଦେଖିବାକୁ ମିଳିଛି । ମହିଳାମାନେ ମଧ୍ୟ ଏଥିରେ ବହୁ ସଂଖ୍ୟାରେ ସାମିଲ ହୋଇିଥିଲେ । ।