କନକ ବ୍ୟୁରୋ:  ମୋଦୀଙ୍କୁ ଆମେରିକାର ନିମନ୍ତ୍ରଣ । ଗାଜା ଶାନ୍ତି ଚୁକ୍ତି ବୋର୍ଡର ଅଂଶ ଭାବେ ଭାରତର ପ୍ରଧାନମନ୍ତ୍ରୀଙ୍କୁ ନିମନ୍ତ୍ରଣ ଆସିଛି । ଯୁକ୍ତରାଷ୍ଟ୍ର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତକୁ ଆମନ୍ତ୍ରଣ କରିଛନ୍ତି । ଯାହା ଯୁଦ୍ଧ ପରବର୍ତ୍ତୀ ଗାଜାରେ ଶାସନ ଏବଂ ପୁନର୍ନିର୍ମାଣକୁ ତଦାରଖ କରିବା ପାଇଁ ଉଦ୍ଦିଷ୍ଟ । ହ୍ୱାଇଟ୍ ହାଉସ୍ କହିଛି, ଏକ ମୁଖ୍ୟ ବୋର୍ଡ ରହିବ, ଯାହାକୁ ଟ୍ରମ୍ପ ନିଜେ ଅଧ୍ୟକ୍ଷତା କରିବେ। ପାକିସ୍ତାନ ମଧ୍ୟ ଟ୍ରମ୍ପଙ୍କଠାରୁ ଗାଜା "ଶାନ୍ତି ବୋର୍ଡ"ରେ ଯୋଗଦାନ କରିବାକୁ ଆମନ୍ତ୍ରଣ ପାଇଛି ବୋଲି କହିଛି । ଭାରତ ଇସ୍ରାଏଲ ଏବଂ ପାଲେଷ୍ଟାଇନ ଉଭୟଙ୍କ ପାଇଁ ଗ୍ରହଣୀୟ ଦେଶ ।

Advertisment

ଅଧିକ ପଢନ୍ତୁ:  ଟ୍ରମ୍ପଙ୍କ ଶୁଳ୍କକୁ ୟୁରୋପୀୟ ରାଷ୍ଟ୍ରଙ୍କ ବିରୋଧ..

କାରଣ ଉଭୟଙ୍କ ସହ ଐତିହାସିକ ସମ୍ପର୍କ ରହିଛି । ଭାରତ ଇସ୍ରାଏଲ ସହ ରଣନୈତିକ ଭାଗୀଦାରୀ ରଖିଛି ଏବଂ ପାଲେଷ୍ଟାଇନକୁ ନିୟମିତ ମାନବିକ ସହାୟତା ଓ ସାହାଯ୍ୟ ପ୍ରଦାନ କରିଆସିଛି । ଗାଜା ଓ ଇସ୍ରାଏଲ ଯୁଦ୍ଧ ଆରମ୍ଭ ହେବା ପରେ ଭାରତ ମିଶର ମାଧ୍ୟମରେ ଗାଜାକୁ ମାନବିକ ସହାୟତା ପଠାଇବାରେ ପ୍ରଥମ ଦେଶମାନଙ୍କ ମଧ୍ୟରେ ଅନ୍ୟତମ ଥିଲା । ଏହି ଗାଜା ଶାନ୍ତି ବୋର୍ଡ ଜାନୁଆରୀ ୧୫ରେ ଗଠିତ ହୋଇଛି । ଯାହା ଟ୍ରମ୍ପଙ୍କ ୨୦- ପଏଣ୍ଟ ଗାଜା ଶାନ୍ତି ଯୋଜନାର ଅଂଶ ଅଟେ । ଆମନ୍ତ୍ରଣଗୁଡ଼ିକ ପ୍ରାୟ ୬୦ଟି ଦେଶକୁ ପଠାଯାଇଛି ଏବଂ ଶନିବାରୁ ଯୁରୋପୀୟ ରାଜଧାନୀମାନଙ୍କରେ ପହଞ୍ଚିଛି ବୋଲି କୂଟନୈତିକମାନେ କହିଛନ୍ତି ।