ରୁଷ ଉପରେ ୟୁକ୍ରେନର ବଡ଼ ଆଟାକ୍; ବନ୍ଦର କ୍ଷତିଗ୍ରସ୍ତ, ଜଳୁଛି ତେଲ ଟର୍ମିନାଲ

କନକ ବ୍ୟୁରୋ: ରୁଷ ଉପରେ ୟୁକ୍ରେନର ବଡ଼ ଧରଣର ଡ୍ରୋନ୍ ଆଟାକ୍ । ରବିବାର ୟୁକ୍ରେନ୍ ଏହି ଆକ୍ରମଣ କରିଛି, ଯେଉଁଥିରେ ବ୍ଲାକ୍ ସି’ରେ ଥିବା ତୁଆପ୍ସେ ପୋର୍ଟ ଧ୍ୱଂସ ହୋଇଛି । କୁହାଯାଉଛି ଏହି ଆକ୍ରମଣରେ ପୋର୍ଟର ଏକ ଅଂଶ ଭୀଷଣ ଭାବେ କ୍ଷତିଗ୍ରସ୍ତ ହୋଇଛି । ଏହି ଆକ୍ରମଣରେ ରୁଷର ଏକ ତେଲ ଟର୍ମିନାଲ ପ୍ରଭାବିତ ହୋଇଛି । ହେଲେ ରୁଷର ଏୟାର ଡିଫେନ୍ସ ୟୁନିଟ୍ କିନ୍ତୁ ଦାବି କରିଛି ଯେ, ୟୁକ୍ରେନର ଏହି ଆକ୍ରମଣକୁ ରୁଷ ବାୟୁମଣ୍ଡଳରେ ହିଁ ନଷ୍ଟ କରିଦେଇଛି ।

ରୁଷର ସମାଚାର ଏଜେନ୍ସିର ରିପୋର୍ଟ ମୁତାବକ, ରବିବାର ରାତିରେ ୟୁକ୍ରେନ୍ ବଡ଼ ଧରଣର ଡ୍ରୋନ୍ ଆଟାକ୍ କରିଥିଲା । ହେଲେ ରୁଷ କିନ୍ତୁ ୧୬୪ଟି ୟୁକ୍ରେନର ଡ୍ରୋନକୁ ନଷ୍ଟ କରିଦେଇଥିଲା । ଅନ୍ୟପଟେ ୟୁକ୍ରେନର କହିବା କଥା ହେଲା, ଏହି ଆକ୍ରମଣରେ ତୁଆପ୍ସେ ପୋର୍ଟ ନଷ୍ଟ ହୋଇଛି ।

ପ୍ରତିଦିନ ଲଗାଉଛନ୍ତି କି ଟିକିଲି ? ଆଣିପାରେ ବଡ ବିପଦ !

ତୈଳ ଟର୍ମିନାଲ ଏବଂ ରିଫାଇନାରୀକୁ ଟାର୍ଗେଟ

କ୍ରାସନୋଡାର ପ୍ରଶାସନ କହିଛି ଯେ, ଡ୍ରୋନ୍ ଭଗ୍ନାବଶେଷ ପଡ଼ିବା ଯୋଗୁଁ ବନ୍ଦରର ଭିତ୍ତିଭୂମି କ୍ଷତିଗ୍ରସ୍ତ ହୋଇଛି ଏବଂ ନିଆଁ ଲାଗିଛି। ତୁଆପ୍ସେ ତୈଳ ଟର୍ମିନାଲ ଏବଂ ରୋସନେଫ୍ଟ-ନିୟନ୍ତ୍ରିତ ତୁଆପ୍ସେ ତୈଳ ରିଫାଇନାରୀର ଘର ଚଳିତ ବର୍ଷ ଏକାଧିକ ବାର ଟାର୍ଗେଟ୍ କରାଯାଇସାରିଛି । ହେଲେ ବର୍ତ୍ତମାନ ସମୟରେ ବନ୍ଦରର କେତେ ଭିତ୍ତିଭୂମି ନଷ୍ଟ ହୋଇଛି ସେନେଇ ସ୍ପଷ୍ଟ ସୂଚନା ମିଳିପାରିନି ।

ଜାଣିରଖିବା ଉଚିତ ଯେ, ଋଷର ପାୱାର ଗ୍ରୀଡ ଉପରେ ଆକ୍ରମଣର ପ୍ରତିଶୋଧ ନେବା ପାଇଁ କିଭ ରୁଷର ତୈଳ ବିଶୋଧନାଗାର, ଡିପୋ ଏବଂ ପାଇପଲାଇନ ଉପରେ ଆକ୍ରମଣ ବୃଦ୍ଧି କରିଛି। ଏହି ଆକ୍ରମଣଗୁଡ଼ିକର ଲକ୍ଷ୍ୟ ଇନ୍ଧନ ଯୋଗାଣ ଉପରେ ଚାପ ପକାଇବା, ସାମରିକ ଲଜିଷ୍ଟିକ୍ସ ବାଧାପ୍ରାପ୍ତ କରିବା ଏବଂ ରୁଷର ଯୁଦ୍ଧକାଳୀନ ଖର୍ଚ୍ଚ ବୃଦ୍ଧି କରିବା।

ଇତିହାସ ରଚିବ ଭାରତର 'ବାହୁବଳୀ' ! ଜାଣନ୍ତୁ ଏହାର ୧୦ଟି ରୋଚକ ତଥ୍ୟ