କନକ ବ୍ୟୁରୋ: ଠିକ୍ ୧୨ ବର୍ଷ ପୂର୍ବେ ୨୦୧୩ ନଭେମ୍ବର ୧୬ ତାରିଖରେ ୱାଙ୍ଖେଡେ ଷ୍ଟାଡିୟମରେ ଏକ ଏଭଳି ଦୃଶ୍ୟ ଦେଖିବାକୁ ମିଳିଥିଲା, ଯାହା ପ୍ରତ୍ୟେକ କ୍ରିକେଟ୍ ପ୍ରେମୀଙ୍କ ହୃଦୟରେ ସବୁଦିନ ପାଇଁ ସତେଜ ରହିବ । ଏହି ଦିନ କ୍ରିକେଟର 'ଭଗବାନ' ସଚିନ ତେନ୍ଦୁଲକର ଅନ୍ତର୍ଜାତୀୟ କ୍ରିକେଟକୁ ବିଦାୟ ଜଣାଇଥିଲେ । ଏହା ସେହି ଦିନ ଥିଲା ଯେତେବେଳେ ସମଗ୍ର ଦେଶର ହୃଦୟ ସଚିନଙ୍କ ସହିତ ଥିଲା ଏବଂ ତାଙ୍କର ବିଦାୟ ସମସ୍ତଙ୍କୁ ଭାବପ୍ରବଣ କରିଦେଇଥିଲା । ପ୍ରଶଂସକମାନେ ସଚିନଙ୍କ ଶେଷ ମ୍ୟାଚ୍ ଶେଷ ହେଉ ବୋଲି ଚାହୁ ନଥିଲେ । ଆପଣଙ୍କୁ କହିରଖୁଛୁ ଯେ ସଚିନ ତେନ୍ଦୁଲକର ନିଜର ଶେଷ ଅନ୍ତର୍ଜାତୀୟ ମ୍ୟାଚ୍ ଏକ ଟେଷ୍ଟ୍ ମ୍ୟାଚ୍ ଭାବରେ ଖେଳିଥିଲେ ।

Advertisment

ସଚିନ ତେନ୍ଦୁଲକର ୱେଷ୍ଟଇଣ୍ଡିଜ୍ ବିପକ୍ଷରେ ନିଜର ଶେଷ ମ୍ୟାଚ୍ ଖେଳିଥିଲେ । ପଡ଼ିଆକୁ ଓହ୍ଲାଇବା ମାତ୍ରେ ଦର୍ଶକଙ୍କ ଉତ୍ସାହ ଦେଖିବା ଭଳି ଥିଲା । ସଚିନଙ୍କୁ ତାଙ୍କର ସହକର୍ମୀମାନେ 'ଗାର୍ଡ ଅଫ୍ ଅନର୍' ଦେଇଥିଲେ । ଯେମିତି ସଚିନ ନିଜର ଶେଷ ଇନିଂସ ଶେଷ କଲେ, ଷ୍ଟାଡିୟମରେ ଗୋଟିଏ ସ୍ୱର ଗୁଞ୍ଜରି ଉଠିଥିଲା - "ସଚିନ, ସଚିନ, ସଚିନ!" ଏହି ସ୍ୱର ପ୍ରତ୍ୟେକ ଭାରତୀୟଙ୍କ ହୃଦୟର ଗଭୀରତାରୁ ଆସୁଥିଲା।

ଆହୁରି ପଢ଼ନ୍ତୁ... ଏହି ଦିନ ହେବ ୨୦୨୬ ଆଇପିଏଲ ମିନି ଅକ୍ସନ: ସାମ୍ନାକୁ ଆସିଲା ତାରିଖ

ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଦ୍ୱିତୀୟ ଟେଷ୍ଟ୍ ମ୍ୟାଚ୍ ୨୦୧୩ ନଭେମ୍ବର ୧୪ରେ ଆରମ୍ଭ ହୋଇ ୨୦୧୩ ନଭେମ୍ବର ୧୬ ରେ ଶେଷ ହୋଇଥିଲା । ଏହା ସଚିନ ତେନ୍ଦୁଲକରଙ୍କ ଶେଷ ଅନ୍ତର୍ଜାତୀୟ ମ୍ୟାଚ୍ ଥିଲା । ଏଥିରେ ସଚିନ ୧୧୮ ବଲରେ ୬୨.୭୧ ଷ୍ଟ୍ରାଇକ ରେଟରେ ୭୪ ରନ୍ କରିଥିଲେ । ଏଥିରେ ୧୨ଟି ଚୌକା ମଧ୍ୟ ସାମିଲ ଥିଲା । ଷ୍ଟାଡିୟମରେ ଉପସ୍ଥିତ ପ୍ରଶଂସକମାନେ ସଚିନଙ୍କ ପ୍ରତ୍ୟେକ ରନ୍ ଏବଂ ଚୌକାକୁ ଖୁବ୍ ଉପଭୋଗ କରୁଥିଲେ।

ଆହୁରି ପଢ଼ନ୍ତୁ... ବୈଭବଙ୍କ ବିସ୍ଫୋରକ ବ୍ୟାଟିଂ ; ଟିମ୍‌ ଇଣ୍ଡିଆ ପାଇଁ ଫିଟିଲା ବାଟ

ସଚିନ ତେନ୍ଦୁଲକର କେବଳ ଗୋଟିଏ ନାଁ ନୁହେଁ ବରଂ କ୍ରିକେଟର ଏକ ଯୁଗ ଥିଲା । ତାଙ୍କ ନାମରେ ଅନେକ ରେକର୍ଡ ଅଛି ଯେପରିକି ସର୍ବାଧିକ ଅନ୍ତର୍ଜାତୀୟ ରନ୍ ଏବଂ ଶତକ ମଧ୍ୟ ସାମିଲ ଅଛି । ୧୯୯୦ରେ ଇଂଲଣ୍ଡ ବିପକ୍ଷରେ ତାଙ୍କର ପ୍ରଥମ ଶତକ ହେଉ, ୧୯୯୬-୯ ରେ ଦକ୍ଷିଣ ଆଫ୍ରିକା ବିପକ୍ଷରେ ତାଙ୍କର ୧୬୯ ରନର ସଂଘର୍ଷପୂର୍ଣ୍ଣ ଇନିଂସ ହେଉ କିମ୍ବା ପାକିସ୍ତାନ ବିପକ୍ଷରେ ତାଙ୍କର ସ୍ମରଣୀୟ ୧୩୬ ରନର ଇନିଂସ ହେଉ - ସଚିନଙ୍କ ପ୍ରତ୍ୟେକ ଇନିଂସରେ ବଡ଼ ବଡ଼ ରେକର୍ଡ ଛିଡ଼ା କରୁଥିଲେ । 

ସଚିନ ତେନ୍ଦୁଲକର ୨୦୦ ଟେଷ୍ଟ୍ ମ୍ୟାଚ୍ ଖେଳିଛନ୍ତି । ଏହି ୨୦୦ ଟେଷ୍ଟ୍ ମ୍ୟାଚ୍‌ରେ ସେ ୫୩.୭୮ ହାରରେ ୧୫୯୨୧ ରନ୍ କରିଛନ୍ତି । ଏଥିରେ ୫୧ଟି ଶତକ ଏବଂ ୬୮ଟି ଅର୍ଦ୍ଧଶତକ ସାମିଲ ଅଛି । ସଚିନ ୪୬୩ ଦିନିକିଆ ମ୍ୟାଚ୍ ଖେଳିଛନ୍ତି । ଏହି ୪୬୩ ମ୍ୟାଚ୍‌ରେ ସେ ୪୪.୮୩ ଷ୍ଟ୍ରାଇକ ରେଟରେ ୧୮,୪୨୬ ରନ୍ କରିଛନ୍ତି । ଏଥିରେ ୪୯ଟି ଶତକ ଏବଂ ୯୬ଟି ଅର୍ଦ୍ଧଶତକ ସାମିଲ ଅଛି । ଏହା ବ୍ୟତୀତ ସଚିନ ତେନ୍ଦୁଲକର ମାତ୍ର ଗୋଟିଏ T୨୦ ମ୍ୟାଚ୍ ଖେଳିଛନ୍ତି । ଏହି ଗୋଟିଏ ଞ୨୦ ମ୍ୟାଚ୍‌ରେ ସେ ୧୦ ହାରରେ ମାତ୍ର ୧୦ ରନ୍ କରିଛନ୍ତି ।