ସିଲ୍‌ଭର ସିଟିରେ ବଢ଼ିଚାଲିଛି ଭିକ୍ଷୁକଙ୍କ ସଂଖ୍ୟା ; ୨ ବର୍ଷ ହେଲା ହୋଇନି ଗଣନା

କନକ ବ୍ୟୁରୋ : ସହରର ସବୁ ଧାର୍ମିକ ତଥା ସର୍ବସାଧାରଣ ସ୍ଥଳରୁ ଭିକ୍ଷୁକମାନଙ୍କୁ ଉଦ୍ଧାର କରି ସମାଜର ମୁଖ୍ୟ ସ୍ରୋତରେ ସାମିଲ କରିବାକୁ ଲକ୍ଷ୍ୟ ରଖିଥିଲା ସିଏମ୍‌ସି । କିନ୍ତୁ ଦୁଇ ବର୍ଷ ହେଲା କଟକ ସହରରେ ଭିକ୍ଷୁକ ଚିହ୍ନଟ ପ୍ରକ୍ରିୟା ବନ୍ଦ ରହିଛି । ଫଳରେ ଏହି ଲକ୍ଷ୍ୟ ସ୍ୱପ୍ନରେ ରହି ଯାଇଛି । ଦିନକୁ ଦିନ ସହରରେ ଭିକ୍ଷୁକଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଗତ ଦୁଇ ବର୍ଷ ଧରି ସହରରେ ଭିକ୍ଷୁକ ଚିହ୍ନଟ ପ୍ରକ୍ରିୟା ବନ୍ଦ ରହିଛି । ଫଳରେ ଏବେ କଟକ ସହରର ବିଭିନ୍ନ ମନ୍ଦିରରେ ଭିକ୍ଷୁକ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଏନେଇ କଟକ ମହାନଗର ନିଗମ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନାହିଁ । ଯାହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ସହର ବାସିନ୍ଦା । 

କଟକ ମହାନଗର ନିଗମ ପକ୍ଷରୁ ଭିକ୍ଷୁକମାନଙ୍କ ପାଇଁ ସହରରେ ୩ଟି ପୁନର୍ବାସ କେନ୍ଦ୍ର ଖୋଲାଯାଇଥିଲା । ଜଗତପୁରଠାରେ ମହିଳା ଏବଂ ଶିଶୁମାନଙ୍କ ପାଇଁ ଗୋଟିଏ କେନ୍ଦ୍ର ରହିଥିଲା ବେଳେ ୪୨ମୌଜାରର ବେଣ୍ଟକାର ଏବଂ କଟକ ସଦର ଭାଣପୁର ଠାରେ ୨ଟି କେନ୍ଦ୍ର ଖୋଲା ଯାଇଥିଲା । ସହରର ବିଭିନ୍ନ ମଠ ମନ୍ଦିର ଏବଂ ରାସ୍ତା କଡ଼ରୁ ଭିକ୍ଷୁକଙ୍କୁ ଚିହ୍ନଟ କରାଯାଇ ସେମାନଙ୍କୁ ଏହି କେନ୍ଦ୍ରରେ ରଖାଯାଉଥିଲା । କିନ୍ତୁ ଦୁଇ ବର୍ଷ ହେବ ଏହା ବନ୍ଦ ରହିଛି । କେବେ ପୁଣି କଟକ ସହରରେ ଭିକ୍ଷୁକ ଚିହ୍ନଟ ପ୍ରକ୍ରିୟା ଆରମ୍ଭ ହେଉଛି ତାହା ଦେଖିବାକୁ ବାକି ରହିଲା ।

ଅଧିକ ପଢ଼ନ୍ତୁ---ଇ-ବସ୍ ଟର୍ମିନାଲ ନାଁରେ ସାଂଘାତିକ ଖେଳ ! ପ୍ରଦୂଷଣ କରିବାକୁ ଚିଠି କରୁଛି ଖୋଦ୍ ପ୍ରଦୂଷଣ ବିଭାଗ!