ଶକ୍ସଗାମ୍ ଘାଟି ଆମର: ପାକିସ୍ତାନ ସହିତ ହାତ ମିଳାଇବାର ସ୍ୱପ୍ନ ଦେଖୁଥିବା ଚୀନ୍‌କୁ ଭାରତର ଜବାବ

କନକ ବ୍ୟୁରୋ : ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ ଚୀନ୍-ପାକିସ୍ତାନ ସୀମା ଚୁକ୍ତିନାମା ନେଇ ଏକ ବଡ଼ ମନ୍ତବ୍ୟ  ଦେଇଛନ୍ତି । ଗଣମାଧ୍ୟମ ସହିତ କଥାବାର୍ତ୍ତା କରି ସେ କହିଛନ୍ତି, ଭାରତ କେବେ ବି ୧୯୬୩ ମସିହାର ଚୀନ୍-ପାକିସ୍ତାନ ସୀମା ଚୁକ୍ତିନାମାକୁ ସ୍ୱୀକାର କରିନାହିଁ। ସେ କହିଛନ୍ତି, ଭାରତ ଏହି   ଚୁକ୍ତିନାମାକୁ ବେଆଇନ ବୋଲି କହି ଆସୁଛି।  ଭାରତ ଚୀନ୍-ପାକିସ୍ତାନ ଅର୍ଥନୈତିକ କରିଡରକୁ ମଧ୍ୟ ସ୍ୱୀକାର କରେ ନାହିଁ ବୋଲି ସେ କହିଛନ୍ତି।ଏହି କରିଡର ପାକିସ୍ତାନ ବଳପୂର୍ବକ ଏବଂ ବେଆଇନ ଭାବରେ ଦଖଲ କରିଥିବା ଭାରତୀୟ ଅଞ୍ଚଳ ଦେଇ ଯାଇଥାଏ ।

ଅଧିକ ପଢ଼ନ୍ତୁ-ପାକିସ୍ତାନର ନୂଆ ଷଡ଼୍‌ଯନ୍ତ୍ର ! ଅନଲାଇନ ଆପ୍ ଜରିଆରେ କିଶୋରମାନଙ୍କୁ ଫସାଉଛି

ସେ କହିଛନ୍ତି, ଜମ୍ମୁ-କଶ୍ମୀର ଏବଂ ଲଦାଖର ସମଗ୍ର କେନ୍ଦ୍ରଶାସିତ ଅଞ୍ଚଳ ଭାରତର ଏକ ଅବିଚ୍ଛେଦ୍ୟ  ଅଙ୍ଗ। ଏହା ସ୍ପଷ୍ଟ ଭାବରେ ପାକିସ୍ତାନ ଏବଂ ଚୀନ୍ ଉଭୟଙ୍କୁ ଅନେକ ଥର ଜଣାଇ ଦିଆଯାଇଛି। ଶାକ୍ସଗାମ୍ ଉପତ୍ୟକାରେ ବାସ୍ତବତାକୁ ପରିବର୍ତ୍ତନ କରିବାର ଯେକୌଣସି ପ୍ରୟାସ ବିରୋଧରେ ଭାରତ ପକ୍ଷରୁ ଚୀନ୍‌ର କାର୍ୟ୍ୟକଳାପର ପ୍ରତିବାଦ କରାଯାଉଥିଲେ ମଧ୍ୟ କୌଣସି ଫରକ୍ ପଡୁନାହିଁ ।

ଭାରତୀୟ ସେନା ନୂତନ ୟାରକଣ୍ଡ-ଆଗିଲ-ଶାକ୍ସଗାମ ରାସ୍ତା ଉପରେ ଗୁରୁତ୍ବାରୋପ କରିଥାଏ। ଏହା ସିଆଚେନ ଏବଂ ସାଲଟୋରୋ ରିଜର ଉତ୍ତର ଭାଗରୁ ପ୍ରାୟ ୩୦ରୁ ୫୦ କିଲୋମିଟର ବ୍ୟାସାର୍ଦ୍ଧ ମଧ୍ୟରେ ରହିଛି।