କେନ୍ଦୁଝରରେ ପରିମଳ ବ୍ୟବସ୍ଥା ବିପର୍ଯ୍ୟସ୍ତ,  ଜାତୀୟ ରାଜପଥ କଡ଼ରେ ଜମି ରହୁଛି କୁଢ଼ କୁଢ଼ ଅଳିଆ ଆବର୍ଜନା

କନକ ବ୍ୟୁରୋ: ଫେଲ ମାରିଛି କେନ୍ଦୁଝର ପୌରପାଳିକାର ୱେଷ୍ଟ ମ୍ୟାନେଜମେଣ୍ଟ କାର୍ଯକ୍ରମ । କେନ୍ଦୁଝର ସହରର ମୁଖ୍ୟସ୍ଥାନରେ ଜମିରହୁଛି ସହରର କୁଢ଼କୁଢ଼ ଅଳିଆ । ତାହାପୁଣି ସହରର ପେଣ୍ଠସ୍ଥଳ ସିଦ୍ଧମଠ ବାଇପାସ ନିକଟ ଜାତିୟ ରାଜପଥ କଡ଼ରେ । 

୨୦ ନଂ ଜାତୀୟ ରାଜପଥ କଡ଼ରେ କୁଢ଼ କୁଢ଼ ଅଳିଆ ଆବର୍ଜନା । ମଇଳା ସାଙ୍ଗକୁ ପଲିଥିନର ପାହାଡ଼ ପରିବେଶକୁ ନଷ୍ଟ କରୁଛି । ଏପଟେ ଯାଉଥିବା ପ୍ରତ୍ୟେକଟି ମଣିଷକୁ ଏ ଦୃଶ୍ୟ ବ୍ୟଥିତ କରୁଛି। ହେଲେ ପୌରପାଳିକା ନଜରରେ ଏହା ପଡ଼ୁନଥିବା ଭଳି ମନେ ହେଉଛି । ଏହି ଅଳିଆ ଗଦାରେ ପଲ ପଲ ଗାଈ ଗୋରୁ ଚରୁଥିବାରୁ ବାରମ୍ବାର ଦୁର୍ଘଟଣା ଘଟି ଗାଈଗୋରୁଙ୍କ ଜୀବନ ଯାଉଥିବା ଅଭିଯୋଗ ଆସୁଛି । ହେଲେ ପ୍ରଶାସନର ନିଦ ଭାଙ୍ଗୁନି । ଏହି ରାସ୍ତା ଦେଇ ମାତ୍ର ଶହେ ମିଟର ଦୂରତାରେ ରହିଛି କେନ୍ଦୁଝର ପ୍ରସିଦ୍ଧ ଧର୍ମପୀଠ ସିଦ୍ଧ ମଠ। ନିକଟରେ ବିଭିନ୍ନ ସରକାରୀ କାର୍ଯ୍ୟାଳୟ ସହ ଧରଣୀଧର ବିଶ୍ୱବିଦ୍ୟାଳୟ କ୍ୟାମ୍ପସ ବି ରହିଛି । 

ହଜିଲା ପୁଅର ଫଟୋ ଧରି ଗାଁ ଗାଁ ବୁଲି ଖୋଜୁଛି ଅସହାୟ ବାପା

ଏହି ରାସ୍ତା ଦେଇ ରାଜ୍ୟର କୋଣ ଅନୁକୋଣରୁ ପର୍ଯ୍ୟଟକ ସାନଘାଗରା, ବଡ଼ଘାଗରା ବୁଲି ଆସିଥାନ୍ତି । ହେଲେ ଏସବୁ ଦେଖି ଲାଗୁଛି ପର୍ଯ୍ୟଟକଙ୍କୁ ସ୍ବାଗତ କରୁଛି ଏହି ଅଳିଆ ଗଦା । ଅନ୍ୟପଟେ କେନ୍ଦୁଝର ପୌରପାଳିକା ନିର୍ବାହୀ ଅଧିକାରୀ କହିଛନ୍ତି, ଖୁବଶୀଘ୍ର ଆବର୍ଜନା ପରିଚାଳନା କରାଯାଇ ଅଳିଆରୁ ଖତ ପ୍ରସ୍ତୁତ କରାଯିବାର କାର୍ଯ୍ୟକ୍ରମ କରାଯିବ । ସହରରୁ ବାହାରୁଥିବା ଅଳିଆ କିପରି ପରିବେଶକୁ ନଷ୍ଟ ନକରିବ ଏଥିପାଇଁ ଆବର୍ଜନା ପରିଚାଳନା ପାଇଁ ବର୍ଷ ବର୍ଷ ଧରି ପ୍ରଶାସନିକ ସ୍ତରରେ ବୈଠକ ପରେ ବୈଠକ ବସୁଛି। ଯାହା ପ୍ରହସନ ପରି ମନେ ହଉଛି ।