ଓଡିଶା–ପଶ୍ଚିମବଙ୍ଗ ବାଲି ଚୋରାଚାଲାଣ ମାମଲାରେ ନୂଆ ଟୁଇଷ୍ଟ

କନକ ବ୍ୟୁରୋ : ଓଡ଼ିଶାରୁ ପଶ୍ଚିମବଙ୍ଗକୁ ବାଲି ଚୋରା ଚାଲାଣ ମାମଲାର ନୂଆଁ ଟୁଇଷ୍ଟ । ସମାଜସେବୀ ଦିଲ୍ଲୀପ କାମିଳାଙ୍କୁ ହତ୍ୟା କରିବା ଧମକରେ ସୁରକ୍ଷା ଓ ନ୍ୟାୟପାଇଁ ତାଳସାରୀ ଥାନାରେ ଏତଲା ଦେବାର ୩୦ ଘଣ୍ଟା ପରେ ବି ମାମଲା ରୁଜୁ କରୁନି ତାଳସାରୀ ମେରାଇନ ପୁଲିସ୍ ।  ଓଲଟା ଘଟଣା ବାବଦରେ ପୁଲିସକୁ ପଚାରିବାର ପ୍ରତ୍ୟେକ ୫ ରୁ ୧୦ ମିନିଟ ପରେ ବାଲି ବ୍ୟବସାୟୀଙ୍କଠୁ ଆସୁଛି କେଶ ଉଠାଇ ନେଇ ମୂଲଚାଲ କରିବା ପାଇଁ କଲ । ଏଥିରୁ ସ୍ପଷ୍ଟ ହେଉଛି ତାଳସାରୀ ମେରାଇନ ପୁଲିସର ବାଲି ମାଫିଆଙ୍କ ସହ ରହିଛି କି ମଧୁଚନ୍ଦ୍ରିକା ।

ଅଧିକ ପଢନ୍ତୁ : ବାଲିମାଫିଆଙ୍କ ଦାଦାଦିରି, ପୁଲିସକୁ ମାରି ମାଟିରେ ମିଶାଇ ଦେବାକୁ ଧମକ

ବାଲି ମାଫିଆ ମେରାଇନ ପୁଲିସକୁ ଗାଡ଼ିପିଛା ମାସକୁ ଦଶ ହଜାର ଟଙ୍କା ଦେବା ଅଡ଼ିଓ ଏବେ ସତ ବୋଲି ପ୍ରମାଣିତ ହେବାକୁ ଯାଉଛି । ଅନ୍ୟପକ୍ଷରେ ସମାଜସେବୀ ଦିଲ୍ଲୀପ କାମିଳା ନିଜ ଜୀବନ ପ୍ରତି ଅଧିକ ବିପଦ ଥିବା ଜାଣି ଜିଲ୍ଲା ପ୍ରଶାସନ ଓ ରାଜ୍ୟ ସରକାରଙ୍କୁ ସୁରକ୍ଷା ପାଇଁ ନିବେଦନ କରିବା ସହିତ ମାଫିଆ ଓ ଅଧିକାରୀଙ୍କ ଦ୍ୱାରା ହେଉଥିବା କୋଟି କୋଟି ଟଙ୍କାର ଓଡ଼ିଶାର ରାଜସ୍ବ ଲୁଟରେ ରୋକ ଲଗାଇବାକୁ ନିବେଦନ କରିଛନ୍ତି ।