ବିପଦ ବଢାଉଛି ଜଙ୍କ୍‌ ଫୁଡ୍‌; କେଉଁ ଖାଦ୍ୟରେ ଅଛି କେତେ ତେଲ, ବ୍ୟାବସାୟିକ ପ୍ରତିଷ୍ଠାନରେ ବୋର୍ଡ ଲଗାଇବେ ସରକାର

କନକ ବ୍ୟୁରୋ : ସରକାରକୁ ଜଙ୍କ ଫୁଡ୍‌ ଚିନ୍ତା । ତେଲ ବୋର୍ଡ ଲଗାଇବେ ସରକାର । କେଉଁ ଖାଦ୍ୟରେ ଅଛି କେତେ ତେଲ, ତାକୁ ଖାଇଲେ କ’ଣ ହେବ । ସେ ନେଇ ତେଲ ବୋର୍ଡ ଜରିଆରେ କରାଯିବ ସଚେତନ । ଏନେଇ ସବୁ ଜିଲ୍ଲାପାଳଙ୍କୁ ମହିଳା ଓ ଶିଶୁ ବିକାଶ ବିଭାଗର ଚିଠି । ସମସ୍ତ ଅଙ୍ଗନବାଡ଼ି ସେଣ୍ଟର, ଶିଶୁ ଯତ୍ନ କେନ୍ଦ୍ର, ୱାନ୍ ଷ୍ଟପ୍ ସେଣ୍ଟର, ଶକ୍ତି ସଦନ, ଶକ୍ତି ନିବାସ ସହ ଘରୋଇ ପ୍ରତିଷ୍ଠାନରେ ଲାଗିବ ତେଲ ବୋର୍ଡ ।

ଅଧିକ ପଢ଼ନ୍ତୁ : ଚା’ ପତି ପାଣିରେ ବୁଡ଼ାଇ ବିକୁଛନ୍ତି ନକଲି ଅଣ୍ଡା, ଏମିତି ଚିହ୍ନନ୍ତୁ ଅସଲି ଏବଂ ନକଲି ଅଣ୍ଡା

ଯେଉଁଥିରେ ରହିବ କେଉଁ ଖାଦ୍ୟରେ କେତେ ତେଲ ପରିମାଣ ରହିଛି । ଯେମିତି କି ସିଙ୍ଗଡ଼ା, ପକୁଡ଼ି, ଆଳୁ ଚପ୍, ଛଣା ସେଉ, ମୁଡୁକିରେ କେତେ ପରିମାଣର ତେଲ ରହିଛି । ଯାହାକୁ ଖାଇଲେ ହୃଦରୋଗ, ମୋଟାପଣ, ଯକୃତ ରୋଗ ସହ ଉଚ୍ଚ ରକ୍ତଚାପ ହେବାର ସମ୍ଭାବନା ରହିଛି । ଉଭୟ ଓଡ଼ିଆ ଏବଂ ଇଂରାଜୀରେ ଲାଗିବ ତେଲ ବୋର୍ଡ ।

କେଉଁ ଖାଦ୍ୟରେ କେତେ ତେଲ ?

ସିଙ୍ଗଡ଼ା

୧୦୦ ଗ୍ରାମ= ୨୮ ଗ୍ରାମ ତେଲ

ପକୋଡ଼ି

୧୦୦ ଗ୍ରାମ = ୨୦ ଗ୍ରାମ ତେଲ

ଆଳୁ ଚିପ୍‌ସ

୧୦୦ ଗ୍ରାମ = ୩୫ ଗ୍ରାମ ତେଲ

ନିମ୍‌କି

୧୦୦ ଗ୍ରାମ= ୪୦ ଗ୍ରାମ ତେଲ

ଆଳୁ ଚପ୍

୧୦୦ ଗ୍ରାମ= ୨୪ ଗ୍ରାମ ତେଲ

ଛଣା ସେଓ

୧୦୦ ଗ୍ରାମ= ୩୮ ଗ୍ରାମ ତେଲ

ମୁଡୁକି

୧୦୦ ଗ୍ରାମ= ୩୫ ଗ୍ରାମ ତେଲ

ଅଧିକ ତେଲ ଖାଇଲେ ବିପଦ

• ହୃଦ୍‌ରୋଗ
• ମୋଟାପଣ
• ଯକୃତ ରୋଗ
• ଉଚ୍ଚ ରକ୍ତଚାପ