ସଂସଦକୁ କୁକୁର ଆଣିଲେ ସାଂସଦ : କହିଲେ ‘ଏ କୁକୁର କାମୁଡ଼େ ନାହିଁ , କାମୁଡ଼ା କୁକୁର ଭିତରେ ଅଛନ୍ତି’

କନକ ବ୍ୟୁରୋ : ସଂସଦ ଶୀତକାଳୀନ ଅଧିବେଶନର ପ୍ରଥମ ଦିନରେ କଂଗ୍ରେସ ସାଂସଦ ରେଣୁକା ଚୌଧୁରୀ ଏକ କୁକୁରକୁ ନିଜ ଗାଡ଼ିରେ ଧରି ସଂସଦ ଭବନରେ ପହଞ୍ଚିବା ପରେ ଆରମ୍ଭ ହୋଇଥିଲା ଏକ ନୂତନ ବିବାଦର । ବିଜେପି ସାଂସଦଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନେବାକୁ ଦାବି କରିଛି । ଯେତେବେଳେ ସାଂସଦ ରେଣୁକା ଚୌଧୁରୀଙ୍କୁ ଗଣମାଧ୍ୟମ ଏ ବିଷୟରେ ପ୍ରଶ୍ନ କରିଥିଲା, ସେ ପ୍ରତିକ୍ରିୟା ଦେଇ କହିଥିଲେ "ଏଥିରେ ଅସୁବିଧା କ'ଣ ? ଯଦି କଥା କହିପାରୁନଥିବା ଜଣେ କୁକୁର ସଂସଦ ଭିତରକୁ ପଶିଯାଏ ତେବେ ଅସୁବିଧା କେଉଁଠି ଅଛି ? କୁକୁରଟି ଏତେ ଛୋଟ ଯେ କାହାକୁ କାମୁଡ଼ିବ ନାହିଁ ; କୁକୁରଠାରୁ ଅଧିକ ସଂସଦରେ ଏଭଳି ଲୋକମାନେ ଅଛନ୍ତି ଯେଉଁମାନେ କାମୁଡ଼ନ୍ତି । 

ଇଣ୍ଟରନେଟରେ ଭାରତୀୟ ୟୁଜର୍ସଙ୍କ ଦବଦବା ; ଆଶ୍ଚର୍ଯ୍ୟ କଲା ୟୁଟ୍ୟୁବ୍ ରିପୋର୍ଟ

ତେବେ ସାଂସଦଙ୍କ ପ୍ରତିକ୍ରିୟା ପରେ ବିଜେପି ସାଂସଦ ଜଗଦମ୍ବିକା ପାଲ ଏହି ଘଟଣାରେ ତୀବ୍ର ପ୍ରତିକ୍ରିୟା ପ୍ରକାଶ କରି ରେଣୁକା ଚୌଧୁରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି କରିଛନ୍ତି । ସେ କହିଛନ୍ତି, "ଏହି ଗୃହ ଜାତୀୟ ନୀତି ବିଷୟରେ ଆଲୋଚନା କରିବାର ସ୍ଥାନ । ଏଠାକୁ କୁକୁରକୁ ଆଣି ଏବଂ ତା’ ଉପରେ ପ୍ରତିକ୍ରିୟା ଦେଇ ସେ ଦେଶ ପାଇଁ ଲଜ୍ଜା ଆଣୁଛନ୍ତି । ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ ।" ପାଲ ଏହାକୁ ଗଣତନ୍ତ୍ର ପ୍ରତି ଆଘାତ ଏବଂ ସଂସଦ ପ୍ରତି ଅପମାନ ବୋଲି କହିଛନ୍ତି । ବିଜେପି ଦାବି କରୁଛି ଯେ ସାଂସଦମାନେ ବିଶେଷ ଅଧିକାର ପାଆନ୍ତି କିନ୍ତୁ ସେମାନଙ୍କର ଅପବ୍ୟବହାର କରାଯିବା ଉଚିତ୍ ନୁହେଁ । ସେମାନେ ଏହା ମଧ୍ୟ ଯୁକ୍ତି କରୁଛନ୍ତି ଯେ ସଂସଦର ଉଦ୍ଦେଶ୍ୟ ହେଉଛି ଜାତୀୟ ସ୍ୱାର୍ଥ ପାଇଁ ବିତର୍କ କରିବା ଏହିପରି ବ୍ୟକ୍ତିଗତ ଘଟଣାରେ ଲିପ୍ତ ହେବା ନୁହେଁ ।

ଗୋବର ବିକି ମାଲାମାଲ୍ : ବିଦେଶୀ ମାର୍କେଟରେ ୪୦୦ କୋଟିର ବେପାର ଦେଉଛି ଗୋବର

ତେବେ ରେଣୁକା ଚୌଧୁରୀ ସଂସଦ ବାହାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିବୃତ୍ତି ଉପରେ ମଧ୍ୟ ପ୍ରଶ୍ନ ଉଠାଇଛନ୍ତି । ସେ କହିଛନ୍ତି ଯେ "ସରକାର ଏକ ମାସର ଅଧିବେଶନକୁ ୧୫ ଦିନକୁ କାହିଁକି କମାଇଲେ? ଅଧିବେଶନକୁ କମାଇ ଦେବା ପାଇଁ କ'ଣ କମ୍ ପ୍ରସଙ୍ଗ ଥିଲା ?" ତେବେ ସାଂସଦଙ୍କ ବିବୃତ୍ତିକୁ ସରକାରଙ୍କ ଉପରେ ଚାପ ପକାଇବାର ପ୍ରୟାସ ଭାବରେ ଦେଖାଯାଉଛି । ଏହି ପ୍ରସଙ୍ଗ ସଂସଦରେ ଏକ ଗମ୍ଭୀର ବିବାଦରେ ପରିଣତ ହେଉଛି । ଯେଉଁଠାରେ କୁକୁର ମନ୍ତବ୍ୟ ରାଜନୈତିକ ବିତର୍କକୁ ଜନ୍ମ ଦେଉଛି ।