ବିଶ୍ୱବିଦ୍ୟାଳୟ ମାନ୍ୟତା ଦାବିରେ ଶୈଳବାଳାରେ ତୀବ୍ର ଆନ୍ଦୋଳନ, କଟକ ମେୟରଙ୍କ ସମର୍ଥନ

କନକ ବ୍ୟୁରୋ : ବିଶ୍ବବିଦ୍ୟାଳୟ ମାନ୍ୟତା ଦାବିରେ ଶୈଳବାଳାରେ ଥମୁନି ଆନ୍ଦୋଳନ । ବିଶ୍ବବିଦ୍ୟାଳୟ ଦାବି ନେଇ ଗତକାଲି ସନ୍ଧ୍ୟାରେ କଲେଜ ପରିସର ଭିତରେ ଛାତ୍ରୀମାନଙ୍କ ଦ୍ଵାରା ଆନ୍ଦୋଳନ ଜାରି ରହିଛି । କଲେଜ କର୍ତୁପକ୍ଷ , ଅଧ୍ୟାପକମାନେ କଲେଜ ପରିସରରେ ରହିଛନ୍ତି  । ଜିଲ୍ଲା ପ୍ରଶାସନ ସହ ଆଲୋଚନା ହୋଇଥିଲେ ମଧ୍ୟ କିଛି ସମାଧାନର ବାଟ ବାହାରିନି । ପ୍ରତିଶ୍ରୁତି ଅନୁଯାଇ ଆଲୋଚନା ହୋଇପାରିନଥିବରୁ  ଛାତ୍ରୀମାନେ  ଆନ୍ଦୋଳନକୁ ପୁଣି ଓହ୍ଲାଇଛନ୍ତି । କଲେଜ ଫାଟକ ଭିତରେ ବସିରହିଥିବା ବେଳେ ପୋଲିସ ବାହାରେ ଜଗି ରହିଛନ୍ତି ।

ଅଧିକ ପଢନ୍ତୁ : ଥମୁନି ଶୈଳବାଳା ତାତି ; ବିଶ୍ବବିଦ୍ୟାଳୟ ମାନ୍ୟତା ଦାବି ଜିଦ୍‌ରେ ଅଟଳ ଛାତ୍ରୀ

 ଆନ୍ଦୋଳନ ଜୋର୍ ଧରିଥିବା ବେଳେ  ଏହାକୁ ଆହୁତି ବ୍ୟାପକ କରାଯିବ ବୋଲି କଲେଜ  ଛାତ୍ରୀ , ପୁରାତନ ଶୈଳବାଳା  ଛାତ୍ରୀ ସଂଘ, ଭିନ୍ନ ସଂଘ ପକ୍ଷରୁ ଯୋଜନା କରାଯାଇଛି । କଟକର ଏହା ସମ୍ମାନ ହୋଇଥିବାରୁ କଟକର ବିଭିନ୍ନ ସଂଘକୁ ଏଥିରେ ସାମିଲ କରିବାକୁ ଯୋଜନା ହୋଇଛି ।  କଟକ ମେୟର ଘଟଣାସ୍ଥଳକୁ ଯାଇ ଛାତ୍ରୀଙ୍କ ଦାବିକୁ ସମର୍ଥନ ଜଣାଇଛନ୍ତି । ପ୍ରଶାସନ ଛାତ୍ରୀଙ୍କ  ଦାବିକୁ ହାଲୁକା ଭାବେ ଗ୍ରହଣ କରି ଉଦାସୀନ ମନୋଭାବ ପୋଷଣ କରିବା ଅଦୌ ଉଚିତ୍  ନୁହେଁ ବୋଲି ସେ କହିଛନ୍ତି ।