ହାଟଡିହି କରଗୋଳାରେ ବେଆଇନ ବାଲିଘାଟକୁ ବିରୋଧ, ବିନା ଲିଜରେ ବୈତରଣୀରୁ ବାଲି ବୋହି ନେଉଛନ୍ତି ମାଫିଆ

କନକ ବ୍ୟୁରୋ :  ବେଆଇନ ବାଲି ଚାଲାଣକୁ ନେଇ ଚର୍ଚ୍ଚାରେ କେନ୍ଦୁଝର ଜିଲ୍ଲା ହାଡଡିହି ବ୍ଲକ । ବିନା ଲିଜରେ ବୈତରଣୀରୁ ଚାଲିଛି ବାଲି ଚୋରା ଚାଲାଣ । ବର୍ଷବର୍ଷ ଧରି ଚାଲିଥିବା ଏହି ବେଆଇନ କାର୍ଯ୍ୟକଳାପ  ଉପରେ ରୋକ ଲଗାଇବା ପ୍ରଶାସନ ପାଇଁ ଚ୍ୟାଲେଞ୍ଜ ସୃଷ୍ଟି କରିଛି ।  

କେନ୍ଦୁଝର ହାଟଡିହି ବ୍ଲକ କରଗୋଳା ଗାଁର ବୈତରଣୀ ନଦୀରେ ଚାଲିଛି ବେଆଇନ ବାଲି ଘାଟ ।  ବିନା ଲିଜରେ ନଦୀରୁ ବାଲି ଉତ୍ତୋଳନ କରି ଚୋରା ଚାଲାଣ କରାଯାଉଛି । ଜଙ୍ଗଲରୁ ମୂଲ୍ୟବାନ ଗଛକାଟି ରାସ୍ତା ନିର୍ମାଣ କରି ଟ୍ରିପ୍‌ ଟ୍ରିପ୍‌ ବାଲି ମାଫିଆ ବୋହି ନେଉଥିବା ଅଭିଯୋଗ ଆସିଛି ।  ଯାହାକୁ ବିରୋଧ କରି ଉପଜିଲ୍ଲାପାଳଙ୍କ କାର୍ଯ୍ୟାଳୟ  ସମ୍ମୁଖରେ ଧାରଣା ଦେଇଥିଲେ ଗାଁ ଲୋକ । ତଥାପି କୌଣସି କାର୍ଯ୍ୟାନୁଷ୍ଠାନ  ନିଆଯାଉନଥିବା ଅଭିଯୋଗ ଆସିଛି ।

ସହିପାରିଲାନି ବାପାର ହୃଦୟ ; ଝିଅକୁ ଅସଦାଚରଣ କରିଥିବା ଯୁବକକୁ କରିଦେଲେ ହତ୍ୟା

୨୦୧୯ରେ ମଧ୍ୟ ବୈତରଣୀ ନଦୀର ସୁରକ୍ଷା ପାଇଁ ୩ ଦିନ ଧରି ଧାରଣାରେ ବସିଥିଲେ କରଗୋଳାବାସୀ । ପୁଣିଥରେ ସେଭଳି ପରିସ୍ଥିତି ସୃଷ୍ଟି ହୋଇଛି । ଆନନ୍ଦପୁର ବିଧାୟକ, ଖଣି ବିଭାଗ ଅଧିକାରୀ ଘଟଣାସ୍ଥଳରେ ପହଞ୍ଚି ବାଲି ମାଫିଆଙ୍କ ବିରୋଧରେ କାର୍ଯ୍ୟାନୁଷ୍ଠାନ  ଗ୍ରହଣ କରିବା ନେଇ ପ୍ରତିଶ୍ରୁତି ଦେଇଛନ୍ତି ।

ତହସିଲଦାର ଓ ଖଣି ଅଧିକାରୀ ସମ୍ପୃକ୍ତ ଘାଟକୁ ଟ୍ରେଞ୍ଚ ଖୋଳିବାକୁ ଗଲେ ମାଫିଆମାନେ ଧମକ ଦେଉଥିବା ଅଭିଯୋଗ ଆସିଛି ।