ଆଜି ସଂସଦରେ ଅଭିଭାଷଣ ରଖିବେ ପ୍ରଧାନମନ୍ତ୍ରୀ, ନରୱଣେଙ୍କ ଅପ୍ରକାଶିତ ବହିକୁ ନେଇ ଗୃହରେ ଝଡ଼ ଭିତରେ ଗୃହରେ ଭାଷଣ ଦେବେ ନରେନ୍ଦ୍ର ମୋଦୀ

କନକ ବ୍ୟୁରୋ: ଆଜି ସଂସଦରେ ଅଭିଭାଷଣ ରଖିବେ ପ୍ରଧାନମନ୍ତ୍ରୀ । ପୂର୍ବତନ ଆର୍ମି ମୁଖ୍ୟ ନରୱଣେଙ୍କ ଅପ୍ରକାଶିତ ବହିକୁ ନେଇ ଝଡ଼ ଚାଲିଥିଲା ବେଳେ ପ୍ରଧାନମନ୍ତ୍ରୀ ଆଜି ଗୃହରେ ଭାଷଣ ଦେବେ । ବିରୋଧୀଙ୍କ ପ୍ରବଳ ହଟ୍ଟଗୋଳ ଯୋଗୁ ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଭିଭାଷଣ ଦେଈପାରିନଥିଲେ । ରାଷ୍ଟ୍ରପତିଙ୍କ ଅଭିଭାଷଣ ଉପରେ ଆଜି  ପ୍ରଧାନମନ୍ତ୍ରୀ ଧନ୍ୟବାଦ ପ୍ରସ୍ତାବ ଦେବେ। ଗୃହରେ ପାଦ ରଖୁ ରଖୁ ବିରୋଧୀ ସ୍ଲୋଗାନ ଦେବା ସହ ପ୍ରବଳ ହଟଗୋଳ କରିଥିଲେ। ଗୃହକାର୍ଯ୍ୟରେ ବାଧା ପାଇଁ ଗୃହକୁ ମୁଲତବି ରଖିବାକୁ ପଡ଼ିଥିଲା । ଆଜି ଦିନ ୧୧ଟାରେ ଆରମ୍ଭ ହେବ ଗୃହକାର୍ଯ୍ୟ ।

ଗ୍ରୋକ୍ ଏଆଇ ପ୍ରଧାନମନ୍ତ୍ରୀଙ୍କ ମାଳଦ୍ୱୀପ ପୋଷ୍ଟର ଭୁଲ୍ ଅନୁବାଦ କଲା

ସେପଟେ ପ୍ରଧାନମନ୍ତ୍ରୀଙ୍କୁ ବିରୋଧୀ ଦଳର ମହିଳା ସାଂସଦ ମାନେ ଉଦ୍ଦେଶ୍ୟମୂଳକ ଭାବେ ଆସି ଘେରି ଯାଇଥିଲେ ବୋଲି ଅଭିଯୋଗ କରିଛି ବିଜେପି । ସେପଟେ ସଂସଦ ପରିସରରେ ବିରୋଧୀ ଦଳ ନେତା ରାହୁଲ ଗାନ୍ଧୀ ଏବଂ କେନ୍ଦ୍ରମନ୍ତ୍ରୀ ରଭନୀତ ସିଂହ ବିଟ୍ଟୁଙ୍କ ମଧ୍ୟରେ ଦେଖିବାକୁ ମିଳିଛି ପ୍ରବଳ ଯୁକ୍ତିତର୍କ ଦେଖିବାକୁ ମିଳିଛି । ବିଟ୍ଟୁଙ୍କୁ ରାହୁଲ ବିଶ୍ବାସଘାତକ ସମ୍ବୋଧନ କରିଥିବାବେଳେ ପାଲଟା ଜବାବରେ ବିରୋଧୀ ଦଳ ନେତାଙ୍କୁ ଦେଶର ଶତ୍ରୁ କହିଥିଲେ ବିଟୁ । ଏହି ଘଟଣାକୁ ନେଇ ରାହୁଲ ଗାନ୍ଧୀଙ୍କ ବିରୋଧରେ ଜୋରଦାର ବିକ୍ଷୋଭ ଦେଖିବାକୁ ମିଳିଛି ।