ଦୂଷିତ ପାଣି ପିଇ କେମିତି ମଲେ ୧୧ ଜଣ? ସାମ୍ନାକୁ ଆସିଲା ପାଣିର ଯାଞ୍ଚ ରିପୋର୍ଟ, ବଡ଼ ଖୁଲାସା

କନକ ବ୍ୟୁରୋ: ଇନ୍ଦୋରରେ ଦୂଷିତ ପାଣି ପିଇବା ଯୋଗୁଁ ହୋଇଥିବା ମୃତ୍ୟୁ ସମ୍ପର୍କରେ ପ୍ରାରମ୍ଭିକ ରିପୋର୍ଟ ଏବେ ସାମ୍ନାକୁ ଆସିଛି। ପ୍ରାରମ୍ଭିକ ତଦନ୍ତ ରିପୋର୍ଟରେ ପାଣିରେ ପ୍ରଦୂଷଣକୁ ଇଙ୍ଗିତ କରାଯାଇଛି । ତେବେ ସରକାର ଏବେ ଏହି ବିଷୟରେ ଏକ ବିସ୍ତୃତ ରିପୋର୍ଟ ମାଗିଛନ୍ତି । ଇନ୍ଦୋର ଜିଲ୍ଲା ମାଜିଷ୍ଟ୍ରେଟ୍ ଶିବମ୍ ବର୍ମା ଏ ବିଷୟରେ ଗଣମାଧ୍ୟମକୁ ସୂଚନା ଦେଇଛନ୍ତି । ଉଲ୍ଲେଖନୀୟ ଯେ ଦେଶର ସବୁଠାରୁ ସ୍ୱଚ୍ଛ ସହର ଭାବରେ ବିବେଚିତ ଇନ୍ଦୋରର ଭାଗୀରଥପୁରାରେ ଦୂଷିତ ପାଣି ପିଇବା ଯୋଗୁଁ ଅନେକ ଲୋକ ପ୍ରାଣ ହରାଇଛନ୍ତି, ଏହାସହିତ କିଛି ଅସୁସ୍ଥ ଲୋକ ବର୍ତ୍ତମାନ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ବର୍ତ୍ତମାନ ପର୍ଯ୍ୟନ୍ତ ଦୂଷିତ ପାଣି ପିଇବା ଯୋଗୁଁ ଏପର୍ଯ୍ୟନ୍ତ ୧୧ ଜଣଙ୍କ ମୃତ୍ୟୁ ହୋଇଛି।

ଆହୁରି ପଢ଼ନ୍ତୁ : ଆରପାରିରେ ନୀଳଗିରିର ପୂର୍ବତନ ବିଧାୟକ; ଦୁଇ ଦୁଇ ଥର ବିଧାୟକ ହୋଇ ଆସିଥିଲେ ବିଧାନସଭା

ଇତିମଧ୍ୟରେ, ଦୂଷିତ ପାଣି ଯୋଗୁଁ ଆଉ ୧୩ ଜଣ ଅସୁସ୍ଥ ହୋଇଛନ୍ତି । ବର୍ତ୍ତମାନ ସମୟରେ, ସର୍ଭେ ଦଳଗୁଡ଼ିକ ଘର ଘର ବୁଲି ତଦନ୍ତ କରୁଛନ୍ତି। ରୋଗୀ ଥିବା ଯେକୌଣସି ପରିବାରକୁ ତୁରନ୍ତ ଚିକିତ୍ସା ଯୋଗାଇବା ପାଇଁ ପ୍ରଶାସନ କାର୍ଯ୍ୟ କରୁଛି। ଏହାସହିତ ମ୍ୟୁନିସିପାଲ କର୍ପୋରେସନ ଏକ ସ୍ଥାନ ଚିହ୍ନଟ କରିଛି ଯେଉଁଠାରେ କି ପାଣି ଦୂଷିତ ହୋଇଥିଲା। ସେହି ସ୍ଥାନକୁ ମରାମତି କରାଯାଇଛି।

ଉଲ୍ଲେଖନୀୟ ଯେ MGM ମଧ୍ୟ ଏହି ବିଷୟରେ ନିଜର ରିପୋର୍ଟ ଦାଖଲ କରି କହିଛି ଯେ ଦୂଷିତ ପାଣି ଯୋଗୁଁ ଲୋକଙ୍କ ମୃତ୍ୟୁ ହୋଇଥିଲା, ଏହାଦ୍ୱାରା ସଂକ୍ରମଣ ବ୍ୟାପିଥିଲା । ଏହାବ୍ୟତୀତ, ଡାକ୍ତରଖାନାରେ ଭର୍ତ୍ତି ହୋଇଥିବା ଲୋକମାନେ ମଧ୍ୟ ଦୂଷିତ ପାଣି ପିଇବା ଯୋଗୁଁ ଅସୁସ୍ଥ ହୋଇପଡ଼ିଛନ୍ତି। ଭାଗୀରଥପୁରାରେ ଘରର ପାଣିର ନମୁନା ସଂଗ୍ରହ କରାଯାଇଥିଲା ଏବଂ ମେଡିକାଲ କଲେଜ ଲ୍ୟାବରେ ପରୀକ୍ଷା କରାଯାଇଥିଲା।