କନକବ୍ୟୁରୋ : ପୀତବାସ ହତ୍ୟାକାଣ୍ଡ ଘଟଣାରେ ରାଜନୈତିକ ସଂପୃକ୍ତି ନେଇ ଚର୍ଚ୍ଚା ଥମିନି ।  ଏହା ସହିତ କିନ୍ତୁ ଯେଉଁ ପ୍ରସଙ୍ଗଟି ସାମ୍ନାକୁ ଆସିଲା, ତାହା ହେଉଛି ବିଜେଡି ମୁଖିଆଙ୍କ ଗଞ୍ଜାମରେ ବିଜେଡି ସ୍ବାସ୍ଥ୍ୟ ଠିକ୍ ନାହିଁ ।  ବିଜେଡି ପ୍ରତିବାଦ ସଭାକୁ ଦେଖି ଏମିତି ଚର୍ଚ୍ଚା ଜୋର ଧରିଲାଣି । 

Advertisment

ସାଧାରଣ ନିର୍ବାଚନରେ ନିଷ୍ପ୍ରଭ ହୋଇଯାଇଥିଲା ଶଙ୍ଖ ଧ୍ବନି ।  ଦଳର ମୁଖିଆ ନବୀନ ପଟ୍ଟନାୟକଙ୍କ ଜିଲ୍ଲାର ଜିଲ୍ଲା ସଭାପତି ଏବେ ଜେଲ୍‌ରେ । ବିକ୍ରମ, ଚାଉପଟ୍ଟନାୟକଙ୍କ ଗର୍ଜନ ଶୁଭୁନି । ପୀତବାସ ହତ୍ୟାକାଣ୍ଡରେ ଗଞ୍ଜାମ ଜିଲ୍ଲା  ବିଜେଡି ସଭାପତିଙ୍କ ଗିରଫ ଓ ପ୍ରତିବାଦ ସଭା ଦେଖି ଆରମ୍ଭ ହୋଇଛି ଏମିତି ଅବଗଣନା।  ଜିଲ୍ଲା ବାହାର ନେତାଙ୍କ ଉପସ୍ଥିତି ଦେଖିଲା ଓଡ଼ିଶା, ହେଲେ କୁଆଡ଼େ ଗଲେ ଗଞ୍ଜାମ ନେତା ?  କାହା ନେତୃତ୍ବରେ ବିଜେଡି ସଭାପତି ନବୀନ ପଟ୍ଟନାୟକଙ୍କ ଜିଲ୍ଲା ବଢ଼ିବ ?  ଏସବୁକୁ ନେଇ ଚାଲିଛି ଅବଗଣନା । 

ଅବହେଳିତ ଗାଁ କରଞ୍ଜଗୁଡ଼ା, ମୌଳିକ ସୁବିଧା ସାତ ସପନ

ଅଧିକ ପଢନ୍ତୁ .... 

ଏକଦା ଗଞ୍ଜାମ ରାଜନୀତିରେ ପ୍ରଥମେ ନବୀନଙ୍କ ରଥର ସାରଥୀ ଥିଲେ ରାମକୃଷ୍ଣ ।  ଦିନ କେତେଟା ପରେ ରାମକୃଷ୍ଣ ହଟିଲେ, ଉଇଁଲେ ସୂର୍ଯ୍ୟ । ସୂର୍ଯ୍ୟ ପାତ୍ରଙ୍କ କିରଣରେ ଗଞ୍ଜାମ ରାଜନୀତିରେ ଚମକିଥିଲେ ପ୍ରଦୀପ ପାଣିଗ୍ରାହୀ ଓ ବିକ୍ରମ ଆରୁଖ ।  କିନ୍ତୁ ପରିବର୍ତ୍ତିତ ରାଜନୈତିକ ସମୀକରଣରେ ପାଣିଗ୍ରାହୀଙ୍କୁ ହଟାଇ କଂଗ୍ରେସରୁ ବିକ୍ରମ ପଣ୍ଡାଙ୍କୁ ସାମ୍ନାକୁ ଆଣିଥିଲା ବିଜେଡି । ଏବେ ବିଜେଡିକୁ ବ୍ୟାକଫୁଟକୁ ନେଇଗଲେ ବିକ୍ରମ ଓ ଆଉ ସିନିୟର ବିକ୍ରମ ବି ଚୁପ୍‌ । 

କୌତୂହଳ କଥା ହେଲା ଚନ୍ଦ୍ରଶେଖର ସାହୁଙ୍କୁ କଂଗ୍ରେସରୁ ଆମଦାନୀ କରିଛି ଦଳ ।  ରମେଶ ଚାଉପଟ୍ଟନାୟକ ବୟସ୍କ ଓ ଉଷାଦେବୀ ସକ୍ରିୟ ନାହାନ୍ତି। ହଁ ଶ୍ରୀକାନ୍ତ ବି ବିବାଦୀୟ ।  ସୁବାସ ବେହେରା , ବିପ୍ଲବ ପାତ୍ର , ଶ୍ରୀରୂପଦେବଙ୍କୁ ୨୪ ନିର୍ବାଚନରେ ଗ୍ରହଣ କଲେନି ଜନତା ।  ଲତିକାଙ୍କ ଦଳବିରୋଧୀ ବୟାନ ରାଜ୍ୟବାସୀ ଭୁଲିନାହାନ୍ତି ।   ଏକମାତ୍ର ବିଧାୟକ ଭାବେ ଜିତିଛନ୍ତି ନବୀନ, ଯିଏ ନିର୍ବାଚନମଣ୍ଡଳୀକୁ ଯାଉନାହାନ୍ତି ।  

ସୂଚନା ଅନୁଯାୟୀ ଆଇନଜୀବୀ ପୀତବାସ ପଣ୍ଡା ହତ୍ୟା ମାମଲାରେ ବିଜେଡି ଗଞ୍ଜାମ ଜିଲ୍ଲା ସଭାପତି ତଥା ପୂର୍ବତନ ବିଧାୟକ ବିକ୍ରମ ପଣ୍ଡାଙ୍କୁ ଗିରଫ କରିଛି ପୁଲିସ ।  ପୁଲିସ ଭ୍ୟାନ୍‌ରେ ବିକ୍ରମଙ୍କୁ କୋର୍ଟ ନେଇଛି। ପୁଲିସ ଗତକାଲି ରାତିରେ ପୂର୍ବତନ ବିଧାୟକ ତଥା ଗଞ୍ଜାମ ଜିଲ୍ଲା ବିଜେଡି ସଭାପତି  ବିକ୍ରମ ପଣ୍ଡାଙ୍କୁ ଉଠାଇ ନେଇଥିଲା  ।  କିଏ ଓ କାହିଁକି ପୀତବାସ ପଣ୍ଡାଙ୍କୁ ହତ୍ୟା କଲା ତାର ସବୁ ସତ ସାମ୍ନାକୁ ଆସିବ । ରାଜନୈତିକ, ବୃତ୍ତିଗତ ନା ବ୍ୟକ୍ତିଗତ କାରଣ, ସେକଥା ମଧ୍ୟ ହୋଇଯିବ ସ୍ପଷ୍ଟ 

ରେଲଓ୍ୱେରେ ଚାକିରି ସୁଯୋଗ: +୨, +୩ ପଢ଼ିଥିଲେ ପାଇବେ ଚାକିରି

ଅଧିକ ପଢନ୍ତୁ ...... 

୧୫ ଜଣଙ୍କୁ ଅଟକ ରଖି ପୁଲିସର ତଦନ୍ତ

ଜଣେ କର୍ପୋରେଟର ଓ ଛାତ୍ରନେତାଙ୍କୁ ମିଶାଇ ମୋଟ ୧୫ ଜଣଙ୍କୁ ପୁଲିସ ଅଟକ ରଖି ତଦନ୍ତ ଚଳାଇଛି । ସେପଟେ ବିକ୍ରମ ପଣ୍ଡାଙ୍କୁ ଉଠାଇ ନେବା ପରେ ତାଙ୍କ ଘର ବାହାରେ ପ୍ରବଳ ଉତ୍ତେଜନା ଦେଖିବାକୁ ମିଳିଥିଲା ।  ବିକ୍ରମ ପଣ୍ଡାଙ୍କ ସମର୍ଥକଙ୍କ ସମେତ ଅନେକ ଆଇନଜୀବୀ ସେଠାରେ ଏକତ୍ରିତ ହୋଇଥିଲେ ।  ଆଜି ଗଞ୍ଜାମ ବିଜେଡି ପକ୍ଷରୁ ବିକ୍ଷୋଭ ମଧ୍ୟ କରାଯାଉଛି । କିନ୍ତୁ ଏହାରି ଭିତରେ ବିକ୍ରମଙ୍କୁ ଗିରଫ କରିଛି ପୁଲିସ। 

ଆଇନଜୀବୀ ପୀତବାସ ପଣ୍ଡା ହତ୍ୟାକାଣ୍ଡ ମାମଲାରେ ପୁଲିସ କବଜାରେ ମୁଖ୍ୟ ସାର୍ପସୁଟର ଚିଣ୍ଟୁ  । ପୁଲିସ ତାକୁ ଅଟକ ରଖିଥିବା ସୂଚନା ରହିଛି  ।   ମୁଖ୍ୟ ସାର୍ପସୁଟର ଚିଣ୍ଟୁକୁ ବେଙ୍ଗାଲୁରୁରୁ ଉଠାଇ ଆଣିଲା ପୁଲିସ। ହତ୍ୟାକାଣ୍ଡରେ ବ୍ୟବହୃତ ବନ୍ଧୁକ ବି ଜବତ ହୋଇଛି ।  ଉଲ୍ଲେଖଥାଉ କି, ଗତ କୁମାର ପୂର୍ଣ୍ଣିମା ରାତିରେ ଆଇନଜୀବୀ ପୀତବାସଙ୍କୁ ତାଙ୍କ ଘର ପାଖ ରାସ୍ତା ଉପରେ ଗୁଳି କରି ହତ୍ୟା କରାଯାଇଥିଲା ।