ବିହାର ନିର୍ବାଚନ, ମୈଦାନରେ ମୋଦୀ

କନକ ବ୍ୟୁରୋ : ବିହାର ନିର୍ବାଚନକୁ ନେଇ ପ୍ରଚାର ମଇଦାନ ସରଗରମ ହେଉଛି । ଆଜି ନିର୍ବାଚନ ପ୍ରଚାର ପାଇଁ ବିହାର ଗସ୍ତ କରିଛନ୍ତି ପ୍ରଧାନମନ୍ତ୍ରୀ ମୋଦୀ । ସେ ବିହାରର ଜନନାୟକ କର୍ପୁରି ଠାକୁରଙ୍କ ଗାଁରୁ ପ୍ରଚାର ଆରମ୍ଭ କରିବେ । ବିଧାନସଭା ନିର୍ବାଚନ ତାରିଖ ଘୋଷଣା ପରେ ଏହା ତାଙ୍କର ପ୍ରଥମ ସଭା । ଏହି ସଭାରେ ସେ ବିହାର ନିର୍ବାଚନ ପାଇଁ ଏଜେଣ୍ଡା ଘୋଷଣା କରିପାରନ୍ତି । ପରିବାରବାଦ, ଜଙ୍ଗଲରାଜ ପ୍ରସଙ୍ଗ ଉଠାଇ ବିରୋଧୀ ମେଣ୍ଟକୁ ଘେରିପାରନ୍ତି ପ୍ରଧାନମନ୍ତ୍ରୀ ।

Advertisment

ସେପଟେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ,ପି ନଡ୍ଡା ଓ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ମଧ୍ୟ ପ୍ରଥମରୁ ନିର୍ବାଚନ ପ୍ରଚାର ଆରମ୍ଭ କରିଦେଇଛନ୍ତି । ଅମିତ୍ ଶାହ ନିର୍ବାଚନ ପରିଚାଳନା କରିବା ସହ ଅସନ୍ତୁଷ୍ଟ ପ୍ରର୍ଥୀଙ୍କୁ ମନାଇବା କାମରେ ଲାଗିଥିବା ବେଳେ ବକ୍ସର ଓ ସିବାନରେ ନିର୍ବାଚନ ରାଲି କରିବେ ।

ଆଇନଜୀବୀ ପୀତବାସ ହତ୍ୟା ମାମଲା; ଗିରଫ ପିଣ୍ଟୁ ଦାସଙ୍କ ଜୀବନ ପ୍ରତି ବିପଦ

ଅନ୍ୟପଟେ ଆଜି ପ୍ରଧାନମନ୍ତ୍ରୀ ସମସ୍ତିପୁର ଜିଲ୍ଲାର କପୁରି ଠାକୁରଙ୍କ ଗାଁରୁ ନିର୍ବାଚନ ପ୍ରଚାର କରିବେ । ବିହାରର ଅତି ପଛୁଆ ଜାତିର ଲୋକଙ୍କ ପାଇଁ ସଂଗ୍ରାମ କରିଥିବା କପୁରି ଠାକୁରଙ୍କ ଜନ୍ମସ୍ଥଳୀ ଯାଇ ସେଠାରେ ଶ୍ରଦ୍ଧାଞ୍ଜଳି ଦେବେ । ବିହାରର ପୂର୍ବତନ ମୁଖ୍ୟମନ୍ତ୍ରୀ କପୁରି ଠାକୁରଙ୍କୁ କେନ୍ଦ୍ର ସରକାର ଭାରତ ରତ୍ନ ସମ୍ମାନରେ ସମ୍ମାନିତ କରିସାରିଛନ୍ତି ।

ପ୍ରଧାନମନ୍ତ୍ରୀଙ୍କ ଗସ୍ତର ସମ୍ପୂର୍ଣ୍ଣ ବିବରଣୀ
ଦିନ ୧୦ ଟାରେ ଦରଭଙ୍ଗାରେ ପହଂଚିଲେ
ଜେକେପିଡି କଲେଜ ମୈଦାନରୁ କପୁରି ଠାକୁରଙ୍କ ଗାଁକୁଯିବେ
କର୍ପୁରି ଠାକୁରଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବେ
ଦିନ ୧୨ ରେ ସମସ୍ତିପୁର ପୁଲିସ ଲାଇନରେ ଜନସଭାକୁ ସମ୍ବୋଧିତ କରିବେ
ଦିନ ୧.୪୦ ରେ ଅନ୍ୟ ଏକ ନିର୍ବାଚନୀ ରାଲିରେ ସାମିଲ ହେବେ
ପୁଣି ଦରଭଙ୍ଗା ଫେରି ଦିଲ୍ଲୀ ଯାତ୍ରା କରିବେ

ଏସବୁ ଭିତରେ କିନ୍ତୁ ମହାମେଣ୍ଟର ନେତା ତେଜସ୍ୱୀ ଯାଦବ ଏନଡିଏ ମେଣ୍ଟକୁ ପ୍ରଶ୍ନ କରି ଘାଇଲା କରିଛନ୍ତି । ଗତକାଲି ମହାମେଣ୍ଟ ଏକ ସାମ୍ବାଦିକ ସମ୍ମିଳନୀ କରି ତେଜସ୍ୱୀ ଯାଦବଙ୍କୁ ମୁଖ୍ୟମନ୍ତ୍ରୀ ଚେହେରା ଘୋଷଣା କରିବା ପରେ ଅଡ଼ୁଆରେ ପଡ଼ିଛି ଏନଡିଏ ମେଣ୍ଟ । ଏନଡିଏର ମୁଖ୍ୟମନ୍ତ୍ରୀ ଚେହେରା କିଏ ବୋଲି ପ୍ରଶ୍ନ କରିଛନ୍ତି ତେଜସ୍ୱୀ । କାରଣ ନୀତିଶ କୁମାରଙ୍କ ନେତୃତ୍ୱରେ ବିହାର ବିଧାନସଭା ନିର୍ବାଚନ ଲଢ଼ୁଛି ଏନଡିଏ । ହେଲେ ଯଦି ନିର୍ବାଚନରେ ଏନଡିଏକୁ ବହୁମତ ମିଳେ ତେବେ କିଏ ହେବ ମୁଖ୍ୟମନ୍ତ୍ରୀ ସେ ନେଇ ବିଜେପି ଓ ଜେଡିୟୁ ମଧ୍ୟରେ ବିବାଦ ରହିଛି । ଗୃହମନ୍ତ୍ରୀ ଅମିତ ଶାହା କହିଛନ୍ତି କି, ନିର୍ବାଚନରେ ବହୁମତ ମିଳିଲେ ବିଧାୟକ ଦଳ ନିଷ୍ପତ୍ତିରେ ମୁଖ୍ୟମନ୍ତ୍ରୀ ଘୋଷଣା କରାଯିବ । ସେପଟେ ଚିରାଗ ପାସୱାନ ମଧ୍ୟ ନୀତିଶ କୁମାରଙ୍କୁ ମୁଖ୍ୟମନ୍ତ୍ରୀ କରିବା ସପକ୍ଷରେ ନାହାନ୍ତି । କାରଣ ନିର୍ବାଚନ ତାରିଖ ଘୋଷଣା ପୂର୍ବରୁ ବିଭିନ୍ନ ପ୍ରସଙ୍ଗରେ ନୀତିଶ ସରକାରଙ୍କୁ କଟାକ୍ଷ କରୁଛନ୍ତି ଚିରାଗ ।