RBI ପାଖରେ ଅଛି ନିଜାମଙ୍କର ୧୭୩ ଅମୂଲ୍ୟ ଗହଣା; ରାଜ୍ୟସଭାରେ ଉତ୍ତର ରଖିଲେ ମନ୍ତ୍ରୀ

କନକ ବ୍ୟୁରୋ: ଗୁରୁବାର ରାଜ୍ୟସଭାରେ ସରକାର କହିଛନ୍ତି, ନିଜାମଙ୍କ ଅଳଙ୍କାରର ଏକ ସେଟ୍ ଭାରତୀୟ ରିଜର୍ଭ ବ୍ୟାଙ୍କ ପାଖରେ କଡ଼ା ସୁରକ୍ଷା ମଧ୍ୟରେ ସଂରକ୍ଷିତ ରହିଛି। ସଂସ୍କୃତି ମନ୍ତ୍ରଣାଳୟ ଏହି ଅଳଙ୍କାରଗୁଡ଼ିକର ଐତିହାସିକ, ସାଂସ୍କୃତିକ ଏବଂ ଐତିହ୍ୟ ଗୁରୁତ୍ୱକୁ ସ୍ୱୀକାର କରିଛି। କେନ୍ଦ୍ର ସଂସ୍କୃତି ମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତ ଏକ ଲିଖିତ ଉତ୍ତରରେ କହିଛନ୍ତି ଯେ ହାଇଦ୍ରାବାଦରେ ସ୍ଥାୟୀ ସାର୍ବଜନୀନ ପ୍ରଦର୍ଶନ ପାଇଁ ଅଳଙ୍କାରଗୁଡ଼ିକୁ ସ୍ଥାନାନ୍ତର କରିବା ବିଷୟରେ ଏପର୍ଯ୍ୟନ୍ତ କୌଣସି ନିଷ୍ପତ୍ତି ନିଆଯାଇ ନାହିଁ।

ଆପଣଙ୍କୁ କହିରଖୁଛୁ ଯେ, ନିଜାମ ହାଇଦ୍ରାବାଦ ଗଡ଼ଜାତ ରାଜ୍ୟର ଶାସକ ଥିଲେ, ଯାହାକି ପରେ ପରେ ଭାରତୀୟ ସଂଘରେ ବିଲୟ ହେଇଥିଲା । ଗତକାଲି ରାଜ୍ୟସଭାରେ ଏ ସମ୍ପର୍କରେ ମନ୍ତ୍ରୀଙ୍କୁ ପ୍ରଶ୍ନ କରାଯାଇଥିଲା । କୁହାଯାଇଥିଲା ଯେ, ସରକାର ଜାଣିଛନ୍ତି କି ନିଜାମଙ୍କ ୧୭୩ଟି ମୂଲ୍ୟବାନ ଅଳଙ୍କାର ୧୯୯୫ ମସିହାରୁ ଆରବିଆଇ ଭଣ୍ଡାରରେ ସୁରକ୍ଷିତ ରଖାଯାଇଛି? ସରକାର ହାଇଦ୍ରାବାଦର ଲୋକଙ୍କ ପାଇଁ ଏହି ରତ୍ନଗୁଡ଼ିକର ଗଭୀର ସାଂସ୍କୃତିକ, ଐତିହାସିକ ଏବଂ ଭାବପ୍ରବଣ ଗୁରୁତ୍ୱକୁ ସ୍ୱୀକାର କରିଛନ୍ତି କି ? 

ଆହୁରି ପଢ଼ନ୍ତୁ : ତେଜୁଛି ଇରାନ-ୟୁରୋପ ବିବାଦ; ଇରାନ ସୁରକ୍ଷା ଏଜେନ୍ସିକୁ ଆତଙ୍କବାଦୀ ଘୋଷଣା କଲା ୟୁରୋପୀୟ ସଂଘ

ଏହାର ଉତ୍ତର ଦେଇ ଶେଖାୱତ କହିଥିଲେ ଯେ ସଂସ୍କୃତି ମନ୍ତ୍ରଣାଳୟ ନିଜାମଙ୍କ ଅଳଙ୍କାରଗୁଡ଼ିକର ଐତିହାସିକ, ସାଂସ୍କୃତିକ ଏବଂ ଐତିହ୍ୟ ଗୁରୁତ୍ୱକୁ ସ୍ୱୀକାର କରେ ଏବଂ ଏହାସହିତ ଜଡିତ ସାଧାରଣ ସ୍ୱାର୍ଥକୁ ମଧ୍ୟ ସ୍ୱୀକାର କରେ। ସେ ବ୍ୟାଖ୍ୟା କରିଥିଲେ ଯେ ଏହି ଅଳଙ୍କାରଗୁଡ଼ିକ RBI ସହିତ ଏକ ବିଦ୍ୟମାନ ସୁରକ୍ଷା, ବୀମା ଏବଂ ସଂରକ୍ଷଣ ଚୁକ୍ତିନାମା ଅଧୀନରେ ଉଚ୍ଚ-ମୂଲ୍ୟ, ଉଚ୍ଚ-ସୁରକ୍ଷା ହେପାଜତରେ ରଖାଯାଇଛି। ତଥାପି, ମନ୍ତ୍ରୀ ସ୍ପଷ୍ଟ କରିଛନ୍ତି ଯେ ସ୍ଥାୟୀ ସାର୍ବଜନୀନ ପ୍ରଦର୍ଶନ ପାଇଁ ସଂଗ୍ରହକୁ ହାଇଦ୍ରାବାଦକୁ ସ୍ଥାନାନ୍ତର କରିବା ପାଇଁ କୌଣସି ନିଷ୍ପତ୍ତି ନିଆଯାଇନାହିଁ।