କନକ ବ୍ୟୁରୋ : ବିହାର ନିର୍ବାଚନକୁ ପ୍ରଭାବିତ କରିବା ଉଦ୍ଦେଶ୍ୟରେ ଭାରୀ ପରିମାଣର ଗଞ୍ଜେଇ ଓଡିଶାରୁ ସିମଡେଗା ମାର୍ଗରେ ବିହାରକୁ ଚାଲାଣ ହେଉଥିଲା । ଏନସିବି ଏବଂ ସିମଡେଗା ପୁଲିସ ମିଳିତ ଭାବରେ ବଡ଼ ଧରଣର କାର୍ଯ୍ୟନୁଷ୍ଠାନ ଗ୍ରହଣ କରି ୩ କୋଟି ଟଙ୍କା ମୂଲ୍ୟର ସାଢେ ଚାରି କୁଇଣ୍ଟାଲ ଗଞ୍ଜେଇ ସହିତ ଗୋଟିଏ ଚାଲାଣକାରୀ ଗିରଫ କରାଯାଇଛି ।

Advertisment

ଏନସିବିର ବିହାର-ଝାରଖଣ୍ଡ ଜୋନାଲ ଡାଇରେକ୍ଟର ଅଭିଷେକ ଆନନ୍ଦ ଏବଂ ସିମଡେଗାର ଏସପି ଏମ୍. ଅର୍ଶି ଯୁଗ୍ମ ଭାବରେ  ସାମ୍ବାଦିକ ସମ୍ମିଳନୀ କରି କହିଛନ୍ତି ଯେ ଓଡିଶାରୁ ସିମଡେଗା ମାର୍ଗରେ ଭାରୀ ପରିମାଣର ଗାଞ୍ଜା ବିହାର ଦିଗକୁ ଯାଉଥିବା ସୂଚନା ମିଳିଥିଲା । ସେହି ସୂଚନା ଆଧାରରେ କାର୍ଯ୍ୟାନୁଷ୍ଠାନ ଗ୍ରହଣ କରି ଏନସିବି ଏବଂ ସିମଡେଗା ପୁଲିସ ମିଳିତ ଭାବରେ କୋଲେବିରା ଥାନା ଅଞ୍ଚଳର ଛଗରବନ୍ଧା ନିକଟରେ ଏନଏଚ୍-୧୪୩ ରେ ଗୋଟିଏ ହରିୟାଣା ନମ୍ବର ଟ୍ରକ୍‌କୁ ଅଟକାଇଥିଲେ ।

ହ୍ୱାଇଟ୍ ହାଉସରେ ବୁଲଡୋଜର ଚଲାଇଲେ ରାଷ୍ଟ୍ରପତି ଟ୍ରମ୍ପ, ୯୯୯ ଲୋକଙ୍କ ପାଇଁ ନିର୍ମାଣ ହେବ ଭବ୍ୟ ପ୍ରାସାଦ

ଟ୍ରକ୍‌ରେ ଖୋଜାଖୋଜି  କଲାପରେ ଗୋଟିଏ ଗୁପ୍ତ କେବିନ୍‌ରୁ ୮୫ ପ୍ୟାକେଟ୍‌ରେ ମୋଟ ୪୪୧ କିଲୋ ଗଞ୍ଜେଇ ଜବତ ହୋଇଥିଲା । ଗଞ୍ଜେଇ  ସହିତ ଟ୍ରକ୍‌ ଚାଳକଙ୍କୁ ଗିରଫ କରାଯାଇଛି। ଏନସିବିର ଜୋନାଲ ଡାଇରେକ୍ଟର ଜଣାଇଛନ୍ତି ଯେ ଜବତ ହୋଇଥିବା ଗାଞ୍ଜାର ଅନୁମାନିତ ମୂଲ୍ୟ ପ୍ରାୟ ୩ କୋଟି ଟଙ୍କା । ଏସପି ଅର୍ଶି କହିଛନ୍ତି ଯେ ଛୋଟ ସ୍ତରରେ ଗାଞ୍ଜାର ମୂଲ୍ୟ ଆହୁରି ବେଶି ହୋଇଯାଏ । ଏନସିବି ପକ୍ଷରୁ କୁହାଯାଇଛି ଯେ ଗଞ୍ଜେଇ ଓ ଅନ୍ୟାନ୍ୟ ମାଦକ ପଦାର୍ଥ ବିରୋଧରେ କାର୍ଯ୍ୟାନୁଷ୍ଠାନ ଲଗାତାର ଜାରି ରହିଛି ।