ନୂଆପଡ଼ାରୁ ନବୀନଙ୍କ ରଣହୁଙ୍କାର

କନକ ବ୍ୟୁରୋ : ପୁଣିଥରେ ନୂଆପଡ଼ାରେ ନବୀନଙ୍କ ବେଇମାନ ଉପାଖ୍ୟାନ । ଦ୍ବିତୀୟ ଥର ପାଇଁ ନୂଆପଡାକୁ ପ୍ରଚାରରେ ଆସି ବିଜେପି ସରକାରକୁ ଟାର୍ଗେଟ କରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ପ୍ରାର୍ଥୀ ଚୋରି, ମିଛ ପ୍ରତିଶ୍ରୁତି ଓ ବେଇମାନି ଭଳି ଶବ୍ଦ ନବୀନଙ୍କ ମୁହଁରୁ ଶୁଣିବାକୁ ମିଳିଛି । ନୂଆପଡାରେ ଏକ ବିଶାଳ ଜନସମାବେଶକୁ ସମ୍ବୋଧିତ କରି ନବୀନ କହିଛନ୍ତି, ବିଜେଡି ସରକାର ସମୟରେ ନୂଆପଡାର ବିକାଶ ହୋଇଥିଲା । ହେଲେ ଏବେ ବିକାଶ ପୂରା ବନ୍ଦ । ମିଛ ପ୍ରଚାରରେ ବିକାଶ ହୁଏ ନାହିଁ । ରଙ୍ଗ ମାରିଲେ ବିକାଶ ହୁଏ ନାହିଁ । ମିଛ ପ୍ରତିଶ୍ରୁତିରେ ସରକାର ଚାଲେ ନାହିଁ । ଗତ ୫୦୦ ଦିନ ଭିତରେ ବିଜେପି ସରକାର ଓଡ଼ିଶା ପାଇଁ କରିଛି କଣ? ଯାହା ପ୍ରତିଶ୍ରୁତି ଦେଇଥିଲା ତାହା ପୂରା କରିପାରିନି । ବରଂ ପ୍ରତିବଦଳରେ ଦେଇଛି ଡବଲ ଧୋକା । କୋମନା ସଭାକୁ ଭଣ୍ଡୁର କରିବାକୁ ଉଦ୍ୟମ ହୋଇଥିଲା । ହେଲେ କୋମନାରେ ହଜାର ହଜାର ଲୋକ ଆସିଥିଲେ । ଏମାନେ ମିଛ କହି ସରକାର କରିପାରନ୍ତି, ପ୍ରାର୍ଥୀ ଚୋରି କରିପାରନ୍ତି ହେଲେ ଲୋକଙ୍କ ହୃଦୟ ଜିତିପାରିବେନି । ମୋ ସହ, ବିଜେଡି ସହ ଓ ଆପଣଙ୍କ ସହ କିଭଳି ବେଇମାନି କରାଗଲା ତାହା ସମସ୍ତେ ଜାଣନ୍ତି । ତେଣୁ ଏହାର ଜବାବ ଭୋଟରେ ଦେବାକୁ ଅପିଲ କରିଛନ୍ତି ନବୀନ । ଜନସଭାରେ ଯୋଗଦେବା ପୂର୍ବରୁ ବିଶାଳ ରୋଡ ସୋ କରି ବିଜେଡି ପ୍ରାର୍ଥୀ ସେହ୍ନାଙ୍ଗିନୀ ଛୁରିଆଙ୍କ ପାଇଁ ଭୋଟ ମାଗିଥିଲେ ନବୀନ ପଟ୍ଟନାୟକ । ଖରିଆର ରୋଡରୁ ନୂଆପଡା ଏନଏସି ପର୍ଯ୍ୟନ୍ତ ବିଶାଳ ରାଲି କରି ଆସିଥିଲେ ବିଜେଡି ସୁପ୍ରିମୋ । ଛକ ଛକରେ ରହି ବିଜେଡି ପ୍ରାର୍ଥୀଙ୍କ ପାଇଁ ଭୋଟ ମାଗିଥିଲେ ନବୀନ ।

Advertisment

ନେତା ବାଛିବେ ନୂଆପଡ଼ା ଭୋଟର , ଫାଇନାଲ ଫାଇଟ୍ ପୂର୍ବରୁ ବଳ କଷାକଷି, ଆଜି ପ୍ରଚାର କଲେ ନବୀନ, କାଲି ମଇଦାନକୁ ଓହ୍ଲାଇବେ ମୋହନ

ପୁଣି ନବୀନଙ୍କ ‘ବେଇମାନ’ ଉପାଖ୍ୟାନ

ନୂଆପଡ଼ା ଜନସଭାରେ ‘ବେଇମାନ’ ଉପାଖ୍ୟାନ ଉଠାଇଲେ ନବୀନ
ବିଜେଡି, ନୂଆପଡ଼ା ଓ ମୋ ସହ ହୋଇଛି ବେଇମାନି : ନବୀନ
ବେଇମାନିର ଜବାବ ଭୋଟ୍‌ରେ ଦେବେ ନୂଆପଡ଼ାବାସୀ : ନବୀନ
‘ବିଜେଡି କଥାରେ ନୁହେଁ, କାମରେ ବିଶ୍ବାସ କରେ’
‘ବିଜେଡି ସମୟରେ ନୂଆପଡ଼ାର ବିକାଶ ହୋଇଥିଲା’
୫୦୦ ଦିନରେ କ’ଣ କରିଛ କହି ବିଜେପିକୁ ପ୍ରଶ୍ନବାଣ ମାରିଛନ୍ତି ନବୀନ
୩୦୦ ୟୁନିଟ୍ ମାଗଣା ବିଜୁଳି, ୩୫୦୦ ଟଙ୍କା ଭତ୍ତା ମିଳିଛି କି ନାହିଁ ପଚାରିଥିଲେ ନବୀନ
ଚାଷୀଙ୍କୁ ୟୁରିଆ ସାର, ମିସନ୍‌ ଶକ୍ତି ମା’ଙ୍କୁ କାହିଁକି ମିଳୁନି ଋଣ : ନବୀନ
ଯୁବକଙ୍କୁ ଚାକିରି ମିଳିଛି କି କହି ବିଜେପିକୁ ଟାର୍ଗେଟ୍‌ କରିଛନ୍ତି ନବୀନ
କୋମନା ସଭାରେ ମଧ୍ୟ ସମାନ ଢଙ୍ଗରେ ବର୍ଷିଥିଲେ ନବୀନ
ନବୀନଙ୍କ ‘ବେଇମାନ’ ଉପାଖ୍ୟାନକୁ ନେଇ ମୁହାଁମୁହିଁ ବିଜେପି-ବିଜେଡି