ଘର ଭିତରେ ଆପେ ଆପେ ଲାଗୁଛି ନିଆଁ, ଭୟଭୀତ ପରିବାର

କନକ ବ୍ୟୁରୋ : ଘର ଭିତରେ ଆପେ ଆପେ ଲାଗୁଛି ନିଆଁ । ଘର ଛାଡ଼ି ପର ଘରେ ଆଶ୍ରୟ ନେଲେ ପରିବାର ଲୋକେ । ପୂଜା ପାଠ ଭରସାରେ ପରିବାର । ନବରଙ୍ଗପୁର ଜିଲ୍ଲାରୁ ଆସିଛି ଏଭଳି ଅଭାବନୀୟ ଘଟଣା ।  ପାପଡ଼ାହାଣ୍ଡି ବ୍ଲକ ମୈଦଲପୁର ପଞ୍ଚାୟତ ଗୋପିଗୁଡା ଗାଁର କୋମଳ ଲୋଚନ ପୂଜାରୀଙ୍କ  ଘରେ ଏଭଳି ଅଲୌକିକ ଘଟଣା ଘଟୁଥିବା ସେ ଦାବି କରିଛନ୍ତି ।

ଅଧିକ ପଢନ୍ତୁ : ୧ ନମ୍ବର ମାର୍କେଟ୍‌...ସୁପରମାର୍ଟ...ତୋଷାଳୀ ଭବନ..ନିଆଁ କେମିତି ଲାଗୁଛି ?

ଗତ ୩ ଦିନ ଧରି ଘର ଭିତରେ ଆପେ ଆପେ ନିଆଁ ଲାଗିଯାଉଥିବା ସେ ଅଭିଯୋଗ କରିଛନ୍ତି ଘରର ଛାତ, ପୋଷାକ, ଆସବାବପତ୍ର, ଏପରିକି ପନିପରିବାରୁ ମଧ୍ୟ ଆପେ ଆପେ ନିଆଁ ଲାଗିଯାଉଛି । ଘରେ ରହିବାକୁ ଭୟ ଲାଗୁଥିବା ଅଭିଯୋଗ କରି ପରିବାର ଲୋକେ ନିଆଁ ଲିଭାଇବା ସହିତ ଠିକରେ ରହି ପାରୁନାହାଁନ୍ତି କି ଶୋଇ ପାରୁନାହାଁନ୍ତି ବୋଲି କହିଛନ୍ତି ।