କନକବ୍ୟୁରୋ :  ଜାରି ରହିବ ମିଲର୍ସ ଆସୋସିଏସନ୍ ଆନ୍ଦୋଳନ । ସରକାରଙ୍କ ସହ ମିଲର୍ସ ଆସୋସିଏସନ୍ ବୈଠକ ବିଫଳ ।  ସରକାର ଦାବି ପୂରଣ ନେଇ ଲିଖିତ ପ୍ରତିଶ୍ରୁତି ନଦେବା ଯାଏଁ ଆନ୍ଦୋଳନ ଜାରି ରଖିବାକୁ ନିଷ୍ପତ୍ତି ନେଇଛି ସଂଘ ।  ରାଜ୍ୟର ସବୁ ଜିଲ୍ଲାରେ ଧାନ ସଂଗ୍ରହ ପ୍ରକ୍ରିୟା ବନ୍ଦ ରଖିବାକୁ ସଂଘ ନିଷ୍ପତ୍ତି ନେଇଛି ।  ଆଜି ବିଭିନ୍ନ ଦାବି ନେଇ ଯୋଗାଣ ନିଗମ ଏମଡିଙ୍କ ସହ ବୈଠକ ବସିଥିଲା ।

Advertisment

ଅଧିକ ପଢନ୍ତୁ... ରହିଛି ଏକାଧିକ ନକଲି ମଦ ମାମଲା ; କାହିଁକି ହାତ ବାନ୍ଧି ବସିଛି ଅବକାରୀ ବିଭାଗ ?

ଯୋଗାଣ ବିଭାଗ ପକ୍ଷରୁ କୁହାଯାଇଛି ଯେ , ଗତକାଲି ଏନେଇ ମନ୍ତ୍ରୀଙ୍କ ସହ ଆଲୋଚନା ହୋଇଥିଲା ।  ବିଭାଗ ମିଲର୍ସଙ୍କ ଦାବି ନେଇ ସଚେତନ ଅଛନ୍ତି । ଦାବି ପୂରଣ ନେଇ ସେମାନଙ୍କୁ ସମୟ ମଗାଯାଇଛି । ଧାନ ସଂଗ୍ରହ ପ୍ରକ୍ରିୟା ଯେପରି ପ୍ରଭାବିତ ନହେବ ସେନେଇ ସରକାର ଓ ବିଭାଗ ତତ୍ପର ଅଛନ୍ତି । ଏ ବର୍ଷ ଆରମ୍ଭରୁ ଏପରି ବିବାଦ ଦେଖାଦେଇଛି ।  ସରକାର କିନ୍ତୁ ଏହାର ସ୍ଥାୟୀ ସମାଧାନ କରିନାହାନ୍ତି ।  ଏବେ ପରିସ୍ଥିତି ଏପରି ହେଲା ଯେ, ଧାନ କିଣା ମଝିରେ ମିଲର୍ସ ଧାନ ଉଠାଇବା ବନ୍ଦ କରିଦେଇଛନ୍ତି । ଯେଉଁଥି ପାଇଁ ଚାରିଆଡ଼େ ଚାଷୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । 


--