ଏୟାରବସ୍ ଏ୩୨୦ ବିମାନରେ ଯାନ୍ତ୍ରିକ ତ୍ରୁଟି, ଭାରତ ସମେତ ସାରା ବିଶ୍ୱରେ ବିମାନସେବା ପ୍ରଭାବିତ

କନକ ବ୍ୟୁରୋ : ଏୟାରବସ୍ ଏ୩୨୦ର ବିମାନ ଏକ ବଡ଼ ଧରଣର ସଫ୍ଟୱେର ତ୍ରୁଟି ଦେଖାଦେଇଛି । ଯାହା ସାରା ବିଶ୍ବରେ ବିମାନ ସେବାକୁ ପ୍ରଭାବିତ କରିଛି । ଯାହା ତୀବ୍ର ସୌର ବିକିରଣ ବା ଇନଟେନ୍ସ ସୋଲାର ରାଡିଏସନ ଦ୍ୱାରା ଫ୍ଲାଇଟ୍ କଣ୍ଟ୍ରୋଲ୍ ତଥ୍ୟକୁ ପ୍ରଭାବିତ କରିପାରେ ବୋଲି ଚିହ୍ନଟ କରାଯାଇଛି । ଏହି ସମସ୍ୟା ଯୋଗୁଁ ବିଶ୍ୱବ୍ୟାପୀ, ବିଶେଷ କରି ଭାରତରେ ଉଡ଼ାଣ ସେବାରେ ବିଳମ୍ବ ହେଉଛି। ସାରା ବିଶ୍ବରେ ପ୍ରାୟ ୬ହଜାର ବିମାନ ଉଡ଼ାଣ ପ୍ରଭାବିତ ହୋଇଥିବା ବେଳେ ଭାରତରେ ଶହେରୁ ଅଧିକ ବିମାନ ଉଡ଼ାଣ ପ୍ରଭାବିତ ହୋଇଛି । 

ଅଧିକ ପଢ଼ନ୍ତୁ : ଜଙ୍ଗଲ ଓ ପରିବେଶ ମଞ୍ଜୁରୀ ନଥାଇ ଚାଲିଥିଲା ପୁରୀ ବିମାନବନ୍ଦର କାମ, ଏନଜିଟି ଆଗରେ ଭୁଲ ସ୍ୱୀକାର କଲା ଜଙ୍ଗଲ ବିଭାଗ

ଏହି ତ୍ରୁଟି ଏ୩୨୦  ପରିବାରର ବିମାନରେ ଦେଖାଦେଇଛି । ଏହା ଯୋଗୁଁ ବିମାନର ପିଚ୍ ନିୟନ୍ତ୍ରଣ ପ୍ରଭାବିତ ହେବାର ଆଶଙ୍କା ରହିଛି। ଏକ ବୈଷୟିକ ଅନୁସନ୍ଧାନରୁ ଜଣାପଡ଼ିଛି ଯେ ତୀବ୍ର ସୌର ବିକିରଣ ଫଳରେ ଫ୍ଲାଇଟ୍ କଣ୍ଟ୍ରୋଲ୍ ପାଇଁ ଆବଶ୍ୟକୀୟ ତଥ୍ୟ ନଷ୍ଟ ହୋଇପାରେ। ୟୁରୋପୀୟ ବିମାନ ଚଳାଚଳ ସୁରକ୍ଷା ଏଜେନ୍ସି (EASA)  ଏକ ଜରୁରୀକାଳୀନ ନିର୍ଦ୍ଦେଶନାମା ଜାରି କରିଛି, ଯେଉଁଥିରେ ପ୍ରଭାବିତ ବିମାନଗୁଡ଼ିକରେ ତୁରନ୍ତ ସଫ୍ଟୱେର୍ ଏବଂ/କିମ୍ବା ହାର୍ଡୱେର୍ ଅପଗ୍ରେଡ୍ କରିବାକୁ କୁହାଯାଇଛି। ଭାରତୀୟ ବିମାନ ସେବା ପ୍ରଦାନକାରୀ IndiGo ଏବଂ Air India  ଏହି ସମସ୍ୟା ଯୋଗୁଁ ସେମାନଙ୍କର କିଛି ଉଡ଼ାଣରେ ବିଳମ୍ବ କିମ୍ବା ବାତିଲ୍ ହେବାର ଆଶଙ୍କା ଥିବା ନେଇ ଯାତ୍ରୀମାନଙ୍କୁ ସତର୍କ କରାଇଛନ୍ତି ।