କାର ଉପରେ ପଡ଼ିଗଲା କଣ୍ଟେନର: ସଫ୍ଟୱେର କମ୍ପାନୀର ସିଇଓଙ୍କ ସମେତ ପରିବାରର ୬ ଜଣଙ୍କ ମୃତ୍ୟୁ

କନକ ବ୍ୟୁରୋ: ବେଙ୍ଗାଲୁରୁରେ ଏକ ସଡ଼କ ଦୁର୍ଘଟଣାରେ ଏକ ସଫ୍ଟୱେର କମ୍ପାନୀର ସିଇଓଙ୍କ ସମେତ ପରିବାରର ୬ ଜଣଙ୍କ ମୃତ୍ୟୁ ହୋଇଛି । 

ଆଇଏଏସ୍‌ଟି ସଫ୍ଟୱେର କମ୍ପାନୀର ସିଇଓ ଚନ୍ଦ୍ରମ ତାଙ୍କ ପରବାର ସଦସ୍ୟଙ୍କ ସହ ନିଜ ଗାଁ ମହାରାଷ୍ଟ୍ରର ସାଙ୍ଗଲୀ ଯାଉଥିଲେ । ରାସ୍ତାରେ ଦୁର୍ଘଟଣା ପରେ ଆଲୁମନିୟମ ବୋଝେଇ ଏକ କଣ୍ଟେନର ତାଙ୍କ କାର ଉପରେ ପଡ଼ିଯାଇଥିଲା । ଫଳରେ କିଛି ସେକେଣ୍ଡ ମଧ୍ୟରେ ଗାଡିରେ ଥିବା ସମସ୍ତଙ୍କର ମୃତ୍ୟୁ ହୋଇଛି । ଜାତୀୟ ରାଜପଥ ୪୮ରେ ଘଟିଥିବା ଏହି ଦୁର୍ଘଟଣା ପରେ ଦାମୀ ଗାଡି କେତେ ସୁରକ୍ଷିତ ତାକୁ ନେଇ ପ୍ରଶ୍ନ ଉଠିଛି । 

ଗୋଲ୍ଟ ଷ୍ଟାଣ୍ଡାଡ ସୁରକ୍ଷା ଫିଚର ଥିବା ଭଲଭୋ ଏକ୍ସସି୯୦ କାର ଦୁର୍ଘଟଣା ପରେ ପୁରା ଚୁରମାର ହୋଇଯାଇଛି । ଏକ କଣ୍ଟେନର ଡିଭାଇଡର ଡେଇଁ ଏହି ଗାଡି ଉପରେ ପଡିବା ପରେ ବଞ୍ଚିବାର କୌଣସି ବାଟ ନଥିଲା । ଆହତ କଣ୍ଟେନର ଡ୍ରାଇଭର କହିଛନ୍ତି କାରଟି ହଠାତ୍ ବ୍ରେକ ମାରି ରହିଯାଇଥିଲା । ଫଳରେ ସେ ଗାଡିରୁ ଡେଇଁବା ସହ କଣ୍ଟେନରକୁ ଡାହାଣକୁ ମୋଡିଥିଲେ । କିନ୍ତୁ କଣ୍ଟେନରଟି ଅନ୍ୟ ଏକ କ୍ଷୀର ନେଇ ଯାଉଥିବା ଟ୍ରକକୁ ଧକ୍କା ଦେଇ ଓଲଟି ପଡିଥିଲା ।

ଦୁର୍ଘଟଣାକୁ ନେଇ ସୋସିଆଲ ମିଡିଆରେ କଳି
‘ସୁରକ୍ଷିତ କାରରେ ଜୀବନ ସୁରକ୍ଷିତ ନୁହେଁ’
ଦୁର୍ଘଟଣାକୁ ନେଇ ସୋସିଆଲ ମିଡିଆରେ କଳି ଦେଖିବାକୁ ମିଳିଛି । କିଛି ୟୁଜର୍ସ କହିଛନ୍ତି ସୁରକ୍ଷିତ କାରରେ ଜୀବନ ସୁରକ୍ଷିତ ନୁହେଁ, ଯେପର୍ୟ୍ୟନ୍ତ ଅନ୍ୟମାନେ ଗାଡି ସୁରକ୍ଷିତ ଭାବେ ଚଳାଉନାହାଁନ୍ତି। 

ସୁରକ୍ଷିତ ଗାଡି ଚାଳନାକୁ ପ୍ରୋତ୍ସାହିତ କରୁଥିଲା ସଂସ୍ଥା ‘ଡ୍ରାଇଭ୍ ସ୍ମାର୍ଟ’ କହିଛି, କେବଳ ସୁରକ୍ଷିତ କାରରେ ଜୀବନ ସୁରକ୍ଷିତ ନୁହେଁ। ସୁରକ୍ଷିତ ରହିବାକ ସଂସ୍ଥା ୩ ସୁତ୍ର କହିଛି। ‘ସୁରକ୍ଷିତ ରାସ୍ତା+ ସୁରକ୍ଷିତ ଚାଳକ+ ସୁରକ୍ଷିତ କାର’ ରହିବା ଆବଶ୍ୟକ।
ସରକାରୀ ତତ୍ୟ ଅନୁଯାୟୀ, ୨୦୨୩ରେ ଦୁର୍ଘଟଣାରେ ୧ଲକ୍ଷ ୭୦ ହଜାର ଲୋକଙ୍କ ଜୀବନ ଯାଇଥିଲା। ଦୁର୍ଘଟଣାରେ ପ୍ରତିଦିନ ୪୭୦ ଲୋକଙ୍କ ଜୀବନ ଯାଉଛି। ଆଉ ଅଧିକାଂଶ ୧୮ରୁ ୩୪ ବର୍ଷର ଲୋକେ ଦୁର୍ଘଟଣାରେ ଶୀକାର ହେଉଛନ୍ତି।