ହାଇଦ୍ରାବାଦରେ ବିରିୟାନି ବ୍ୟବସାୟରେ ୭୦ ହଜାର କୋଟିର ଟିକସ୍ ଠକେଇ ଅଭିଯୋଗ

କନକ ବ୍ୟୁରୋ : ହାଇଦ୍ରାବାଦରେ ବିରିୟାନି ବ୍ୟବସାୟରେ ବଡ଼ଧରଣର ଠକେଇ । ୭୦ ହଜାର କୋଟି ଟଙ୍କା ଟିକସ୍ ଫାଙ୍କିଥିବା ଅଭିଯୋଗ ଆସିଛି । ହାଇଦ୍ରାବାଦର ୩୦ଟି ସ୍ଥାନରେ ଏଭଳି ଠକେଇ ନେଇ ରେଡ୍ କରିଛି ଆୟକର ବିଭାଗ । ରେସ୍ତୋରାଁ ଗୁଡିକ ବିଲିଂ କରିବା ବେଳେ ଏଭଳି ଠକେଇ କରିଥିବା ସାମ୍ନାକୁ ଆସିଛି । ରେଷ୍ଟୁରାଣ୍ଟ ବିଲିଂ ସିଷ୍ଟମ୍‌ରେ ବ୍ୟାପକ ହେରଫେର କଥା ସାମ୍ନାକୁ ଆସିବା ପରେ ବିଭାଗୀୟ ଅଧିକାରୀ ଚଢାଉ କରିଛନ୍ତି । ଏହି ସନ୍ଦେହ ଯୋଗୁଁ ଗତବର୍ଷ ନଭେମ୍ବରରେ ମଧ୍ୟ ଚଢାଉ କରାଯାଇଥିଲା ।

ଅଧିକ ପଢନ୍ତୁ :  ପରକୀୟା ପ୍ରୀତି ପାଇଁ ବୟଫ୍ରେଣ୍ଡ ସହ ମିଶି ସ୍ୱାମୀଙ୍କୁ ହତ୍ୟା; ବିରିୟାନିରେ ଦେଲା ୨୦ଟି ନିଦ ବଟିକା

ସେହି ଚଢାଉରୁ ଉଦ୍ଧାର ହୋଇଥିବା ଡିଜିଟାଲ୍ ରେକର୍ଡଗୁଡ଼ିକର ବିଶ୍ଳେଷଣ, ଏକାଧିକ ଆକାଉଣ୍ଟ ମାଧ୍ୟମରେ ପଠାଯାଇଥିବା ୟୁପିଆଇ କାରବାର ସମେତ, ଆୟକର ଅଧିକାରୀମାନଙ୍କୁ ଏକ ସମ୍ଭାବ୍ୟ ବଡ଼ ଠକେଇ ଆଡ଼କୁ ଇଙ୍ଗିତ କରିଥିଲା । ଟିକସ ଅଧିକାରୀମାନେ ଅଭିଯୋଗ କରିଛନ୍ତି ଯେ, ବ୍ୟକ୍ତିଗତ ବିଲ୍ ଡିଲିଟ୍ କରିବା, ବିକ୍ରି ପରିମାଣକୁ କମାଇବା ଭଳି ବିଭିନ୍ନ ଅପବ୍ୟବହାର କରାଯାଇଛି ।