୭ ବର୍ଷ ରୁହେ ମଙ୍ଗଳଙ୍କ ମହାଦଶା : ଏହି ସମୟରେ ଘଟେ ବଡ଼ ବଡ଼ ଘଟଣା , ଜୀବନ ଉପରେ କେମିତି ପଡ଼େ ପ୍ରଭାବ ?

କନକ ବ୍ୟୁରୋ : ଜ୍ୟୋତିଷ ଶାସ୍ତ୍ର ଅନୁସାରେ ପ୍ରତିଟି ମଣିଷର ଭାଗ୍ୟରେ ସମୟ ସମୟରେ ନଅଟି ଗ୍ରହର ମହାଦଶା ଏବଂ ଅନ୍ତର୍ଦ୍ଦଶା ପଡ଼ିଥାଏ । ଏହି ସମୟ ବ୍ୟକ୍ତି ଉପରେ ସକରାତ୍ମକ ଏବଂ ନକରାତ୍ମକ ଉଭୟ ପ୍ରଭାବ ପକାଇପାରେ । ଯଦି କୌଣସି ଗ୍ରହ ଜାତକରେ ଶୁଭ ସ୍ଥିତିରେ ଥାଏ ତେବେ ମହାଦଶା ଲାଭଦାୟକ ହୁଏ । କିନ୍ତୁ ଯଦି ଗ୍ରହ ଅଶୁଭ ସ୍ଥିତିରେ ଥାଏ ତେବେ ବ୍ୟକ୍ତି ସଂଘର୍ଷର ସମ୍ମୁଖୀନ ହୋଇପାରନ୍ତି । ଜ୍ୟୋତିଷ ଶାସ୍ତ୍ରରେ ମଙ୍ଗଳକୁ ଶକ୍ତି, ସାହସ ଏବଂ ବୀରତ୍ୱର ପ୍ରତୀକ ବୋଲି କୁହାଯାଏ । ତେବେ ମଙ୍ଗଳ ମହାଦଶାର ଲକ୍ଷଣ ଏବଂ ଏହାର ପ୍ରତିକାର ବିଷୟରେ ଆସନ୍ତୁ ଜାଣିବା । ବୈଦିକ ଶାସ୍ତ୍ରରେ ମଙ୍ଗଳ ଗ୍ରହର ମହାଦଶା ହେଉଛି ଏକ ଗୁରୁତ୍ୱପୂର୍ଣ୍ଣ ସମୟ ଯାହା ସାତ ବର୍ଷ ପର୍ଯ୍ୟନ୍ତ ଜାତକରେ ରହିଥାଏ । ଜାତକରେ ମଙ୍ଗଳର ସ୍ଥିତି ଉପରେ ନିର୍ଭର କରି ମହାଦଶାର ପ୍ରଭାବ ଶୁଭ ଏବଂ ଅଶୁଭ ଉଭୟ ହୋଇପାରେ । ଶୁଭ ପରିସ୍ଥିତିରେ ଏହା ଜୀବନରେ ଶକ୍ତି, ସାହସ ଏବଂ ମହତ୍ତ୍ୱାକାଂକ୍ଷା ବୃଦ୍ଧି କରିପାରେ ଏବଂ ଅଶୁଭ ପରିସ୍ଥିତିରେ ଦୁର୍ଘଟଣା, କ୍ରୋଧ ଏବଂ ସଂଘର୍ଷର କାରଣ ପାଲଟିପାରେ । 

ଆଗକୁ ପଢ଼ନ୍ତୁ : ୩ ରାଶିକୁ କଷ୍ଟରେ ଦେଖିପାରନ୍ତିନି ରାହୁ : ସଙ୍କଟରୁ ବଞ୍ଚାନ୍ତି , ଧନ-ସମ୍ପତ୍ତି ଦିଅନ୍ତି

ମଙ୍ଗଳ ଗ୍ରହର ମହାଦଶା ଏବଂ ଅନ୍ତର୍ଦ୍ଦଶା ମଧ୍ୟରେ ଏକ ବଡ଼ ପାର୍ଥକ୍ୟ ଅଛି । ମହାଦଶା ଏକ ଦୀର୍ଘ ସମୟ କିନ୍ତୁ ଅନ୍ତର୍ଦ୍ଦଶା ମହାଦଶାର ଅଧେ ।  ମଙ୍ଗଳ ଗ୍ରହର ମହାଦଶା ପ୍ରାୟ ୭ ବର୍ଷ ପର୍ଯ୍ୟନ୍ତ ରହିଥାଏ ଏବଂ ଏହି ସମୟ ମଧ୍ୟରେ ଅନ୍ୟ ଗ୍ରହର ଅନ୍ତର୍ଦ୍ଦଶା ମଧ୍ୟ ଘଟେ, ଯାହା ବ୍ୟକ୍ତିର ଜୀବନ ଉପରେ ଭିନ୍ନ ଭିନ୍ନ ପ୍ରଭାବ ପକାଇଥାଏ । ଜ୍ୟୋତିଷ ଶାସ୍ତ୍ର ଅନୁସାରେ, ମଙ୍ଗଳ ଗ୍ରହର ମହାଦଶା ସମୟରେ ଜଣେ ବ୍ୟକ୍ତି ଶକ୍ତି, ଉତ୍ସାହ ଏବଂ ସାହସ ଅନୁଭବ କରିପାରେ କିନ୍ତୁ ସେହି ସମୟରେ ଅନେକ ସମସ୍ୟାର ମଧ୍ୟ ସାମ୍ନା କରିବାକୁ ପଡ଼ିପାରେ  । ଜାତକରେ ମଙ୍ଗଳଙ୍କ ସ୍ଥିତି ଉପରେ ନିର୍ଭର କରି ମଙ୍ଗଳଙ୍କ ମହାଦଶାର ଲକ୍ଷଣ ଶୁଭ ଏବଂ ଅଶୁଭ ଉଭୟ ହୋଇପାରେ । ଶୁଭ ମଙ୍ଗଳ ସାହସ, ଦୃଢ଼ ନିଷ୍ପତ୍ତି ଏବଂ ନେତୃତ୍ୱ କ୍ଷମତାକୁ ବୃଦ୍ଧି କରେ ଯାହା କ୍ୟାରିଅର, ଧନ ଏବଂ ବ୍ୟକ୍ତିଗତ ସମ୍ପର୍କରେ ସଫଳତା ଆଣିଥାଏ । ଅଶୁଭ ମଙ୍ଗଳ ଦ୍ୱନ୍ଦ୍ୱ, ଆକ୍ରମଣ ଏବଂ ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ ।

ମହାଦଶାରେ ମଙ୍ଗଳ ଗ୍ରହର ଅଶୁଭ ପ୍ରଭାବକୁ ହ୍ରାସ କରିବା ପାଇଁ ଆପଣ କିଛି ପଦକ୍ଷେପ ନେଇପାରିବେ । ମହାଦଶା ସମୟରେ ମଙ୍ଗଳବାର ଦିନ ଶ୍ରୀହନୁମାନଙ୍କୁ ପୂଜା କରିବା ଉଚିତ । ମଙ୍ଗଳବାର ଦିନ ଲାଲ ବସ୍ତ୍ର, ମସୁର ଡାଲି, ଗୁଡ଼ ଏବଂ ତମ୍ବା ଦାନ କରିବା ଉଚିତ ।

ମଙ୍ଗଳ ଗ୍ରହକୁ ଶୁଭ କରିବା ପାଇଁ “ଓଁ କ୍ରାଂ କ୍ରିଂ କ୍ରୋଂ ସଃ ଭୌମାୟ ନମଃ ମନ୍ତ୍ର ଜପ କରନ୍ତୁ । ପ୍ରତି ମଙ୍ଗଳବାର ଉପବାସ କରିବା ଦ୍ୱାରା ମଙ୍ଗଳ ମହାଦଶାର 

ଅଶୁଭ ପ୍ରଭାବକୁ ହ୍ରାସ କରାଯାଇପାରିବ । ମଙ୍ଗଳବାର ରକ୍ତଦାନ କରିବା ଦ୍ୱାରା ମଙ୍ଗଳ ଗ୍ରହର ନକରାତ୍ମକ ପ୍ରଭାବ ମଧ୍ୟ ହ୍ରାସ ପାଇପାରେ।

ମଙ୍ଗଳର ମହାଦଶା ସମୟରେ ଦୁର୍ବଳ ମଙ୍ଗଳ ଥିବା ବ୍ୟକ୍ତିମାନଙ୍କ ବିବାହ ବିଳମ୍ବରେ ହୁଏ । ଏପରି ବ୍ୟକ୍ତିମାନେ ଲାଲ ମୁଙ୍ଗା ମଣି ମୁଦି ପିନ୍ଧିବା ଭଲ ବୋଲି କୁହନ୍ତି ଜ୍ୟୋତିଷ ।