ମାଲକାନଗିରିରେ ଆଦିବାସୀ ଜମି ବିବାଦର ଶୁଣାଣି ଆରମ୍ଭ, ଦଖଲ ରଦ୍ଦ କରି ପୁନଃ ହସ୍ତାନ୍ତର ଯୋଜନା

କନକ ବ୍ୟୁରୋ : ମାଲକାନଗିରି ଜିଲାରେ ଫଇସଲା ହେବ ଆଦିବାସୀ ଜମି ସଂକ୍ରାନ୍ତିୟ ବିବାଦ । ଜିଲ୍ଲାରେ ପ୍ରଥମ ଥର ପାଇଁ ମାଥିଲିରେ ୨୦ଜଣଙ୍କ ଅଭିଯୋଗ ଶୁଣାଣି କରିଛନ୍ତି ଉପଜିଲ୍ଲାପାଳ । ମାଥିଲି ତହସିଲଦାରଙ୍କ ଉପସ୍ଥିତିରେ ଆଦିବାସୀ ଜମି କିଣାବିକା ସଂକ୍ରାନ୍ତିୟ ଅଭିଯୋଗ, ଅଣ ଆଦିବାସୀ ଜମି ଅକ୍ତିଆର କରିବା ଓ ଅଣ ଅଧିକାର ପ୍ରବେଶ, ଜମି ଜାଲିଆତି ଅଭିଯୋଗର ଶୁଣାଣି ହୋଇଛି ।

ଆଗକୁ ମାଲକାନଗିରି ଜିଲାର ସମସ୍ତ ତହସିଲ ଅଧିନରେ ଆଦିବାସୀ ଜମି ସଂକ୍ରାନ୍ତିୟ ଅଭିଯୋଗର  ଶୁଣାଣି ପ୍ରକୋଷ୍ଠ ଅନୁଷ୍ଠିତ ହେବ । ପ୍ରତ୍ୟେକ ପଞ୍ଚାୟତ ଅଧିନରେ ମଧ୍ୟ ଶୁଣାଣି କରି ଆଦିବାସୀଙ୍କ ବିନା ଅନୁମତିରେ ଦଖଲ ହୋଇଥିବା ଜମି , ଜମି ଜାଲିଆତିକୁ ରଦ୍ଦ କରି ପୁନର୍ବାର ଆଦିବାସୀଙ୍କୁ ଜମି ହସ୍ତାନ୍ତର କରାଯିବ ବୋଲି କହିଛନ୍ତି ମାଲକାନଗିରି ଉପଜିଲ୍ଲାପାଳ ଦୁର୍ଯ୍ୟୋଧନ ଭୋଇ । 

ଅଧିକ ପଢନ୍ତୁ : ପାରଳାଖେମୁଣ୍ଡି ଆଇଟିଡିଏର ଆଦିବାସୀଙ୍କ କୋଟି କୋଟି ଟଙ୍କାର ମିଳୁନି ହିସାବ

ଦୀର୍ଘ ବର୍ଷରୁ ମାଲକାନଗିରି ଜିଲାରେ ଆଦିବାସୀଙ୍କ ଜମି ଅଣଆଦିବାସୀଙ୍କ ଦଖଲରେ ରହିଛି । ଅଧିକାଂଶ ଜାଲିଆତି କରି ଜମି ହଡ଼ପ କରାଯାଇଥିବା ଅଭିଯୋଗ ହୋଇଛି । ନିରୀହ ଆଦିବାସୀଙ୍କୁ ଭୂତାଇ ଜମି ଦଲାଲମାନେ ମାଲେମାଲ ହେଉଛନ୍ତି । ଏସମସ୍ତ ଦୃଷ୍ଟିରୁ ପ୍ରଶାସନ ତରଫରୁ ଏହି ଅଭିଯୋଗ ପ୍ରକୋଷ୍ଠକୁ ତ୍ବରାନ୍ବିତ କରିବାକୁ ଉଦ୍ୟମ ଆରମ୍ଭ ହୋଇଛି ।