ଅଧିକ ସମୟ ବସି କାମ କରୁଛନ୍ତି କି ? ଅବେଳାରେ ମାଡ଼ିବସିବ ଗମ୍ଭୀର ସମସ୍ୟା ,ଏବେଠାରୁ ବଦଳାନ୍ତୁ ଅଭ୍ୟାସ

କନକ ବ୍ୟୁରୋ: ଆଜିକା ଦିନରେ ଅଧିକାଂଶ ସେକ୍ଟରର କାମ ଏମିତି ଯେ ଦୀର୍ଘ ସମୟ ବସି କାମ କରିବାକୁ କର୍ମଚାରୀ ବାଧ୍ୟ । ବେଳେ ବେଳେ ତ ଏପରି କାମ ଚାପ ଥାଏ , ଖାଇବାକୁ ବି ସମୟ ମିଳେନା । ହେଲେ ଜାଣନ୍ତି, ଲଗାତାର ବସି କାମ କରିବା ଦ୍ବାରା ଶରୀରକୁ ଏକାଧିକ ସମସ୍ୟା ମାଡ଼ିବସେ । ଯାହା ହୁଏତ ଜୀବନର ଶେଷ ଯାଏଁ କଷ୍ଟ ଦିଏ । 

ଅନେକ ଚାକିରିରେ  ଆମକୁ କମ୍ପ୍ୟୁଟର ଆଗରେ ଘଣ୍ଟା ଘଣ୍ଟା ଧରି ବସିବାକୁ ପଡ଼େ । , ଯାହା ଆମ ଶରୀର ଓ ମସ୍ତିଷ୍କ ପାଇଁ ଘାତକ ହୋଇପାରେ । ଏହାଦ୍ବାରା ଆମ ଶରରର ଅନେକ ଗୁରୁତ୍ବପୂର୍ଣ୍ଣ ଅଙ୍ଗ ଗମ୍ଭୀର ଭାବେ ପ୍ରଭାବିତ ହୋଇପାରେ  । ଲଗାତାର ଗୋଟିଏ ପୋଶ୍ଚରରେ ବସି ରହିଲେ ପିଠି, ଅଣ୍ଟା, କାନ୍ଧରେ ଯନ୍ତ୍ରଣା ଆରମ୍ଭ ହୁଏ ଯାହା ସମୟ କ୍ରମେ ବଢ଼ିବାରେ ଲାଗେ । ଏହା ବ୍ୟତୀତ ଅନିଦ୍ରା, ଅବସାଦ, ଉଚ୍ଚ ରକ୍ତଚାପ, ପରି ସମସ୍ୟା ବି ହୋଇପାରେ । ଘଣ୍ଟା ଘଣ୍ଟା କମ୍ପ୍ୟୁଟର ସ୍କ୍ରିନ ଆଗରେ ବସିରହିଲେ ଆମ ଆଖି ବି ଖରାପ ହୋଇପାରେ । ଦୃଷ୍ଟିଶକ୍ତି କମିଯାଏ । 

ଅଧିକ ପଢ଼ନ୍ତୁ : ସପ୍ତାହରେ କେତେ ଚିକେନ୍ ଖାଉଛନ୍ତି ? ସତର୍କ କଲେଣି ଡାକ୍ତର , ଚିକେନପ୍ରେମୀଙ୍କ ବଢ଼ିଲାଣି ଚିନ୍ତା

ଆମେରିକାରେ ହେଉ ବା ଭାରତରେ ୭୦ ପ୍ରତିଶତ ଲୋକ ୮ ଘଣ୍ଟାରୁ ଅଧିକ ସମୟ କମ୍ପ୍ୟୁଟର ଆଗରେ ବସି କାମ କରନ୍ତି ଆଉ ବାକି ସମୟ ଟିଭି ଦେଖିବାରେ ସମୟ ବିତାନ୍ତି । ଏହାକୁ କୁହାଯାଇପାରେ ଗିତିହୀନ ଜୀବନଶୈଳୀ , ଯାହାର ପରିଣାମ ନିଜକୁ ହିଁ ଭୋଗିବାକୁ ପଡ଼େ । ତାହାଲେ ଆସନ୍ତୁ ଜାଣିବା ଅଧିକ ସମୟ ବସି କାମ କଲେ କି କି ସମସ୍ୟା ହୁଏ…

ପିଠି, ଅଣ୍ଟାରେ ଯନ୍ତ୍ରଣା : ଦୀର୍ଘ ସମୟ ଧରି ବସିବା ଦ୍ଵାରା କେବଳ ମେରୁଦଣ୍ଡ ସମସ୍ୟା ହୋଇପାରେ ନାହିଁ, ବରଂ ଏହାର ଆଖପାଖର ସନ୍ଧି ଏବଂ ମାଂସପେଶୀରେ କଠିନତା ମଧ୍ୟ ହୋଇପାରେ। ବିଶେଷଜ୍ଞମାନେ କହିଛନ୍ତି ଯେ ଯେଉଁମାନେ ଦୀର୍ଘ ସମୟ ଧରି ବସିଥାନ୍ତି ସେମାନଙ୍କର ହ୍ୟାମଷ୍ଟ୍ରିଙ୍ଗ୍ସ ଛୋଟ ହୋଇଯାଏ ଏବଂ ପେଲଭିସ୍ ଅଞ୍ଚଳରେ ଚାପ ପଡ଼ିପାରେ, ଯାହା ଫଳରେ ଦୀର୍ଘକାଳୀନ ନିମ୍ନ ପିଠି ଯନ୍ତ୍ରଣା ହୁଏ। ଯଦି ଆପଣ ସୋଫା କିମ୍ବା ବିଛଣାରେ ବସି ଘରୁ କାମ କରନ୍ତି (WFH) ତେବେ ଏହି ସମସ୍ୟା ଆହୁରି ବଢ଼ିପାରେ।

ମସ୍ତିଷ୍କ ଉପରେ ପ୍ରଭାବ : ଏ ନେଇ ଅଷ୍ଟ୍ରେଲିୟ ଗବେଷକ କହିଛନ୍ତି, ଯେଉଁ ବୟସ୍କମାନେ ଦିନକୁ ୬ ଘଣ୍ଟାରୁ ଅଧିକ ସମୟ ପାଇଁ ବସି ରହୁଥିଲେ, ସେମାନଙ୍କ ମଧ୍ୟରେ କେବଳ ୩ ଘଣ୍ଟା ବସି ରହୁଥିବା ଲୋକଙ୍କ ତୁଳନାରେ ଅଧିକ ମାନସିକ କଷ୍ଟ ଦେଖାଯାଇଥିଲା। ବିଶ୍ୱବ୍ୟାପୀ ଗବେଷଣାରୁ ଜଣାପଡ଼ିଛି ଯେ ଯେଉଁମାନେ ସାରା ଦିନ ଭିଡିଓ ଗେମ୍ ଖେଳି କିମ୍ବା ଟିଭି ସାମ୍ନାରେ ବିତାଇ ଦିଅନ୍ତି, ସେମାନଙ୍କ ମଧ୍ୟରେ ଡିପ୍ରେସନ୍ ଏବଂ ଚିନ୍ତାର ଆଶଙ୍କା ଅଧିକ ଥାଏ । ଏହି ଜୀବନଶୈଳୀ ଡିମେନ୍ସିଆ ଏବଂ ଆଲଜାଇମର ଭଳି ସମସ୍ୟାର ଆଶଙ୍କା ମଧ୍ୟ ବୃଦ୍ଧି କରେ।

ପ୍ରଜନନ କ୍ଷମତା ହ୍ରାସ ପାଏ : ଅଧ୍ୟୟନ ଅନୁଯାୟୀ, ସାରା ଦିନ ବସି ରହିବା ଆପଣଙ୍କ ପ୍ରଜନନ କ୍ଷମତାକୁ ମଧ୍ୟ ପ୍ରଭାବିତ କରିପାରେ । ଓଜନ ବୃଦ୍ଧି ଏବଂ ଘଣ୍ଟା ଘଣ୍ଟା ଟିଭି ସାମ୍ନାରେ ବସି ରହିବା ପୁରୁଷଙ୍କଠାରେ ନପୁଂସକତା ସୃଷ୍ଟି କରିପାରେ। ଗବେଷଣା ଅନୁଯାୟୀ, ଦିନକୁ ପାଞ୍ଚ ଘଣ୍ଟା ବସି ରହିବା ପୁରୁଷଙ୍କ ଶୁକ୍ରାଣୁ ସଂଖ୍ୟାକୁ ହ୍ରାସ କରିପାରେ। କମ୍ପ୍ୟୁଟର କିମ୍ବା ଟିଭି ସାମ୍ନାରେ ଦୀର୍ଘ ସମୟ ବିତାଇବା ଦ୍ୱାରା ନିଦ୍ରାଜନିତ ସମସ୍ୟା ହୋଇପାରେ । ଏକ ସକ୍ରିୟ ମନ ଇଚ୍ଛା ଥିଲେ ମଧ୍ୟ ନିଦ ଆସିବାକୁ କଷ୍ଟକର କରିପାରେ । ଏହାର ଏକମାତ୍ର ସମାଧାନ ହେଉଛି ନିୟମିତ ବ୍ୟାୟାମ । ମନେରଖନ୍ତୁ, ଗୁଣାତ୍ମକ ନିଦ୍ରାର ଅଭାବ ହୃଦରୋଗ, ଦୁର୍ବଳ ରୋଗ ପ୍ରତିରୋଧକ ଶକ୍ତି ଏବଂ ଓଜନ ବୃଦ୍ଧି ଭଳି ସମସ୍ୟା ସୃଷ୍ଟି କରିପାରେ।

ଅନିଦ୍ରା ସମସ୍ୟା: କମ୍ପ୍ୟୁଟର କିମ୍ବା ଟିଭି ସାମ୍ନାରେ ଦୀର୍ଘ ସମୟ ବିତାଇବା ଦ୍ୱାରା ନିଦ୍ରାଜନିତ ସମସ୍ୟା ହୋଇପାରେ । ଏକ ସକ୍ରିୟ ମନ ଇଚ୍ଛା ଥିଲେ ମଧ୍ୟ ନିଦ ଆସିବାକୁ କଷ୍ଟକର କରିପାରେ । ଏହାର ଏକମାତ୍ର ସମାଧାନ ହେଉଛି ନିୟମିତ ବ୍ୟାୟାମ  । ମନେରଖନ୍ତୁ, ଗୁଣାତ୍ମକ ନିଦ୍ରାର ଅଭାବ ହୃଦରୋଗ, ଦୁର୍ବଳ ରୋଗ ପ୍ରତିରୋଧକ ଶକ୍ତି ଏବଂ ଓଜନ ବୃଦ୍ଧି ଭଳି ସମସ୍ୟା ସୃଷ୍ଟି କରିପାରେ।

ମୁଣ୍ଡ ବିନ୍ଧା : ଲଗାତାର ସ୍କ୍ରିନକୁ ଚାହିଁ ରହିବା ଏବଂ ଖରାପ ପୋଜିସନରେ ବସିବା ଦ୍ୱାରା ବେକ ଏବଂ ପିଠି ସନ୍ଧି ଉପରେ ଚାପ ପଡ଼ିଥାଏ, ଯାହା ପ୍ରାୟତଃ ମୁଣ୍ଡବିନ୍ଧା ସୃଷ୍ଟି କରେ। ଏହାକୁ ଏଡାଇବା ପାଇଁ ଆପଣଙ୍କ ମାଂସପେଶୀକୁ ଟାଣ କରିବା ଅତ୍ୟନ୍ତ ଜରୁରୀ ।

କିନ୍ତୁ କାମ ତ ଛାଡ଼ିପାରିବେନି  ବରଂ କାମ କରିବା ଭିତରେ କିଛି କିଛି ଉପାୟରେ ନିଜକୁ ଆକ୍ଟିଭ ରଖିବାକୁ ପଡ଼ିବ । ଯେମିତିକି ୪୫ ମିନିଟ ଅନ୍ତରରେ ଥରେ ସିଟରୁ ଉଠି ୫ ମିନିଟ୍ ଚାଲିବା ଦରକାର । ସମୟ ବାହାର କରି ଏକ୍ସରସାଇଜ୍ କରିବା ଉଚିତ , ଯାହା ନିଜ ଓଜନକୁ ବି ନିୟନ୍ତ୍ରଣ କରିବ । ସବୁବେଳେ କାମ ସମୟରେ ସିଧା ବସିବା ସହ  ଏର୍ଗୋନୋମିକ୍ ଚେୟାରରେ ବସନ୍ତୁ । କାମ ସରିବା ପରେ ଟିକେ ବାହାର ପରିବେଶରେ ବୁଲିବାକୁ ସମୟ ବାହାର କରନ୍ତୁ । ଅନ୍ତତଃ ବ୍ୟସ୍ତ କାମର ରୁଟିନ୍ ଭିତରେ ଏତିକି କରିପାରିଲେ ଉପରୋକ୍ତ ସମସ୍ୟାରୁ ଅନେକ ମାତ୍ରାରେ ଉପଶମ ମିଳିବ ।