ଥାନାରେ ପହଞ୍ଚିଲା ଲିଙ୍ଗରାଜ ମନ୍ଦିର ବିବାଦ : ପ୍ରଶାସନ ଉପରେ ଦୋଷ ଲଦିଲେ ସେବାୟତ

କନକବ୍ୟୁରୋ :  ଶ୍ରୀଲିଙ୍ଗରାଜଙ୍କୁ ଉପାସ ରଖିବା ପରେ ଏବେ ଆରମ୍ଭ ହୋଇଛି କାଦୁଅ ଫିଙ୍ଗା। ମାମଲା ଯାଇ ପହଞ୍ଚିଲାଣି ଥାନାରେ ।  ତେବେ ଏ ବିବାଦ ଭିତରେ କାହା ବିରୋଧରେ ହେଉଛି କାର୍ଯ୍ୟାନୁଷ୍ଠାନ, ତାକୁ ଅପେକ୍ଷା ।  ମକର ସଂକ୍ରାନ୍ତି ଦିନ ଭୋକିଲା ରହିଲେ ମହାପ୍ରଭୁ ଶ୍ରୀଲିଙ୍ଗରାଜ। ଏ ମାମଲା ଏବେ ଥାନାରେ ପହଞ୍ଚିଛି। ନୀତିକାନ୍ତି ବନ୍ଦ କରିବା ଓ ପ୍ରଭୁଙ୍କୁ ଭୋକିଲା ରଖିବା ନେଇ ମନ୍ଦିର କାର୍ଯ୍ୟନିର୍ବାହୀ ଅଧିକାରୀଙ୍କ ନାଁରେ ହୋଇଛି ଏତଲା। କାର୍ଯ୍ୟନିର୍ବାହୀ ଅଧିକାରୀ ରୁଦ୍ର ନାରାୟଣ ମହାନ୍ତିଙ୍କ ନାଁରେ ଅଭିଯୋଗ କରିଛନ୍ତି ସେବାୟତ ଅମରେନ୍ଦ୍ର ଗରାବଡୁ । କାର୍ଯ୍ୟନିର୍ବାହୀ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି ।

ଟୋଲ୍ ପ୍ଲାଜାରେ ଆଉ ଚଳିବନି ନଗଦ ଟଙ୍କା: କେବଳ FASTag ଓ UPIରେ ହେବ ପେମେଣ୍ଟ

କ୍ଷୀର ଆଉଟା ନୀତି ସମୟରେ ବିଭ୍ରାଟ ହେବ ବୋଲି ବହୁ ପୂର୍ବରୁ ଆଶଙ୍କା କରିଥିଲା ବଡୁ ନିଯୋଗ ।  ଆଲୋଚନା ପାଇଁ ଆଇନ ବିଭାଗ ସମେତ ଦେବୋତ୍ତର ବିଭାଗ ଓ ମନ୍ଦିର ପ୍ରଶାସନକୁ ଜଣାଇଥିଲା ।  ଦେବୋତ୍ତର ବିଭାଗ ଜିଲ୍ଲାପାଳଙ୍କୁ ଚିଠି ଲେଖି ଦାୟିତ୍ବ ସାରି ଦେଇଥିଲା ।  ସେବାୟତଙ୍କ ସହ ଆଲୋଚନା କରିବା ପାଇଁ ଆସିଲେନି କୌଣସି ପ୍ରାଶାସନିକ ଅଧିକାରୀ। ଲିଙ୍ଗରାଜ ମନ୍ଦିରର କାର୍ଯ୍ୟନିର୍ବାହୀ ଅଧିକାରୀଙ୍କର ବି ଦେଖା ମିଳିଲାନି ।  କ୍ଷୀର ଆଉଟା ପ୍ରସଙ୍ଗ ଏବେ ହାଇକୋର୍ଟରେ। ଏ ନୀତି ପାଇଁ ଉଭୟ ବ୍ରାହ୍ମଣ ନିଯୋଗ ଓ ବଡୁ ନିଯୋଗ ମଧ୍ୟରେ ଚାଲିଛି ତିକ୍ତତା। କିନ୍ତୁ ବାହାରି ପାରୁନାହିଁ ସମାଧାନର ବାଟ। ପ୍ରଶ୍ନ ଉଠୁଛି ପ୍ରଭୁ ଶ୍ରୀଲିଙ୍ଗରାଜ ଉପାସ ରହିଲେ ଏଥିପାଇଁ କିଏ ଦଣ୍ଡ ପାଇବେ ତ?  ନା ଅନ୍ୟ ପ୍ରସଙ୍ଗ ଭଳି ଏ ପ୍ରସଙ୍ଗ ବି କିଛି ଦିନ ପରେ ଶାନ୍ତ ପଡ଼ିଯିବ?