ଦକ୍ଷିଣ କୋରିଆ ପୂର୍ବତ୍ତନ ରାଷ୍ଟ୍ରପତିଙ୍କୁ ଆଜୀବନ କାରାଦଣ୍ଡ, ମାର୍ସଲ ଲ’ ଲାଗୁ ପାଇଁ କାର୍ଯ୍ୟାନୁଷ୍ଠାନ

କନକ ବ୍ୟୁରୋ : ଦକ୍ଷିଣ କୋରିଆ ରାଜନୀତିରେ ଏକ ଐତିହାସିକ ନିଷ୍ପତ୍ତି ଦେଖିବାକୁ ମିଳିଛି। ଦକ୍ଷିଣ କୋରିଆନ୍ କୋର୍ଟ ପୂର୍ବତ୍ତନ ରାଷ୍ଟ୍ରପତି ୟୁନ୍ ସୁକ୍-ୟେଓଲଙ୍କୁ ଡିସେମ୍ଵର ୨୦୨୪ରେ ଦେଶରେ ‘ମାର୍ଶଲ ଲ’ ଲାଗୁ କରିବାର ଅସଫଳ ପ୍ରୟାସ କାରଣରୁ ଆଜୀବନ କାରାଦଣ୍ଡ ଶୁଣାଇଛନ୍ତି । ତାଙ୍କୁ ତାଙ୍କ ସରକାରୀ ବାସଭବନରୁ ଗିରଫ କରାଯାଇଛି। ଏହି କାର୍ଯ୍ୟାନୁଷ୍ଠାନ ସହିତ, ସେ ଦେଶର ପ୍ରଥମ ରାଷ୍ଟ୍ରପତି ହୋଇଛନ୍ତି ଯାହାଙ୍କୁ ‘ମାର୍ଶଲ ଲ’ ଲାଗୁ କରିବା ପ୍ରୟାସ ପାଇଁ ଦଣ୍ଡିତ କରାଯାଇଛି ।

ସ୍ୱତନ୍ତ୍ର ପବ୍ଲିକ ପ୍ରସିକ୍ୟୁଟର ୟୁନଙ୍କ ପାଇଁ ମୃତ୍ୟୁଦଣ୍ଡ ଦାବି କରିଥିଲେ, କହିଥିଲେ ଯେ ତାଙ୍କ କାର୍ଯ୍ୟ ଦେଶର ଲୋକତନ୍ତ୍ର ପାଇଁ ଗୁରୁତର ବିପଦ ସୃଷ୍ଟି କରିଛି ଏବଂ ସେ କଠୋର ଶାସ୍ତିର ଯୋଗ୍ୟ, କିନ୍ତୁ ଅଧିକାଂଶ ବିଶ୍ଳେଷକଙ୍କ ମତରେ ଏହା କ୍ଷମତା ଦଖଲ କରିବାର ଏକ ପ୍ରୟାସ ଥିଲା ଏବଂ ଏଥିରେ କୌଣସି କ୍ଷତି ହୋଇନଥିଲା, ତେଣୁ ଆଜୀବନ କାରାଦଣ୍ଡ ଯଥେଷ୍ଟ ଥିଲା ।

ଅଧିକ ପଢ଼ନ୍ତୁ---୪୨ ବିଧାୟକଙ୍କୁ ପାଟନା ହାଇକୋର୍ଟଙ୍କ ନୋଟିସ୍ , ବିହାର ନିର୍ବାଚନରେ ଭୋଟ ଚୋରି, ମିଥ୍ୟା ଶପଥପତ୍ର ଦାଖଲ ନେଇ ଅଭିଯୋଗ

ଉଲ୍ଲେଖଯୋଗ୍ୟ, ୟୁନ ୨୦୨୪ ଡିସେମ୍ବରରେ ଗୋଟିଏ ଟେଲିଭିଜନକୁ ସାକ୍ଷାତକାର ଦେଇ ହଠାତ୍ ମାର୍ଶାଲ ଲ'' ଘୋଷଣା କରିଥିଲେ। ସେଥିରେ ସେ କହିଥିଲେ ଯେ “ରାଷ୍ଟ୍ରବିରୋଧୀ ଶକ୍ତିମାନଙ୍କୁ” ମୂଳରୁ ସମାପ୍ତ କରିବା ପାଇଁ କଠୋର ପଦକ୍ଷେପ ଆବଶ୍ୟକ। ୟୁନ୍ ସୁକ୍-ୟେଓଲଙ୍କ ସ୍ୱଳ୍ପକାଳୀନ ସାମରିକ ଆଇନ ଲାଗୁ କରିବାର ନିଷ୍ପତ୍ତି ବଡ଼ ପ୍ରଶ୍ନ ଉଠାଇଥିଲା। ଏହି ପଦକ୍ଷେପ ଦେଶରେ ଗୁରୁତ୍ୱପୂର୍ଣ୍ଣ ରାଜନୈତିକ ବିପ୍ଳବ ସୃଷ୍ଟି କରିଥିଲା ଏବଂ ସାମ୍ବିଧାନିକ ପ୍ରକ୍ରିୟା ବିଷୟରେ ବିତର୍କ ଆରମ୍ଭ କରିଥିଲା। ତାଙ୍କ ଗିରଫଦାରୀ ଏବେ ଦକ୍ଷିଣ କୋରିଆରେ ରାଜନୈତିକ ଓ ଆଇନଗତ ଅସ୍ଥିରତାକୁ ଆହୁରି ତୀବ୍ର କରିବ ବୋଲି ଆଶା କରାଯାଉଛି। ଏହି ଘଟଣା କେବଳ ଦକ୍ଷିଣ କୋରିଆର ରାଜନୈତିକ ଇତିହାସରେ ଏକ ଗୁରୁତ୍ୱପୂର୍ଣ୍ଣ ଅଧ୍ୟାୟ ନୁହେଁ ବରଂ ଶାସନ ଓ ସାମ୍ବିଧାନିକ ଦାୟିତ୍ୱ ସମ୍ପର୍କରେ ଏକ ଗୁରୁତ୍ୱପୂର୍ଣ୍ଣ ବାର୍ତ୍ତା। ତେବେ ୟୁନଙ୍କୁ ପଚରାଉଚରା ପାଇଁ ଗ୍ୱାଚିଓନ୍ ସିଆଇଓ କାର୍ଯ୍ୟାଳୟକୁ ନିଆଯାଇଛି ।