ଖୋଲିଲା ପୀତବାସ ହତ୍ୟା ରହସ୍ୟ

କନକ ବ୍ୟୁରୋ : ଆଇନଜୀବୀ ପୀତବାସ ପଣ୍ଡା ହତ୍ୟାକାଣ୍ଡର ପର୍ଦ୍ଦାଫାସ। ବାର୍ କାଉନସିଲ୍ ନିର୍ବାଚନ ପାଇଁ ଗଡ଼ିଛି ପୀତବାସଙ୍କ ମୁଣ୍ଡ । ହତ୍ୟା ପାଇଁ ହୋଇଥିଲା ୫୦ ଲକ୍ଷ ଟଙ୍କାର ମୁଲଚାଲ୍‌ । ଅକ୍ଟୋବର ୬ ପୀତବାସ ପଣ୍ଡାଙ୍କୁ ଗୁଳି କରି ହତ୍ୟା କରାଯାଇଥିଲା । ଏହି ମାମଲାରେ ୧୨ ଗିରଫ ହୋଇଥିବା ବେଳେ ୩ ଫେରାର ଜଣ ଅଛନ୍ତି । ଅଭିଯୁକ୍ତଙ୍କ ଠାରୁ ବନ୍ଧୁକ, ଗାଡ଼ି, ପୋଷାକ ଜବତ ହୋଇଛି । ସିସିଟିଭି ଓ ସିଡିଆର ଜରିଆରେ ତଦନ୍ତ କରି ପୂରା ଘଟଣାର ପର୍ଦ୍ଦାଫାସ କରିଛି ପୁଲିସ । ବ୍ୟକ୍ତିଗତ, ବୃତିଗତ, ଅର୍ଥନୈତିକ, ରାଜନୈତିକ ବିବାଦ ରହିଥିଲା । ୬ ଟିମ୍‌ ଗଠନ କରି ସ୍ବତନ୍ତ୍ର ତଦନ୍ତ ଆରମ୍ଭ କରିଥିଲା ବ୍ରହ୍ମପୁର ପୁଲିସ ।

Advertisment

‘ହାତ’ ପାଇଁ ସମ୍ମାନ ରକ୍ଷା; ‘ଶଙ୍ଖ’ ପାଇଁ ଗଡ଼ ସୁରକ୍ଷା, ଆଉ ‘ପଦ୍ମ’ ପାଇଁ ଅଗ୍ନିପରୀକ୍ଷା

ଆଉ ଘଟଣାର ୧୬ ଦିନ ପରେ ଅଭିଯୁକ୍ତଙ୍କୁ ଧରିଛି ପୁଲିସ । ପୂରା ଘଟଣାର ଷଡ଼ଯନ୍ତ୍ର ପଛରେ ବିକ୍ରମ ପଣ୍ଡା ଓ ପିଣ୍ଟୁ ଦାସଙ୍କ ହାତ ରହିଛି । ପ୍ରଥମେ ସେପ୍ଟେମ୍ବର ୧୦ରୁ ୧୪ ହୋଇଥିଲା ହତ୍ୟା ଯୋଜନା । ବିହାରରୁ ଆସିଥିଲେ ସାର୍ପ ସୁଟର। ଉମା ଓରଫ ମଳୟ ବିଶୋଇ, ଯୋଗୀ ଓରଫ ଯୋଗୀନ୍ଦ୍ର ରାଉତ ପ୍ରସ୍ତୁତ କରିଥିଲେ ବ୍ଲୁ ପ୍ରିଣ୍ଟ । ହିଞ୍ଜିଳିର ବିପିନ ସ୍ୱାଇଁ ଓ ସୀମାଞ୍ଚଳ ନାୟକ, ସୁଟରଙ୍କୁ ଯୋଗାଯୋଗ କରିଥିଲେ । ଆଉ ଅକ୍ଟୋବର ୬ ତାରିଖ ଦିନ ରାତିରେ ନାଁ ପଚାରି ହତ୍ୟାକାଣ୍ଡ ଭିଆଇଥିଲେ ଅଭିଯୁକ୍ତ ।

ହତ୍ୟା ପଛରେ ବାର୍ କାଉନସିଲ୍ ନିର୍ବାଚନ
ପୀତବାସ ପଣ୍ଡାଙ୍କୁ ହତ୍ୟା ପାଇଁ ୫୦ ଲକ୍ଷର ମୁଲଚାଲ
ହତ୍ୟା ପାଇଁ ୧୦ ଲକ୍ଷ ଟଙ୍କାର ଅଗ୍ରୀମ ନେଇଥିଲେ ଅଭିଯୁକ୍ତ
ସେପ୍ଟେମ୍ବର ମାସରେ ହତ୍ୟା ପାଇଁ ହୋଇଥିଲା ଷଡ଼ଯନ୍ତ୍ର
ସେପ୍ଟେମ୍ବର ୧୪ରେ ହତ୍ୟା ପାଇଁ ଯୋଜନା ହୋଇଥିଲା
୧୪ ସେପ୍ଟେମ୍ବରରେ ଯୋଜନା ଫେଲ୍‌ ମାରିଥିଲା
ଘଟଣା ପୂର୍ବରୁ ପୀତବାସଙ୍କ ଘରପାଖରେ ରହୁଥିଲେ ଅଭିଯୁକ୍ତ
ସେମାନଙ୍କୁ ଗାଡ଼ି, ବନ୍ଧୁକ, ଜୋତା, ନୂଆ ପୋଷାକ ଦିଆଗଲା
ଫାୟାରିଂ ପାଇଁ ୫ ଲକ୍ଷ ଓ ଗାଡ଼ି ଚଳାଇବାକୁ ୩ ଲକ୍ଷ ଟଙ୍କା ଦିଆଯାଇଥିଲା
ପୀତବାସ ଘରକୁ ଫେରିବା ବାଟରେ ଜଗିଥିଲେ ଅଭିଯୁକ୍ତ
ପ୍ରଥମେ ନମସ୍କାର କଲେ, କିଏ ବୋଲି ପଚାରିବାରୁ ଗୁଳି କରିଥିଲେ
ଗାଡ଼ି ତଳେ ପଡ଼ିଯାଇଥିଲେ ପୀତବାସ, ଅଭିଯୁକ୍ତ ଫେରାର ହୋଇଯାଇଥିଲେ
ଶୀତଳପାଳିରେ ପୋଷାକ, ଜୋତା, ବଦଳାଇଲେ, ବନ୍ଧୁକ ପୋତିଥିଲେ ୨ ସୁଟର
ପରେ ପୁରୀ ଯାଇ ଆତ୍ମଗୋପନ କରିଥିଲେ ଅଭିଯୁକ୍ତ
ଷଡ଼ଯନ୍ତ୍ର ପଛରେ ବିକ୍ରମ
ପୀତବାସ ହତ୍ୟାକାଣ୍ଡର ଷଡ଼ଯନ୍ତକାରୀ ହେଉଛନ୍ତି ବିକ୍ରମ ପଣ୍ଡା ଓ ପିଣ୍ଟୁ ଦାସ
ଅଭିଯୁକ୍ତଙ୍କୁ ସୁରକ୍ଷା ଦେଇଥିବା ସୁନୀଲ ହୋତା ବିକ୍ରମଙ୍କ ଖାସ୍‌ ଲୋକ
ଫାର୍ମ ହାଉସରେ ୫ ଦିନ ରହି ରାଜ୍ୟ ବାହାରକୁ ପଳାଇଥିଲେ
ବାର୍‌ କାଉନସିଲ ନିର୍ବାଚନ ପରଠୁ ପୀତବାସଙ୍କ ସହ ତିକ୍ତତା ବଢ଼ିଲା
ପିଣ୍ଟୁ, ବିକ୍ରମ ମିଶି ହତ୍ୟା ଷଡ଼ଯନ୍ତ୍ର କରିଥିଲେ