ବାରମ୍ବାର ନୋଟିସ୍ ପରେ ବି ଚେତୁନାହାନ୍ତି; ବ୍ରହ୍ମପୁରରେ ଇଂରାଜୀରେ ଲାଗିଛି ନାମଫଳକ

କନକ ବ୍ୟୁରୋ : ଭାଷା ଓ ସଂସ୍କୃତିର ସହରରେ ଦିନେ ମାତୃଭାଷା ପାଇଁ ଜୋରଦାର ଲଢେଇ ହୋଇଥିଲା । ମାତ୍ର ଏବେ କୁଆଡ଼େ ଗଲା ସେ ପ୍ରୀତି । ସହରର ବ୍ୟବସାୟୀଙ୍କୁ ଓଡ଼ିଆ ଭାଷାରେ ନାମ ଫଳକ ଲେଖିବାକୁ ଦେବାକୁ ପଡୁଛି ନୋଟିସ୍‌ ଓ ପରେ ଜୋରିମାନାର ଭୟ ସୃଷ୍ଟି କରିବାକୁ ପଡୁଛି । ଏହା ସତ୍ତ୍ୱେ ବି ଚେତୁନାହାନ୍ତି ବ୍ୟବସାୟୀ ।

ଅଧିକ ପଢ଼ନ୍ତୁ : ପୁରୀର ସବୁ ହୋଟେଲ, ସବୁ ଦୋକାନରେ ଲାଗିଛି ବଙ୍ଗଳା ଭାଷାର ସାଇନ୍‌ବୋର୍ଡ : ଓଡ଼ିଆ ଭାଷା ଗାୟବ । କୁଆଡ଼େ ଗଲା ଓଡ଼ିଆ ଅସ୍ମିତା?

ସବୁଠି ମାଳମାଳ ଇଂରାଜୀ ଫଳକ । ଯୁଆଡ଼େ ଆଖି ବୁଲାଇ ଆଣିବେ କୌଣସି ଗୋଟିଏ ସ୍ଥାନରେ ବି ପାଇବେନି ଓଡ଼ିଆ ସାଇନ୍‌ ବୋର୍ଡ । ରେଶମ ସହର ବ୍ରହ୍ମପୁରରେ ଆଜି ବି ଏଠି ବିଭିନ୍ନ ସ୍ଥାନରେ ଦେଖିବାକୁ ମିଳେ ଇଂରାଜୀରେ ଫଳକ । ଯାହା ବ୍ରହ୍ମପୁର ବ୍ୟବସାୟୀଙ୍କ ଓଡ଼ିଆ ପ୍ରୀତି ଉପରେ ପ୍ରଶ୍ନ ଚିହ୍ନ ଲଗାଇଛି । ସାଇନ ବୋର୍ଡର ଶତକଡ଼ା ୬୦ ଭାଗ ଓଡ଼ିଆରେ ଲେଖିବାକୁ ବ୍ରହ୍ମପୁର ମହାନଗର ନିଗମ ଗତ ସେପ୍‌ଟେମ୍ବର ପହିଲାରେ ବିଜ୍ଞପ୍ତି ଜାରି କରିଥିଲା । ଏହା ସତ୍ତ୍ୱେ ମଧ୍ୟ ଚେତୁନାହାନ୍ତି ବ୍ୟବସାୟୀ ।

ଅଧିକ ପଢ଼ନ୍ତୁ : 'ବାପାଙ୍କ ନିଷ୍ପତି ଠିକ୍, ମାଟିକୁ ଗୁରୁତ୍ଵ ଦେଇ ଓଡ଼ିଆ ଅସ୍ମିତାକୁ ବାଛିଥିଲେ'

ସେପ୍ଟେମ୍ୱର ୧୮ରୁ ୫୫ ଦିନ ସମୟ ସୀମା ମଧ୍ୟରେ ନିୟମ ପାଳନ କରିବାକୁ ସହରର ବାଣିଜ୍ୟିକ ପ୍ରତିଷ୍ଠାନ ଗୁଡିକୁ ନୋଟିସ ଦିଆଯାଇଥିଲା । ନିର୍ଦ୍ଧାରିତ ସମୟରେ ନିୟମ ମାନିଥିବା ଦୋକାନ ଏବଂ ବ୍ୟବସାୟିକ ପ୍ରତିଷ୍ଠାନକୁ ଟ୍ରେଡ୍‌ ଲାଇସେନ୍ସ ନବୀକରଣ ବେଳେ ୫ ପ୍ରତିଶତ ରିହାତି ନଚେତ୍ ଦୈନିକ ୫୦୦ ଟଙ୍କାର ଜରିମାନା ନିର୍ଦ୍ଦେଶ ରହିଛି । ଏବେ ଯାଏଁ ୩୪୦ ବ୍ୟବସାୟୀଙ୍କୁ ବ୍ୟକ୍ତିଗତ ନୋଟିସ ହୋଇଥିବା ବେଳେ ୧୪ ଜଣ ଗଣିଛନ୍ତି ତଣ୍ଡ ।