ବୋମା ମାଡ ନୁହେଁ ହୋଇଥିଲା ଗ୍ୟାସ୍ ବିସ୍ପୋରଣ : ସାମ୍ବାଦିକ ସମ୍ମିଳନୀରେ ଏସଡିପିଓଙ୍କ ସୂଚନା

କନକ ବ୍ୟୁରୋ : ଗଞ୍ଜାମ ଜିଲା ଛତ୍ରପୁର ଥାନା ଅନ୍ତର୍ଗତ ଚିକଲଖଣ୍ଡି ଗାଁରେ ବୋମା ମାଡ଼ ଘଟଣାରେ ରୋଚକ ମୋଡ଼। ବୋମାମାଡ଼ ନୁହେଁ ବରଂ ଗ୍ୟାସ୍ ସିଲିଣ୍ଡର ଫାଟି ହୋଇଥିଲା ବିସ୍ଫୋରଣ। ସାମ୍ବାଦିକ ସମ୍ମିଳନୀ କରି ସୂଚନା ଦେଲେ ଛତ୍ରପୁର ଏସ୍‌ଡିପିଓ ।  ସୋମବାର ବିଳମ୍ବିତ ରାତିରେ ଜି. କାମରାଜୁଙ୍କ ଘରେ ହୋଇଥିଲା ବିସ୍ଫୋରଣ ।  ଘର ଉପରକୁ ବୋମାମାଡ଼ ହୋଇଥିବା ଅଭିଯୋଗ କରିଥିଲେ ଜି. କାମରାଜୁ । ଘଟଣାକୁ ଗୁରୁତ୍ୱ ଦେଇ ମାମଲା ରୁଜୁ କରି ଆରମ୍ଭ ହୋଇଥିଲା ତଦନ୍ତ ।  ଗଞ୍ଜାମ ଏସପିଙ୍କ ତତ୍ୱବଧାନରେ ସାଇଟିଫିକ୍ସ ଟିମ, ଫାୟାର ଟିମ, ରାଜ୍ୟ ବୋମା ନିଷ୍କ୍ରିୟ କାରୀ ଟିମ, ରାଜ୍ୟ ଫୋର ସିକ ବିଜ୍ଞାନ ପରୀକ୍ଷାଗାର ଟିମ ଘଟଣାସ୍ଥଳ ରେ ପହଁଚି ବିଭିନ୍ନ ନମୁନା ସଂଗ୍ରହ କରିବା  ସହିତ ଯାଞ୍ଚ କରିଥିଲେ  l  

ଅଧିକ ପଢନ୍ତୁ : ଓଡ଼ିଶା ବନ୍ଦବେଳେ ବଡ଼ ଅଘଟଣ : ୩ ବର୍ଷର ପୁଅର ଗଲା ଜୀବନ

ଏନେଇ ଏକ ସାମ୍ବାଦିକ ସମ୍ମିଳନୀ ରେ ଛତ୍ରପୁର ଏସ ଡି ପିଓ ଚନ୍ଦନ କୁମାର ଘଡ଼ାଇ  ଘଟଣା ସମ୍ପର୍କ ରେ ସୂଚନା ଦେଇଛନ୍ତି  l  ଜି. କାମରଜୁ ଙ୍କ ରୋଷେଇ ଘରେ ଏକ ଛୋଟିଆ ଆବଧ ଠାକୁର ଘରେ ଅଖଣ୍ଡ ଦୀପ ଜଳୁଥିଲା ତାର ଧୂଆଁ ଏବଂ ସେଠାରେ ଥିବା ଗୋଟିଏ ଖାଲି ଓ ଆଉ ଗୋଟିଏ ଫୁଲ ଗ୍ୟାସ ଟାଙ୍କି ରହିଥିଲା  l  

ଦୀପ ଧୂଆଁ ଏବଂ ରେଗୁଲଟର ଯୋଗେ  ଧୀରେ ଧରେ ଆସୁଥିବା ଗ୍ୟାସ ଯୋଗୁଁ ଏପରି ବ୍ଲାଷ୍ଟ ହୋଇଥିବା  ରାଜ୍ୟ ଫୋର ସିକ ବିଜ୍ଞାନ ପରୀକ୍ଷା ଗାର ବୈଜ୍ଞାନିକ ମାନେ ରିପୋର୍ଟ ଦେଇଛନ୍ତି ବୋଲି ଏସ ଡିପିଓ ଶ୍ରୀ ଘଡ଼ାଇ ସୂଚନା ଦେଇଛନ୍ତି  l  ତେବେ କୌଣସି ବୋମା ଫୁଟି ନାହିଁ କି କୌଣସି ବିସ୍ପୋରକ ସାମଗ୍ରୀ ଯୋଗୁଁ ଏପରି ଘଟଣା ଘଟିନି ବୋଲି ଏସଡିପିଓ ଶ୍ରୀ ଘଡାଇ କହିଛନ୍ତି  l  ଏହି ସାମ୍ବାଦିକ ସମ୍ମିଳନୀ ରେ ଛତ୍ରପୁର ଥାନା ଅଧିକାରୀ ସବ୍ୟସାଚୀ ମଲ୍ଲ ଉପସ୍ଥିତ ଥିଲେ  l