ଘନଉଛି ଯୁଦ୍ଧ ଆଶଙ୍କା,  ୱାସିଂଟନକୁ ତେହରାନର କଡ଼ା ଚେତାବନୀ

କନକ ବ୍ୟୁରୋ: ଇରାନ, ଆମେରିକା ମଧ୍ୟରେ ବଢୁଥିବା ଯୁଦ୍ଧ ଆଶଙ୍କା ଭିତରେ ଆସିଛି ଆଉ ଏକ ଚିନ୍ତାଜନ ଖବର । ତେହେରାନର ସ୍ଥାନେ ସ୍ଥାନେ ଦେଖିବାକୁ ମିଳିଛି ଆମେରିକା ବିରୋଧୀ ପୋଷ୍ଟର । ରାଜଧାନୀର ଏଙ୍ଗେଲାବ ଛକରେ ଇରାନ ଲଗାଇଛି ଏଭଳି ଏକ ପୋଷ୍ଟର ଯେଉଁଥିରୁ ସ୍ପଷ୍ଟ ହେଉଛି ଯଦି ଆମେରିକା ଆକ୍ରମଣ କରେ ତେବେ ଉଭୟ ପଟୁ ଭୟାନକ ହେବ ସ୍ଥିତି ।

ଏହି ପୋଷ୍ଟର ଧମକର, ଚେତାବନୀ, ଆଶଙ୍କାର ଆଉ ବଡ ବାର୍ତ୍ତାର । ଆମେରିକା ନାଲିଆଖି ଆଗରେ ନିଜର ଆକ୍ରାତ୍ମକ ରୂପ ଦେଖାଉଛି ଇରାନ ।  ଶଦ୍ଧରେ, ଚିତ୍ରରେ କିଭଳି ଟ୍ରମ୍ପଙ୍କୁ ଦିଆଯାଇଛି କଡ଼ା ଚେତାବନୀ । ଇରାନ କହିଛି ତୁମେ ଆମକୁ ମାରିଲେ, ଆମେ ନରସଂହାର ରଚିବୁ । ତୁମେ ପବନ ହେଲେ ଆମେ ଝଡ଼ ସାଜିବୁ । ତେହେରାନର ମୁଖ୍ୟ ଛକ ଏଙ୍ଗେଲାବରେ ଲାଗିଛି ଏହି ବିରାଟ ହୋଡିଂସ । ପୋଷ୍ଟରରେ  ଆମେରିକାର ଏୟାରକ୍ରାପ୍ଟ ଧ୍ବଂସବିଧ୍ବଂସ, ଆମେରିକା ସୈନିକଙ୍କୁ ହତ୍ୟା,  ଯୁଦ୍ଧ ବିମାନ ଜଳିପୋଡି ପାଉଁଶ,  ସବୁଆଡେ ବିସ୍ଫୋରଣ ଓ ଆତଙ୍କର ଚିତ୍ର  ଦେଖିବାକୁ ମିଳିଛି । ଇରାନ ସୂଚାଇ ଦେଇଛି ଆମେରିକାର ପ୍ରତି  ଆକ୍ରମଣ ଜବାବ ରକ୍ତର ହୋଲି ସହ ଦିଆଯିବ ।

ଅଧିକ ପଢନ୍ତୁ: ଭୟଙ୍କର ରୂପ ନେଉଛି ମଧ୍ୟପ୍ରାଚ୍ୟ ଯୁଦ୍ଧ : ଇରାନ- ଇସ୍ରାଏଲ ଯୁଦ୍ଧରେ ଆମେରିକାର ପ୍ରବେଶ ପରେ ବଢ଼ିଲା ତୃତୀୟ ବିଶ୍ବଯୁଦ୍ଧ ଆଶଙ୍କା

ମଧ୍ୟପ୍ରାଚ୍ୟକୁ ଆମେରିକା ନିଜର ଯୁଦ୍ଧ ଜାହାଜ ଆବ୍ରାହମ ଲିଙ୍କନ ଓ ଅନ୍ୟାନ୍ୟ ଯୁଦ୍ଧ ପୋତ ପଠାଇବା ପରେ ଚିହିଁକି ଉଠିଥିବା ଇରାନ ଏବେ ରକ୍ତାକ୍ତ ପୋଷ୍ଟର ଲାଗାଇ କେବଳ ଆମେରିକା ନୁହେଁ ପୂରା ବିଶ୍ବକୁ ବଡ ବାର୍ତ୍ତା ଦେଇଛି ।  ସେପଟେ ଅର୍ନ୍ତଜାତୀୟ ଗଣମାଧ୍ୟମ ରିପୋର୍ଟ ଅନୁସାରେ ପୁଅକୁ ସବୁ ଦାୟିତ୍ବ ଦେଇ ସୁପ୍ରିମ ଲିଡର ଅୟାତୁଲ୍ଲା ଖାମନେଇ ବଙ୍କରକୁ ସ୍ଥାନାନ୍ତର ହୋଇଛନ୍ତି । ଆମେରିକା ସହ ଲଢ଼େଇ ପୂର୍ବରୁ ନିଜକୁ ସୁରକ୍ଷିତ ରଖିବାକୁ ଉଚିତ ମଣି ଖାମନେଇ ରବିବାରଠୁ  ଅଣ୍ଡରଗ୍ରାଉଣ୍ଡ ହୋଇଥିବା କୁହାଯାଉଛି । ସେପଟେ ଯୁଦ୍ଧ ଆଶଙ୍କା ଭିତରେ ବଡ ଫାଇଦା ମାରିବାକୁ ମୌକା ଖୋଜୁଛନ୍ତି ଇରାନର ବିତାଡିତ ରାଜା ରଜ୍ଗା ପହେଲବୀ । ଇରାନରେ ଗଣତନ୍ତ୍ର, ବଦଳରେ ରାଜତନ୍ତ୍ର ଲାଗୁ କରିବାକୁ ରାସ୍ତାକୁ ଓହ୍ଲାଇଛନ୍ତି ପହେଲବୀଙ୍କ ହଜାର ସଂଖ୍ୟକ ସମର୍ଥକ ।  ଶକ୍ତିଶାଳୀ ଆମେରିକା, ପରମାଣୁ ସମ୍ପନ୍ନ ଇରାନ । ଯଦି ମୁହାଁମୁହିଁ ହେବେ ତେବେ ବିଶ୍ବକୁ ତୃତୀୟ ଯୁଦ୍ଧ ମୁହାଁ ହେବାକୁ କେହି ରୋକିପାରିବେନି । ତେଣୁ ବିଶ୍ବ ସମୁଦାୟ ଏକାଠି ଆସି ଯୁଦ୍ଧ ସ୍ଥିତିକୁ ଏଡାଇବା ଆବଶ୍ୟକ ବୋଲି ବିଶେଷଜ୍ଞ ମତ ରଖିଛନ୍ତି  ।