ପ୍ରଦୂଷଣ ବଢ଼ାଉଛି ବେଆଇନ ଇଟାଭାଟି

କନକ ବ୍ୟୁରୋ : ପ୍ରଦୂଷଣକୁ ନିୟନ୍ତ୍ରଣ କରିବା ପାଇଁ ବାଲେଶ୍ୱରରେ କଟକଣା ଲାଗିଛି । କିନ୍ତୁ ବାଲେଶ୍ୱର ଜିଲ୍ଲା ବସ୍ତା ଅଞ୍ଚଳରେ ବେଆଇନ ଇଟାଭାଟି ଛତୁ ଫୁଟିଲା ଭଳି ଚାଲିଛି । ଆଇନକୁ ଖୋଲାଖୋଲି ଉଲ୍ଲଙ୍ଘନ କରି ଇଟାଭାଟି ପ୍ରଦୂଷଣ ବଢ଼ାଉଛି । ଆଉ ନିରବ ଦ୍ରଷ୍ଟା ସାଜିଛି ଜିଲ୍ଲା ପ୍ରଶାସନ । ଇଟାଭାଟିରୁ ବାହାରୁଥିବା ଧୁଆଁ ଧୁଳିରେ ଅତିଷ୍ଠ ହୋଇପଡ଼ିଲେଣି ଅଞ୍ଚଳବାସୀ । ବାଲେଶ୍ୱର ଜିଲ୍ଲା ବସ୍ତା ଅଞ୍ଚଳରେ ପ୍ରଦୂଷଣ କଟକଣାର ଧଜିଆ ଉଡୁଛି । ଧୁଳି ଧୁଆଁ ଉଡ଼ାଇ ଖୁଲମଖୁଲ୍ଲା ଚାଲିଛି ବେଆଇନ ଇଟାଭାଟି । ଗୋଟେ କି ଯୋଡ଼େ ନୁହେଁ ବସ୍ତା ତହସିଲ ଅଞ୍ଚଳରେ ଛତୁ ଫୁଟିଲା ଭଲି ଗଢି ଉଠିଛି ମାଳ ମାଳ ନାଲି ଇଟାଭାଟି। ପ୍ରଦୂଷଣ ବଢ଼ାଉଥିବାରୁ ଇଟାଭାଟି ବନ୍ଦ କରିବା ପାଇଁ ସରକାରଙ୍କ ନିର୍ଦେଶ ଅଛି । ନିୟମକୁ ବେଖାତିର କରି ଇଟାଭାଟି ମାଲିକ ମାନେ ଚଳାଉଛନ୍ତି । ଆଉ ପ୍ରଶାସନ ହାତବାନ୍ଧି ବସିଛି ।

Advertisment

ଅଧିକ ପଢ଼ନ୍ତୁ : ଅଣନିଃଶ୍ବାସୀ କରୁଛି ମାଳମାଳ ବେଆଇନ ଇଟାଭାଟି ; ପ୍ରଦୂଷଣ ଆଇନକୁ ଖୋଲାଖୋଲି ଉଲ୍ଲଙ୍ଘନ

ସୁବର୍ଣ୍ଣରେଖା ଅବବାହିକାର ପଟୁମାଟିକୁ ଖୋଳି ନେଉଛନ୍ତି
ନଦୀ ଅବବାହିକାର ଜୈବ ବିବିଧତା ନଷ୍ଟ ହେଉଛି
ଇଟାଭାଟି ଧୂଆଁରେ ବଢ଼ୁଛି ପ୍ରଦୂଷଣ
ଆଖପାଖ ଅଞ୍ଚଳରେ ପାଉଁଶ ଉଡ଼ି ଚାଷ କ୍ଷତିଗ୍ରସ୍ତ

ପାଉଁଶ ଉଡ଼ି ଖାଦ୍ୟ ପଦାର୍ଥରେ ମିଶିବା ଦ୍ୱାରା ଲୋକ ରୋଗରେ ପଡ଼ୁଛନ୍ତିଏହାଛଡ଼ା ଇଟାଭାଟିରୁ ଗାଡି ଦ୍ରୁତ ଗତିରେ ଯାତାୟତ କରୁଥିବାରୁ ବିଭିନ୍ନ ସମୟରେ ଦୁର୍ଘଟଣା ଘଟୁଥିବା ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା । ଗ୍ରୀନ ଟ୍ରିବ୍ୟୁନାଲର ନିୟମ ଅନୁଯାୟୀ ନାଲି ଇଟାଭାଟି ବନ୍ଦ ପାଇଁ ନିର୍ଦେଶନାମା ଜାରି କରାଯାଇଛି। ନିୟମ ଉଲ୍ଲଂଘନ କଲେ କାର୍ଯ୍ୟାନୁଷ୍ଠାନ ନିର୍ଦ୍ଦେଶ ରହିଛି । ମାତ୍ର ଏହା ଖଣି ବିଭାଗ ହାତରେ ରହିଥିବାରୁ ରାଜସ୍ୱ ବିଭାଗ ଦୃଷ୍ଟି ଦେଉନି । ଫଳରେ ବିନା ପଞ୍ଜୀକରଣରେ ନାଲିଇଟା ଭାଟି ଗଢ଼ି ଉଠୁଛି, ଆଉ ଏହାର ପରିଣାମ ଭୋଗୁଛନ୍ତି ସ୍ଥାନୀୟ ଲୋକ । ଅନ୍ୟପଟେ କିଛି ଅସାଧୁ ସରକାରୀ ଅଧିକାରୀଙ୍କୁ ହାତ କରି ଇଟାଭାଟି ମାଲିକ ପରିବେଶ ସହ ଖେଳଖେଳି ମାଲାମାଲ ହେଉଛନ୍ତି । ବେଆଇନ ଇଟାଭାଟିକୁ ତୁରନ୍ତ ବନ୍ଦ କରିବାକୁ ଦାବି ହେଉଛି ।