ଅଭିନୟରୁ ନୁହେଁ ପରିବାର ପାଇଁ ବ୍ରେକ୍ ନେଇଥିଲି : ବିକ୍ରାନ୍ତ ମେସି

କନକ ବ୍ୟୁରୋ: ବିକ୍ରାନ୍ତ ମେସି ବଲିଉଡର ଜଣାଶୁଣା ଅଭିନେତା ନିଜର ଅଭିନୟ ପାଇଁ ଖୁବ ଚର୍ଚ୍ଚିତ । ୨୦୨୪ରେ ସେ ନିଜର ଅଭିନୟ ଜୀବନରୁ ବ୍ରେକ୍ ନେବା ଘୋଷଣା କରିଥିଲେ । କିନ୍ତୁ ସେତେବେଳେ ମଧ୍ୟ ଫିଲ୍ମରେ କାମ କରୁଥିଲେ । ଏହି ଘଟଣାକୁ ନେଇ ତାଙ୍କ ପ୍ରଶଂସକମାନଙ୍କ ମଧ୍ୟରେ ଏକ ଭୁଲ ଧାରଣ ସୃଷ୍ଟି ହୋଇଥିଲା ଯେ ସେ ଅଭିନୟ ଜଗତରୁ ସନ୍ନ୍ୟାସ ନେଇଛନ୍ତି କିନ୍ତୁ ଏବେ  ଏ ନେଇ ସେ ସୋସିଆଲ ମିଡିଆରେ ପୋଷ୍ଟ କରିଛନ୍ତି   ।

ବିକ୍ରାନ୍ତ ନିଜର ଭାଇରାଲ ସନ୍ନ୍ୟାସ ନେବା ବିଷୟରେ କହିଛନ୍ତି ଯେ ସେ ଅଭିନୟରୁ କୌଣସି ସନ୍ନ୍ୟାସ ନେଇ ନଥିଲେ   ।  ବିକ୍ରାନ୍ତ ସ୍ପଷ୍ଟ ଭାବରେ କହିଛନ୍ତି ସେ ଆକ୍ଟିଙ୍ଗରୁ କୌଣସି ସନ୍ନ୍ୟାସ ନେଇନାହାନ୍ତି ବରଂ ସେ ଅନେକ ଗୁଡିଏ ଫିଲ୍ମ କରିବା ଭିତରେ ଥକି ଯାଇଥିଲେ ତେଣୁ ତାଙ୍କୁ ଏପରି ନିଷ୍ପତ୍ତି ନେବାକୁ ପଡିଥିଲା ସେ ନିଜର X ସୋସିଆଲ ମିଡିଆ ଆକାଉଣ୍ଟରେ ଏକ ପୋଷ୍ଟ ମାଧ୍ୟମରେ ଯେତିକି ଲିମିଟେଡ ଶଦ୍ଦଦ୍ୱାରା ହେଇପାରିବ ସେ ସମସ୍ତଙ୍କ ପାଖରେ ନିଜର ଖବର ପହଁଞ୍ଚାଇବାକୁ ଚାହିଁଥିଲେ ମାତ୍ର ତାହା ସଠିକ ଭାବରେ ଫ୍ୟାନ୍ସ ପାଖରେ ପହଁଞ୍ଚି ନଥିଲା  । ସେ କେବଳ ଏକ ବ୍ରେକ୍ ନେବାକୁ ଚାହୁଁଥିଲେ ।

 ଆହୁରି ପଢନ୍ତୁ : ନୀତିଶ ସରକାରଙ୍କ ବଡ଼ ଘୋଷଣା ; ସହିଦଙ୍କ ପରିବାରକୁ ମିଳିବ ଏକ ଏକର ଜମି

ବିକ୍ରାନ୍ତ ମେସି ବଲିଉଡର ଜଣେ ଦକ୍ଷ ଅଭିନେତା  । ସେ ଯାହା ବି ଅଭିନୟ କରନ୍ତି ତାହା ନିଖୁଣ ହୋଇଥାଏ, । ୨୦୨୩ରେ ତାଙ୍କ ଏକ ଫିଲ୍ମ 12th fail ରିଲିଜ ହେଇଥିଲା । ଯାହାପାଇଁ ତାଙ୍କୁ ପ୍ରଥମ ଥର ପାଇଁ ଅଭିନୟରେ ଜାତୀୟ ପୁରସ୍କାର ମିଲିଥିଲା  । ଏହି ଫିଲ୍ମ ପରେ ସେ ସଫଳତାର ପାହାଚ ଚଢୁଥିଲେ ସେତେବେଳେ ହିଁ ସେ ସୋସିଆଲ ମିଡିଆ ଆକାଉଣ୍ଟରେ  ପୋଷ୍ଟ କରି ବିରତି ନେବା କଥା ଜଣାଇଥିଲେ  । ସେ ଅଭିନୟରୁ କିଛି ସମୟ ବ୍ରେକ ନେଇ ନିଜ ପରିବାରକୁ ସମୟ ଦେବାକୁ ଚାହୁଁଥିଲେ । କିନ୍ତୁ ଏହା ତାଙ୍କ ଫ୍ୟାନ୍ସଙ୍କ ମନକୁ ଆଘାତ ଲାଗିଥିଲା  ।

ସୂଚନା ଅନୁସାରେ ଜଣାଯାଉଛି ଯେ ବିକ୍ରାନ୍ତ ମେସି ଖୁବ୍  ଶୀଘ୍ର ଶାହିଦ୍  କପୁରଙ୍କ ଏକ ଫିଲ୍ମ" ଓ ରୋମିଓରେ" ନଜର ଆସିବାକୁ ଯାଉଛି । ଯେଉଁଥିରେ ସେ ଏକ ସ୍ୱତନ୍ତ୍ର ଭୂମିକାରେ ଆସିବାକୁ ଯାଇଛନ୍ତି । ଫିଲ୍ମଟି ୧୩ ଫେବୃଆରୀରେ ରିଲିଜ ହେବାକୁ ଯାଇଛି । ଏହାପରେ ନେଟଫ୍ଲିକ୍ସ ସିରିଜ୍ "ମୁସାଫିର କାଫେ"ରେ ନଜର ଆସିବେ, ଯାହାକୁ ସେ ମଧ୍ୟ ପ୍ରଯୋଜନା କରିଛନ୍ତି  ।