୨୦୨୭ରେ ଦେଶରେ ହେବ ଜନଗଣନା: ୧୧,୭୧୮ କୋଟି ଟଙ୍କାର ବଜେଟକୁ ମଞ୍ଜୁରୀ

କନକ ବ୍ୟୁରୋ: କେନ୍ଦ୍ରୀୟ କ୍ୟାବିନେଟ୍ ବୈଠକରେ ୨୦୨୭ ଜନଗଣନା ପାଇଁ ୧୧,୭୧୮ କୋଟି ଟଙ୍କାର ବଜେଟକୁ ମଞ୍ଜୁରୀ ଦିଆଯାଇଛି। ପ୍ରଥମ ଥର ପାଇଁ ସାରା ଦେଶରେ ଡିଜିଟାଲ ଜନଗଣନା ହେବ। ଏଥିପାଇଁ ୩୦ ଲକ୍ଷ କର୍ମଚାରୀଙ୍କୁ ନିୟୋଜିତ କରାଯିବ।

କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ୨୦୨୭ରୁ ସାରା ଦେଶରେ ଜନଗଣନା ହେବ। ଏହି ଜନଗଣନା ଦୁଇଟି ପର୍ଯ୍ୟାୟରେ କରାଯିବ। ପ୍ରଥମ ପର୍ଯ୍ୟାୟରେ ହାଉସ୍ ଲିଷ୍ଟିଂ ଏବଂ ଗୃହ ଜନଗଣନା ହେବ, ଯାହା ଏପ୍ରିଲରୁ ସେପ୍ଟେମ୍ବର ୨୦୨୬ ପର୍ଯ୍ୟନ୍ତ ଚାଲିବ; ଯେବେକି ଦ୍ୱିତୀୟ ପର୍ଯ୍ୟାୟରେ ଜନସଂଖ୍ୟା ଗଣନା ହେବ, ଯାହା ଫେବୃଆରୀ ୨୦୨୭ରୁ ଆରମ୍ଭ ହେବ ।

ଆହୁରି ପଢ଼ନ୍ତୁ... 'ନର ରାକ୍ଷସକୁ ଫାଶୀ ଦିଅ’: କୋହଭରା କଣ୍ଠରେ କହିଲେ ପୀଡ଼ିତାଙ୍କ ବାପା

ସେ ସୂଚନା ଦେଇଛନ୍ତି ଯେ ତଥ୍ୟ ସୁରକ୍ଷାକୁ ଦୃଷ୍ଟିରେ ରଖି ଜନଗଣନାର ଡିଜିଟାଲ ଡିଜାଇନ୍ ପ୍ରସ୍ତୁତ କରାଯାଇଛି । ଅଶ୍ୱିନୀ ବୈଷ୍ଣବ କହିଛନ୍ତି ଯେ ଭାରତ କୋଇଲା ଉତ୍ପାଦନରେ ଆତ୍ମନିର୍ଭରଶୀଳତା ଦିଗରେ ଆଗକୁ ବଢୁଛି । ୨୦୨୪-୨୦୨୫ରେ ଭାରତ ଐତିହାସିକ ଭାବେ ଏକ ବିଲିୟନ (୧୦୦ କୋଟି) ଟନରୁ ଅଧିକ କୋଇଲା ଉତ୍ପାଦନ କରିଛି । ପୂର୍ବରୁ କୋଇଲା ଆମଦାନୀ ଉପରେ ଆମର ଯେଉଁ ନିର୍ଭରଶୀଳତା ଥିଲା, ତାହା ବର୍ତ୍ତମାନ ବହୁତ କମିଯାଇଛି । କୋଇଲା ଆମଦାନୀ ଉପରେ ନିର୍ଭରଶୀଳତା କମିବା ଯୋଗୁଁ ଆମେ ୬୦ ହଜାର କୋଟି ଟଙ୍କା ସଞ୍ଚୟ କରିଛୁ।

ଭାରତର ଜନଗଣନା (Census of India) ଦେଶର ଜନସଂଖ୍ୟା, ଜନସାଂଖ୍ୟିକ, ସାମାଜିକ-ଅର୍ଥନୈତିକ ସ୍ଥିତି ଏବଂ ସମ୍ବଳ ବଣ୍ଟନର ଏକ ବ୍ୟାପକ ସର୍ବେକ୍ଷଣ। ଏହା ଭାରତ ସରକାରଙ୍କ ଗୃହ ମନ୍ତ୍ରାଳୟ ଅଧୀନରେ ଥିବା ରେଜିଷ୍ଟ୍ରାର ଜେନେରାଲ ଏବଂ ସେନ୍ସସ କମିଶନରଙ୍କ ଦ୍ୱାରା ପରିଚାଳିତ ହୋଇଥାଏ।