/kanak/media/agency_attachments/2024-07-23t061209958z-vpn68eiq1eknckql8r0y.jpg)
/kanak/media/media_files/2025/12/22/board-2025-12-22-22-43-47.jpg)
କନକ ବ୍ୟୁରୋ : ମାଧ୍ୟମିକ ଶିକ୍ଷା ପରିଷଦକୁ ପୂରଛି ୭୦ବର୍ଷ । ଛାତ୍ରଛାତ୍ରୀଙ୍କ ଭବିଷ୍ୟତ ଗଢୁଥିବା ଏହି ବୋର୍ଡର ଭବିଷ୍ୟତ କିନ୍ତୁ ଏବେ ଅନ୍ଧାରରେ । ପରୀକ୍ଷା ପରିଚାଳନା ଠାରୁ ଆରମ୍ଭ କରି ନିୟମିତ କାର୍ଯ୍ୟାଳୟ ଚଳାଇବା ପାଇଁ ବି ନାହାନ୍ତି ଆବଶ୍ୟକ କର୍ମଚାରୀ ।
ଓଟିଇଟି ହେଉ କି ଓଏସଟିଇଟି ଅବା ଦଶମ ଶ୍ରେଣୀ ବୋର୍ଡ ପରୀକ୍ଷା । ଅନେକ ସମୟରେ ସାମ୍ନାକୁ ଆସୁଛି ତ୍ରୁଟି ବିଚ୍ୟୁତି । ଯାହାକୁ ନେଇ ବୋର୍ଡର ସ୍ବଚ୍ଛତାକୁ ନେଇ ମଧ୍ୟ ଉଠୁଛି ପ୍ରଶ୍ନ । ଆଶ୍ଚର୍ଯ୍ୟର କଥା ଯେଉଁ ବୋର୍ଡ ପିଲାଙ୍କ ଭବିଷ୍ୟତ ଗଢ଼ିଛି,ସେଇ ବୋର୍ଡର ନିଜର ଭବିଷ୍ୟତ ଏବେ ଅନ୍ଧାରରେ । ୫୪୯ ପଦରେ ଅବେ ଅଛନ୍ତି ମାତ୍ର ୮୩ କର୍ମଚାରୀ। ଯାହାକୁ ନେଇ ପରୀକ୍ଷା ପରିଚାଳନାରେ ଅନେକ ସମସ୍ୟା ଉପୁଜିଛି । ବର୍ଷ ବର୍ଷ ଧରି ବହୁ ପଦ ଖାଲି ରହିଥିଲେ ବି ତାହା ପୂରଣ ହୋଇପାରିନାହିଁ ।
ଅଧିକ ପଢ଼ନ୍ତୁ : ମାଟ୍ରିକ ପରୀକ୍ଷାରେ ପ୍ରଶ୍ନପତ୍ର ସୁରକ୍ଷା ଚିନ୍ତା । କଡ଼ା ନିଷ୍ପତି ନେଲା ମାଧ୍ୟମିକ ଶିକ୍ଷା ପରିଷଦ, ଆପତି ଉଠାଇଲେ ପ୍ରଧାନଶିକ୍ଷକ ଓ ଶିକ୍ଷାବିତ୍
ଓଡ଼ିଶା ଶିକ୍ଷା ଆଇନ ୧୯୫୩ ଅନୁଯାୟୀ ୧୯୫୫ ମସିହାରେ ପ୍ରତିଷ୍ଠା ହୋଇଥିଲା ମାଧମିକ ଶିକ୍ଷା ପରିଷଦ। ଏହା ଏକ ସ୍ବୟଂଚାଳିତ ସଂସ୍ଥା ହୋଇଥିବାରୁ ନିଯୁକ୍ତି ପ୍ରକ୍ରିୟା ବୋର୍ଡ କର୍ତ୍ତୃପକ୍ଷ କରିବାର ବ୍ୟବସ୍ଥା ରହିଛି । ମାତ୍ର ଗତ ୧୦ରୁ ୧୨ ବର୍ଷ ଧରି ଲାଗି ରହିଛି କର୍ମଚାରୀ ଅଭାବ । ଫଳରେ ଜଣେ ଜଣେ କର୍ମଚାରୀ ସମ୍ଭାଳୁଛନ୍ତି ଏକାଧିକ ଦାୟିତ୍ବ । କିଛି ମାସ ପୂର୍ବେ ମାତ୍ର ୧୪ ଜଣ ନୂତନ ଭାବେ ନିଯୁକ୍ତି ପାଇଥିଲେ ବି ତାହା ଅଭାବ ପୂରଣ କରିପାରୁନି । ମାତ୍ର ୧୫ ପ୍ରତିଶତ କର୍ମଚାରୀରେ ଚାଲିଛି କାର୍ୟ୍ୟ ବୋର୍ଡ କାର୍ଯ୍ୟ । କେବେ କର୍ମଚାରୀ ଅଭାବ ପୂରଣ ହେବ ତାହା ଦେଖିବାର କଥା।