ପଛରେ ପଡ଼ିଲେ ଦିବ୍ୟା ଗୌତମ : ୧୬ ହଜାର ଭୋଟ୍ ପଛରେ ଚାଲୁଛନ୍ତି ସୁଶାନ୍ତ ସିଂ ରାଜପୁତଙ୍କ ଭଉଣୀ

କନକ ବ୍ୟୁରୋ : ବିହାର ବିଧାନସଭା ନିର୍ବାଚନ ୨୦୨୫ ପାଇଁ ଭୋଟ୍ ଦୁଇଟି ପର୍ଯ୍ୟାୟରେ ହୋଇଥିଲା । ପ୍ରଥମଟି ନଭେମ୍ବର ୬ ତାରିଖରେ ଏବଂ ଦ୍ୱିତୀୟଟି ନଭେମ୍ବର ୧୧ ତାରିଖରେ । ଏହି ନିର୍ବାଚନର ଫଳାଫଳ ଆଜି ପ୍ରକାଶ ପାଇବାକୁ ଯାଉଛି ଏବଂ ଗଣନା ଚାଲିଛି । ରାଜ୍ୟର ୨୪୩ ବିଧାନସଭା ଆସନ ମଧ୍ୟରୁ ଅନେକ ଆସନ ଏମିତି ରହିଛି ଯାହା ଦୃଷ୍ଟି ଆକର୍ଷଣ କରୁଛନ୍ତି । ପାଟନାର ଦୀଘା ଆସନ ସେହି ହଟ୍ ସ୍ପଟ୍ ମଧ୍ୟରୁ ଅନ୍ୟତମ ।  

ତେଜସ୍ବୀ ବନାମ ତେଜପ୍ରତାପ : ରାଘୋପୁରରେ କେମିତି ରହିଛି ତେଜସ୍ବୀଙ୍କ ହାଲ୍ , କେଉଁଠି ପହଞ୍ଚିଲେଣି ତେଜପ୍ରତାପ ?

ଏଥର, ଦୀଘାରେ ସମସ୍ତଙ୍କ ନଜର ସିପିଆଇ(ଏମ୍ଏଲ୍) ପ୍ରାର୍ଥୀ ଦିବ୍ୟା ଗୌତମଙ୍କ ଉପରେ ରହିଛି, ଯିଏକି ଦିବଂଗତ ଅଭିନେତା ସୁଶାନ୍ତ ସିଂହ ରାଜପୁତଙ୍କ ସମ୍ପର୍କୀୟ ଭଉଣୀ ଏବଂ ପ୍ରଥମ ଥର ପାଇଁ ପ୍ରାର୍ଥୀ ହୋଇଛନ୍ତି । ତାଙ୍କ ପ୍ରତିଦ୍ୱନ୍ଦ୍ୱୀ ହେଉଛନ୍ତି ବିଜେପି ବିଧାୟକ ସଞ୍ଜୀବ ଚୌରାସିଆ ଏବଂ ଜନସୁରାଜ ପାର୍ଟିର ରିତେଶ ରଞ୍ଜନ ସିଂହ, ଯେଉଁମାନେ ଏହି ଆସନରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି । ଦିବ୍ୟା ଗୌତମ ହେଉଛନ୍ତି ସ୍ୱର୍ଗତ ଅଭିନେତା ସୁଶାନ୍ତ ସିଂହ ରାଜପୁତଙ୍କ ସମ୍ପର୍କୀୟ ଭଉଣୀ। ଦିବ୍ୟା ପୂର୍ବରୁ ୬୪ ତମ BPSC ପରୀକ୍ଷାରେ ପାସ୍ କରିଥିଲେ ଏବଂ ଯୋଗାଣ ନିରୀକ୍ଷକ ପଦବୀ ପାଇଁ ମନୋନୀତ ହୋଇଥିଲେ କିନ୍ତୁ ସରକାରୀ ଚାକିରିରେ ସେ ଯୋଗ ଦେଇ ନଥିଲେ। ସେ ବର୍ତ୍ତମାନ UGC-NET ଯୋଗ୍ୟତାପ୍ରାପ୍ତ ଏବଂ ପିଏଚଡି କରୁଛନ୍ତି । 

ଲାଇଭ୍ ଗଣନା ଅପଡେଟ୍

ସକାଳ ୦୯:୧୫:
ପାଟନାର ଦୀଘାରେ ବିଜେପିର ସଞ୍ଜୀବ ଚୌରାସିଆ ଆଗରେ ଅଛନ୍ତି । ସିପିଆଇ (ଏମ୍ଏଲ୍)ର ସୁଶାନ୍ତ ସିଂହ ରାଜପୁତଙ୍କ ଭଉଣୀ ଦିବ୍ୟା ଗୌତମ ୧୯୦୦ ଭୋଟରେ ପଛରେ ଅଛନ୍ତି ।  

ସକାଳ ୮:୦୦ ଟା :

ବିହାରରେ ଭୋଟ ଗଣତି ଆରମ୍ଭ ହୋଇଛି । ପ୍ରଥମେ ପୋଷ୍ଟାଲ ବାଲଟ ଗଣନା କରାଯାଉଛି।

ସକାଳ ୮:୩୦:
ଇଭିଏମ୍ ଖୋଲାଯାଇଛି ଏବଂ ଗଣନା ଆରମ୍ଭ ହୋଇଛି । ଖୁବ୍ ଶୀଘ୍ର ଟ୍ରେଣ୍ଡ୍ ବାହାରିବ ।

ସକାଳ ୯:୧୩:

ପାଟନାର ଦୀଘାରେ ବିଜେପିର ସଞ୍ଜୀବ ଚୌରାସିଆ ଆଗରେ ଅଛନ୍ତି । ସୁଶାନ୍ତ ସିଂହ ରାଜପୁତଙ୍କ ଭଉଣୀ ସିପିଆଇ(ଏମ୍ଏଲ୍) ପ୍ରାର୍ଥୀ ଦିବ୍ୟା ଗୌତମ ୧୯୦୦ ଭୋଟରେ ପଛରେ ଅଛନ୍ତି ।  

ସକାଳ ୧୦:୨୦ :

ଏହି ଆସନରେ ଏପର୍ଯ୍ୟନ୍ତ ହୋଇଥିବା ଗଣତିରେ ଭାରତୀୟ ଜନତା ପାର୍ଟିର ସଞ୍ଜୀବ ଚୌରାସିଆ ଆଗରେ ଅଛନ୍ତି ।  

ସକାଳ ୧୦:୫୬  :

ସଦ୍ୟତମ ଅପଡେଟ୍ ଅନୁଯାୟୀ, ଦୀଘା ଆସନରେ ସଞ୍ଜୀବ ଚୌରାସିଆ ୧୬,୦୦୦ ଭୋଟରେ ଆଗୁଆ ଅଛନ୍ତି ।  

କ’ଣ ନୀତୀଶ କୁମାର ହେବେନାହିଁ କି ବିହାରର ମୁଖ୍ୟମନ୍ତ୍ରୀ ? ୯ ଟା ସୁଦ୍ଧା ଆସିଥିବା ଆକଳନ ବଢ଼ାଇଲା ହୃଦସ୍ପନ୍ଦନ

ଆସନର ପୂର୍ବ ଫଳାଫଳ

ଦୀଘା ବିଧାନସଭା ନିର୍ବାଚନ ମଣ୍ଡଳୀର ଏକ ଛୋଟ ନିର୍ବାଚନୀ ଇତିହାସ ଅଛି । ୨୦୧୦ ରେ ଏହି ଆସନଟି JDU ହାତକୁ ଯାଇଥିଲା, ୨୦୧୫ ରେ ବିଜେପି ୨୪,୭୭୯ ଭୋଟରେ ଜିତିଥିଲା ଏବଂ ୨୦୨୦ ରେ ବିଜେପିର ସଞ୍ଜୀବ ଚୌରାସିଆ ସିପିଆଇ(ଏମଏଲ) ର ଶଶି ଯାଦବଙ୍କୁ ୪୬,୨୩୪ ଭୋଟରେ ପରାସ୍ତ କରିଥିଲେ । ଲୋକସଭା ନିର୍ବାଚନରେ ମଧ୍ୟ ବିଜେପି ଲଗାତାର ବିଜୟୀ ହୋଇଛି । ୨୦୨୦ ମସିହାରେ ଜିଲ୍ଲାରେ ପଞ୍ଜୀକୃତ ଭୋଟରଙ୍କ ସଂଖ୍ୟା ୪୬୦,୮୬୮ ଥିଲା ଯାହା ୨୦୨୪ ମସିହାରେ ୪୭୩,୧୦୮କୁ ବୃଦ୍ଧି ପାଇଥିଲା। ୨୦୨୦ ମସିହାରେ ଅନୁସୂଚିତ ଜାତି ଭୋଟର ଜନସଂଖ୍ୟାର ୧୦.୬୮% ଥିଲେ ଏବଂ ମୁସଲିମ ଭୋଟର ଜନସଂଖ୍ୟାର ୯.୪% ଥିଲେ ।