କନକ  ବ୍ୟୁରୋ:  ବଲିଉଡର ପ୍ରସିଦ୍ଧ ଅଭିନେତ୍ରୀ କରିସ୍ମା କପୁର, ଯିଏ 'ଲୋଲୋ' ନାମରେ ମଧ୍ୟ ପରିଚିତ, ୯୦ ଦଶକର ଜଣେ ସୁପରଷ୍ଟାର ଥିଲେ । ସେ ସମୟରେ ତାଙ୍କର ଜଲୱା ଏପରି ଥିଲା ଯେ ପ୍ରତ୍ୟେକ ନିର୍ମାତା ତାଙ୍କୁ ନିଜ ଫିଲ୍ମରେ ନେବାକୁ ଚାହୁଁଥିଲେ । ଯଦିଓ ସେ ଏବେ ଫିଲ୍ମ ଦୁନିଆରୁ କିଛିଟା ଦୂରରେ ଅଛନ୍ତି, କିନ୍ତୁ ତାଙ୍କର ଲାଇଫଷ୍ଟାଇଲ୍ ଏବଂ ଲୋକପ୍ରିୟତା ଆଜି ବି କୌଣସି ବଡ଼ ତାରକାଙ୍କଠାରୁ କମ୍ ନୁହେଁ । ନିକଟରେ ବଲିଉଡର 'ଖିଲାଡି' ଅକ୍ଷୟ କୁମାର କରିସ୍ମାଙ୍କ ସମ୍ପତ୍ତିକୁ ନେଇ ଏଭଳି ଏକ କଥା କହିଛନ୍ତି, ଯାହା ଶୁଣି ସମସ୍ତେ ଆଶ୍ଚର୍ଯ୍ୟ  ।     
 
ଅକ୍ଷୟ କୁମାର ଏବଂ କରିସ୍ମା କପୁର ଅନେକ ଫିଲ୍ମରେ ଏକାଠି କାମ କରିଛନ୍ତି ଏବଂ ସେମାନେ ପରସ୍ପରର ବହୁତ ଭଲ ବନ୍ଧୁ । ଏକ ରିଆଲିଟି ଶୋ’ରେ ଅକ୍ଷୟ ମଜାଳିଆ ଢଙ୍ଗରେ କରିସ୍ମାଙ୍କ ପୋଲ୍ ଖୋଲିଥିଲେ। ଅକ୍ଷୟ କହିଥିଲେ ଯେ, କରିସ୍ମା କପୁର ଦେଖିବାକୁ ଯେତିକି ସରଳ, ସେ ପ୍ରକୃତରେ ସେତିକି ଧନୀ । ଅକ୍ଷୟ କହିଥିଲେ, "ମୁମ୍ବାଇର ଏମିତି କୌଣସି ବିଲ୍ଡିଂ ନାହିଁ ଯେଉଁଥିରେ କରିସ୍ମାଙ୍କ ଫ୍ଲାଟ୍‌ ନାହିଁ ।   ଆଉ ପ୍ରତ୍ୟେକ ବିଲ୍ଡିଂର  ସାମ୍ନାରେ ଥିବା ସାଇନ୍‌ବୋର୍ଡ ଲେଖା ଅଛି  'କେ କପୁର'  । ଅକ୍ଷୟ ଆହୁରି ମଧ୍ୟ କରିସ୍ମାଙ୍କୁ ଚିଡ଼ାଇ  କହିଛନ୍ତି କରିସ୍ମା କେବେ  ତାଙ୍କର ପୁରା ନାମ ଲେଖନ୍ତି  ନାହିଁ ।  କେବଳ ସେତିକି ନୁହେଁ, ଅକ୍ଷୟ ଏହା ମଧ୍ୟ କହିଥିଲେ ଯେ କରିସ୍ମାଙ୍କ ମାଆ ବବିତା କପୁରଙ୍କ ନାମରେ ମଧ୍ୟ ଅନେକ ଫ୍ଲାଟ୍ ରହିଛି । ଅକ୍ଷୟ ମଜାଳିଆ ଢଙ୍ଗରେ କହିଥିଲେ ଯେ କରିସ୍ମା ପ୍ରତିଦିନ ଅଲଗା ଅଲଗା ଫ୍ଲାଟ୍‌ରେ ଶୁଅନ୍ତି ଏବଂ ଏବେ ସେ ବାନ୍ଦ୍ରା ପରେ ସାନ୍ତାକ୍ରୁଜ୍ ଓ ଖାର୍ ଅଞ୍ଚଳକୁ ମଧ୍ୟ କବଜା କରିବାକୁ ଯୋଜନା କରୁଛନ୍ତି ।

Advertisment

 ଅଧିକ ପଢନ୍ତୁ: ସଂଜୟ ଗଢିବେ ସଂସାର ! କରିସ୍ମା କପୁରଙ୍କୁ ଛାଡପତ୍ର ଦେଇ ଏବେ ବିବାହ କରିବେ ସ୍ୱାମୀ ସଂଜୟ


ଅକ୍ଷୟଙ୍କର ଏହି କଥା ଶୁଣି କରିସ୍ମା ମଧ୍ୟ ଚୁପ୍ ରହିନଥିଲେ । ସେ ହସି ହସି କହିଥିଲେ ଯେ ଅକ୍ଷୟ କେବଳ ମିଛ କଥା କହୁଛନ୍ତି । ଏହା ସହ ସେ ଅକ୍ଷୟଙ୍କୁ ପାଲଟା ଆକ୍ରମଣ କରି କହିଥିଲେ,  ଅକ୍ଷୟ ତ ପୂରା ଜୁହୁ   ଅଞ୍ଚଳର ମାଲିକ!" ଦୁଇ କଳାକାରଙ୍କ ମଧ୍ୟରେ ଚାଲିଥିବା ଏହି ମଜାଳିଆ କଥା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।  ତେବେ ବାସ୍ତବରେ  କରିସ୍ମା କପୁରଙ୍କ  ସମ୍ପତ୍ତି କେତେ ଆସନ୍ତୁ ଜାଣିବା .. 

କେତେ ସମ୍ପତ୍ତିର ମାଲିକାଣୀ କରିସ୍ମା?
ରିପୋର୍ଟ ଅନୁସାରେ, କରିସ୍ମା କପୁରଙ୍କ ମୋଟ ସମ୍ପତ୍ତି ପ୍ରାୟ ୧୨୦ କୋଟି ଟଙ୍କାରୁ ଅଧିକ। ଅକ୍ଷୟଙ୍କ କଥା ହୁଏତ ମଜାଳିଆ ଥିଲା, କିନ୍ତୁ କରିସ୍ମା ବାସ୍ତବରେ ମୁମ୍ବାଇର ଜଣେ ଧନୀ ଅଭିନେତ୍ରୀ । ନିକଟରେ ଖବର ଆସିଥିଲା ଯେ, ବାନ୍ଦ୍ରାରେ ଥିବା ତାଙ୍କର ଏକ ଆଲିସାନ୍ ଫ୍ଲାଟ୍‌କୁ ସେ ମାସିକ ପ୍ରାୟ ୫.୫ ଲକ୍ଷ ଟଙ୍କା ଭଡ଼ାରେ ଦେଇଛନ୍ତି । ବଲିଉଡରୁ ଦୂରେଇ ରହିଥିଲେ ମଧ୍ୟ ବିଜ୍ଞାପନ, ବ୍ୟବସାୟ ଏବଂ ରିଅଲ ଇଷ୍ଟେଟ୍ ନିବେଶରୁ ସେ କୋଟି କୋଟି ଟଙ୍କା ରୋଜଗାର କରୁଛନ୍ତି।
 
ଅକ୍ଷୟ କୁମାର ଏବଂ କରିସ୍ମା କପୁରଙ୍କ ବନ୍ଧୁତା ବହୁତ ପୁରୁଣା । ୧୯୯୨ରେ ମୁକ୍ତିଲାଭ କରିଥିବା ଫିଲ୍ମ 'ଦିଦାର'  ରେ କରିସ୍ମା ହିଁ ଅକ୍ଷୟଙ୍କର ପ୍ରଥମ ଅଭିନେତ୍ରୀ ଥିଲେ । ସେବେଠାରୁ ଏହି ଦୁଇଜଣଙ୍କ ମଧ୍ୟରେ ବହୁତ ଭଲ ସମ୍ପର୍କ ରହିଛି। ଅକ୍ଷୟ କେବଳ କରିସ୍ମା ନୁହେଁ, ବରଂ କରୀନା କପୁରଙ୍କ ସହ ମଧ୍ୟ ଅନେକ ସମୟରେ ଏଭଳି ମଜାକ କରିବା ଦେଖାଯାଏ ।   

ବିବାହ ପରେ ଓ ବ୍ୟକ୍ତିଗତ ଜୀବନରେ ଅନେକ ଉତ୍ତାର-ଚଢ଼ାଉ ସତ୍ତ୍ୱେ କରିସ୍ମା କପୁର ନିଜକୁ ଏକ ସ୍ୱାଧୀନ, ସଶକ୍ତ ଓ ସଫଳ ମହିଳା ଭାବେ ପ୍ରତିଷ୍ଠିତ କରିଛନ୍ତି। ଆଜି ମଧ୍ୟ ସେ ୱେବ୍ ସିରିଜ୍ ଓ ବିଭିନ୍ନ ପ୍ରୋଜେକ୍ଟ ଜରିଆରେ ଦର୍ଶକଙ୍କ ସହ ଯୋଡ଼ି ରହିଛନ୍ତି । ତେବେ  ଅକ୍ଷୟ କୁମାରଙ୍କ ଏହି “ପୋଲ୍ ଖୋଲା” ମନ୍ତବ୍ୟ ଯଦିଓ ମଜାକିଆ ଥିଲା, ତଥାପି ଏହା ଏକଥା ସ୍ପଷ୍ଟ କରେ ଯେ କରିଶ୍ମା କପୁର ସତରେ ବଲିଉଡ୍‌ର ଜଣେ କୋଟିପତି ଏବଂ ସଫଳ ଅଭିନେତ୍ରୀ ।