/kanak/media/agency_attachments/2024-07-23t061209958z-vpn68eiq1eknckql8r0y.jpg)
/kanak/media/media_files/2026/02/08/odisha-2026-02-08-09-43-03.png)
କନକ ବ୍ୟୁରୋ : ସର୍ତ୍ତମୂଳକ ଜାମିନରେ ଜେଲରୁ ବାହାରିବା ପରେ ଓଡ଼ିଶାରେ ଆଶ୍ରୟ ନେଲେ ଛତିଶଗଡ଼ର ପୂର୍ବତନ କ୍ୟାବିନେଟ ମନ୍ତ୍ରୀ ଲଖମା କୱାସୀ । ସୁପ୍ରିମକୋର୍ଟଙ୍କ ସର୍ତ୍ତମୂଳକ ଜାମିନ ପରେ ମାଲକାନଗିରି ସହରକୁ ନିଜ ଅସ୍ଥାୟୀ ଠିକଣା ଭାବେ ବାଛି ନେଇଛନ୍ତି କୱାସୀ ଲଖମା । ବହୁ ଚର୍ଚ୍ଚିତ ଛତିଶଗଡ଼ ମଦ ଘୋଟାଲା ମାମଲାରେ ପ୍ରାୟ ବର୍ଷେ ଧରି ରାୟପୁର ସେଣ୍ଟ୍ରାଲ୍ ଜେଲରେ ବିଚାରାଧୀନ କଏଦୀ ଭାବେ ସଜା କାଟୁ ଥିଲେ ଲଖମା ।
ଗତ ଫେବୃୟାରୀ ୩ ତାରିଖରେ ଲାଖମାଙ୍କୁ ସର୍ବୋଚ୍ଚ ନ୍ୟାୟାଳୟ ସର୍ତ୍ତମୂଳକ ଜାମିନ ପ୍ରଦାନ କରିଥିଲେ । ତେଣୁ ଲଖମା ମାଲକାନଗିରି ସହରର ଏକ ଭଡ଼ା ଘରେ ରହିବା ଲାଗି ସ୍ଥିର କରି ମାଲକାନଗିରି ଆସିଛନ୍ତି । ସାକ୍ଷୀମାନଙ୍କୁ ପ୍ରଭାବିତ କରିବା ଆଶଙ୍କା କରି କୋର୍ଟ ତାଙ୍କୁ ଛତିଶଗଡ଼ ବାହାରେ ରହିବାକୁ ନିର୍ଦ୍ଦେଶ ଦେଇଥିଲେ । ଆଗକୁ କେବଳ ଶୁଣାଣିର ଗୋଟିଏ ଦିନ ଆଗରେ ଛତିଶଗଡ଼ ଯିବେ ଲଖମା । କୋର୍ଟଙ୍କ ବିନା ଅନୁମତିରେ ଫୋନ ନମ୍ବର ବଦଳାଇ ପାରିବେନି । ଇଡି ଓ ସ୍ଥାନୀୟ ପୁଲିସର ବିନା ଅନୁମତିରେ ଅନ୍ୟ କୌଣସି ସ୍ଥାନକୁ ଯାଇପାରିବେନି ।