କନକ ବ୍ୟୁରୋ: ଇଣ୍ଡିଗୋ ସଙ୍କଟକୁ ନେଇ ଏବେ ଭାରତର ବିମାନ ଚଳାଚଳ କ୍ଷେତ୍ରରେ ଅସ୍ଥିରତା ଲାଗି ରହିଛି । ଡିସେମ୍ବର ୨ରୁ ଏକାଧିକ ବିମାନ ଉଡ଼ାଣ ବାତିଲ ହେବା ପରେ ଯାତ୍ରୀଙ୍କ କ୍ରୋଧ ବୃଦ୍ଧି ପାଉଛି । ଆଉ ଏଭଳି ସମୟରେ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (DGCA) ଏକ ଦୃଢ଼ ଆଭିମୁଖ୍ୟ ଗ୍ରହଣ କରି ଇଣ୍ଡିଗୋକୁ ଏହାର ଉଡ଼ାଣ ସୂଚୀ ୫% ହ୍ରାସ କରିବାକୁ ନିର୍ଦ୍ଦେଶ ଦେଇଛି । ଯାହାର ଅର୍ଥ ହେଉଛି ପ୍ରାୟ ୧୧୦ ଦୈନିକ ବିମାନ ଏବେ ଅନ୍ୟ ବିମାନ କମ୍ପାନିଗୁଡ଼ିକୁ ଆବଣ୍ଟିତ କରାଯାଇପାରିବ, ଯାହା ଯାତ୍ରୀମାନଙ୍କୁ ଆଶ୍ୱସ୍ତି ପ୍ରଦାନ କରିବ।

Advertisment

ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (DGCA) କହିଛି ଯେ ନୂତନ ଉଡ଼ାଣ ଡ୍ୟୁଟି ସମୟ (FDTL) ନିୟମ ଏବଂ କର୍ମଚାରୀ ଅଭାବ ଯୋଗୁଁ ଇଣ୍ଡିଗୋ ଗତ କିଛି ଦିନ ଧରି ନିଜର ନିରନ୍ତର ସେବା ଦେଇପାରୁନି । ଉଡ଼ାଣ ବାତିଲ ହେବା ଫଳରେ ବିମାନବନ୍ଦରଗୁଡ଼ିକରେ ବିଶୃଙ୍ଖଳା ସୃଷ୍ଟି ହେଉଛି , ଯାହା ଫଳରେ ଲକ୍ଷ ଲକ୍ଷ ଯାତ୍ରୀ ଫସି ରହିଥିଲେ ।

ଆହୁରି ପଢ଼ନ୍ତୁ : ରତ୍ନଭଣ୍ଡାର ଚାବି, ମୋହନ ସରକାରକୁ ରାଜାଙ୍କ ଚ୍ୟାଲେଞ୍ଜ

ଡିଜିସିଏର କହିବା କଥା, ଇଣ୍ଡିଗୋ ବିମାନ ଉଡ଼ାଣର ହ୍ରାସ ପାଇବା ଦ୍ୱାରା ସୃଷ୍ଟି ହୋଇଥିବା ଶୂନ୍ୟସ୍ଥାନକୁ ପୂରଣ କରିବା ପାଇଁ ଏୟାର ଇଣ୍ଡିଆ, ଆକାସା ଏୟାର ଏବଂ ସ୍ପାଇସଜେଟ୍ ଭଳି ବିମାନ କମ୍ପାନିଗୁଡ଼ିକ ଆବଶ୍ୟକତା ରହିଛି । ଅଧିକ ଯାତ୍ରୀଙ୍କୁ ସ୍ଥାନ ଦେବା ପାଇଁ ଏୟାର ଇଣ୍ଡିଆ ଘରୋଇ ରୁଟରେ ୱାଇଡ-ବଡି ବିମାନ ନିୟୋଜିତ କରିବା ଆରମ୍ଭ କରିଛି। ଏହା ବ୍ୟତୀତ, ଡିଜିସିଏ ଭଡ଼ା ନିୟନ୍ତ୍ରଣ ଲାଗୁ କରିଛି। ୫୦୦ କିଲୋମିଟର ପର୍ୟ୍ୟନ୍ତ ଟିକେଟର ମୂଲ୍ୟ ସର୍ବାଧିକ ୭,୫୦୦ ଟଙ୍କା ହୋଇପାରେ, ଏବଂ ୧୦୦୦-୧୫୦୦ କିଲୋମିଟର ଭଳି ଦୂରତା ପାଇଁ ୧୫,୦୦୦ ଟଙ୍କା ପର୍ଯ୍ୟନ୍ତ ହୋଇପାରେ। ତେଣୁ ଏଭଳି ସଙ୍କଟ ସମୟରେ ଯାତ୍ରୀଙ୍କଠାରୁ ଅନୁଚିତ ଭାବରେ ଅଧିକ  ଟଙ୍କା ଆଦାୟକୁ ରୋକାଯିବାକୁ ପ୍ରସ୍ତୁତି କରାଯାଇଛି ।

ସରକାର ସତର୍କ କରାଇଥିଲେ

ବେସାମରିକ ବିମାନ ଚଳାଚଳ ମନ୍ତ୍ରୀ ରାମ ମୋହନ ନାଇଡୁ ସଂସଦରେ କହିଥିଲେ ଯେ ସରକାର ଏହି ମାମଲାକୁ ହାଲୁକା ଭାବରେ ନେଉନାହାଁନ୍ତି। ଯଦି ଇଣ୍ଡିଗୋର ଅବହେଳା ପ୍ରମାଣିତ ହୁଏ, ତେବେ କମ୍ପାନିର ଦାୟୀ ପରିଚାଳକଙ୍କୁ ତିନି ବର୍ଷ ପର୍ଯ୍ୟନ୍ତ ଜେଲ୍ କିମ୍ବା ୧ କୋଟି ପର୍ଯ୍ୟନ୍ତ ଜରିମାନା କିମ୍ବା ଉଭୟ ହୋଇପାରେ। ସୁପ୍ରିମକୋର୍ଟ ଏହାକୁ ଏକ "ଗମ୍ଭୀର ମାମଲା" ବୋଲି ମଧ୍ୟ କହିଛନ୍ତି ।