ବେଆଇନ୍ ବାଲି ଉଠାଣ ଓ ପରିବହନ ବିରୋଧରେ ଆକ୍ସନ,  ବିଳମ୍ବିତ ରାତିରେ ବାଲେଶ୍ୱର ଜିଲ୍ଲାପାଳ ଓ ଏସପିଙ୍କ ମିଳିତ ଚଢ଼ାଉ

କନକ ବ୍ୟୁରୋ: ବେଆଇନ୍ ବାଲି ଉଠାଣ ଉପରେ ବାଲେଶ୍ବର ଜିଲ୍ଲାପାଳଙ୍କ ରେଡ୍ । ଅବୈଧ ବାଲି ଉଠାଣ ଓ ପରିବହନ ବିରୋଧରେ ଜିଲ୍ଲାପାଳଙ୍କ ନେତୃତ୍ବରେ ଅକସ୍ମାତ୍ ଚଢ଼ାଉ । ଚଢ଼ାଉ ବେଳେ ୩୨ଟି ହାଇଓ୍ବା ଜବତ ସହ ୧୦ ଅଟକ। ସୂଚନା ଅନୁସାରେ, ସୁବର୍ଣ୍ଣରେଖା ନଦୀରୁ ବେଆଇନ ବାଲି ଉତ୍ତୋଳନ କରି ଚୋରା ଚାଲାଣ ହେଉଥିବା ନେଇ ଖବର ପାଇଥିଲେ ଜିଲ୍ଲାପାଳଙ୍କ ସହ ପ୍ରଶାସନ । ତୁରନ୍ତ ରାତି ଅଧରେ ଜିଲ୍ଲାପାଳ ଏବଂ ଏସପି ମିଳିତ ଭାବରେ ଚଢ଼ାଉ କରିଥିଲେ ।

 ଅଧିକ ପଢନ୍ତୁ : ବିପଦରେ ବ୍ରିଜ୍: ବ୍ରିଜ୍ କଡ଼ରୁ ବାଲି ଉଠାଣ ମନା, ସବୁ ବିଭାଗକୁ ଚିଠି ଲେଖିଲା ଗ୍ରାମ୍ୟ ଉନ୍ନୟନ ବିଭାଗ

 ଚଢ଼ାଉରେ ବାଲେଶ୍ବର ଜିଲ୍ଲାପାଳ ସୂର୍ଯ୍ୟବଂଶୀ ମୟୂର ବିକାଶ, ଏସ୍.ପି. ପ୍ରତ୍ୟୁଷ ଦିବାକର, ଉପ ଜିଲ୍ଲାପାଳ ଶିବ ମାଳବୀୟ ଓ ସିଟି ଡିଏସପି ମନିଷା ଶୌଗୁନ୍ ସାମିଲ ହୋଇଥିଲେ । ଏହାସହିତ ତହସିଲଦାର, ଜଲେଶ୍ୱର ସତ୍ୟଜିତ ମହାନ୍ତି ଓ ତାଙ୍କ ଦଳ, ସହିତ ସ୍ଥାନୀୟ ଆରକ୍ଷୀ ନିରୀକ୍ଷକ ଉପସ୍ଥିତ ଥିଲେ । ଏହି ସଫଳ ଅପରେସନ୍‌ ଦ୍ବାରା ଅବୈଧ ଖନନ ଓ ବାଲି ବ୍ୟବସାୟରେ ଲିପ୍ତ ମାଫିଆ ମାନଙ୍କ ଉପରେ କଠୋର ସନ୍ଦେଶ ପହଞ୍ଚିଛି ।