ପଞ୍ଜିକାରେ ବାତ୍ୟା 'ମୋନ୍ଥା'ର ସଠିକ୍ ଭବିଷ୍ୟବାଣୀ

କନକ ବ୍ୟୁରୋ: ଜ୍ୟୋତିଷ ଶାସ୍ତ୍ର ଗଣନା ଦ୍ବାରା ପଞ୍ଜିକାରେ ବାତ୍ୟା ମୋନ୍ଥାର ଭବିଷ୍ୟବାଣୀ ବହୁପୂର୍ବରୁ ସୂଚିତ କରାଯାଇଥିଲା । ଯାହାକି ଜନସାଧାରଣ ଏବେ ପ୍ରତ୍ୟକ୍ଷ କରିଛନ୍ତି । ଚଳିତ ଅକ୍ଟୋବର ମାସରେ ଘଟିଥିବା ସାମୁଦ୍ରିକ ଝଡବାତ୍ୟା "ମୋନ୍ଥା" ଭାରତର ପୂର୍ବ ଉପକୂଳ ରାଜ୍ୟ ଆନ୍ଧ୍ରପ୍ରଦେଶ ତଥା ଓଡ଼ିଶାରେ ଏବଂ ଓଡ଼ିଶାର ଉପକୂଳ ଜିଲ୍ଲା ଗୁଡ଼ିକରେ ଅନେକ କ୍ଷୟକ୍ଷତି ଘଟାଇଛି ।

ଆଧୁନିକ ଜ୍ଞାନକୌଶଳ ମାଧ୍ୟମରେ ମୋନ୍ଥା ଭଳି ପ୍ରାକୃତିକ ବିପର୍ଯ୍ୟୟ ସମ୍ବନ୍ଧରେ କିଛିଦିନ ପୂର୍ବରୁ ଜଣାପଡିଥିଲା । ଯାହାକି ଧନଜୀବନ କ୍ଷୟକ୍ଷତି କମ୍ କରାଇବାରେ ନିଶ୍ଚିତ ସାହାଯ୍ୟ କରିଥିଲା । କିନ୍ତୁ ଏସବୁ ଜ୍ଞାନକୌଶଳ କେବଳ ୧୦/୧୨ ଦିନ ପୂର୍ବରୁ ସୂଚନା ଦେଇ ପାରୁଛନ୍ତି । ମାତ୍ର ଭାରତର ସର୍ବପୂରାତନ ଜ୍ୟୋତିର୍ବିଜ୍ଞାନ ଏବଂ ଜ୍ୟୋତିଷ ଶାସ୍ତ୍ର ଦ୍ବାରା ପଞ୍ଜିକାରେ ବହୁପୂର୍ବରୁ ସୂଚନା ଦିଆଯାଇପାରୁଅଛି ।

ଅଧିକ ପଢ଼ନ୍ତୁ--- ମୋନ୍ଥା ଯିବା ପରେ ସମୁଦ୍ରରେ ବଡ଼ ହଲଚଲ

ଓଡ଼ିଶାର ପ୍ରତିଷ୍ଠିତ"ଅସଲି ଖଡ଼ୀରତ୍ନ  ପଞ୍ଜିକା"ର ୨୦୨୫-୨୬ ମସିହା ସଂସ୍କରଣର ୧୯୯ ପ୍ରୃଷ୍ଠାରେ ବାତ୍ୟା ସମ୍ପର୍କରେ ବହୁପୂର୍ବରୁ ସୂଚନା ଦିଆଯାଇଥିଲା । ଯାହାକି ଭାରତ ତଥା ଓଡ଼ିଶାବାସୀ ପ୍ରତ୍ୟକ୍ଷ କରିଛନ୍ତି । ବର୍ଣ୍ଣିତ ବାତ୍ୟା ସମ୍ପର୍କରେ ଅସଲି ଖଡ଼ୀରତ୍ନ ପଞ୍ଜିକାର ଗଣନାକାର ଦେବଦର୍ଶୀ ଖଡ଼ୀରତ୍ନ କୁହନ୍ତି ୧୯୯୯ ମସିହା ମହାବାତ୍ୟା, ବାତ୍ୟା ଫନି, ଫାଇଲିନ୍, ହୁଡ‍୍‍ହଡ୍, ପେଥାଇ, ତି‌‍ତ୍‍ଲି, ଏବଂ ଦାନା ଆଦି ବାତ୍ୟା ସମ୍ପର୍କରେ ମଧ୍ୟ ଉକ୍ତ ପଞ୍ଜିକାରେ ସ୍ପଷ୍ଟ ସୂଚନା ଦିଆଯାଇଥିଲା ।