ଉପାନ୍ତ ଅଞ୍ଚଳରେ ମାଆଙ୍କୁ ସମ୍ମାନ ଦେବାକୁ ନିଆରା ପ୍ରୟାସ

କନକବ୍ୟୁରୋ :  ଉପାନ୍ତ ଅଞ୍ଚଳରେ ମାଆଙ୍କୁ ସମ୍ମାନ ଦେବାକୁ ନିଆରା ପ୍ରୟାସ । ନବଜାତ ଶିଶୁଙ୍କୁ ସାଥିରେ ଧରି ପଞ୍ଚାୟତ କାର୍ଯ୍ୟାଳୟକୁ ଆସୁଥିବା ଆଦିବାସୀ ମହିଳାଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା  ।  ମାଲକାନଗିରି ଜିଲ୍ଲାରେ ପ୍ରଥମ ଥର ପାଇଁ ତିଆରି ହୋଇଛି ସ୍ତନ୍ୟପାନ କେନ୍ଦ୍ର  ।  

ଅଧିକ ପଢନ୍ତୁ...  ମଞ୍ଚରେ ସୀମା ଟପିଲା ଅଶ୍ଳୀଳତା : ମାଆ ସୀତା ଭୂମିକାରେ ଥିବା କଳାକାରଙ୍କୁ ଉଲଗ୍ନ ସହ କଲେ ଦୁଷ୍କର୍ମ ଉଦ୍ୟମ

ମାଥିଲି ବ୍ଲକ୍ ଅନ୍ତର୍ଗତ କିଆଙ୍ଗ ପଞ୍ଚାୟତ କାର୍ଯ୍ୟାଳୟ ପରିସରରେ ଏହି ସ୍ତନ୍ୟପାନ କେନ୍ଦ୍ର ଉଦଘାଟିତ ହୋଇଛି  ।   ମାଥିଲି ବିଡିଓ ଏହାକୁ ଉଦଘାଟନ କରିଥିବା ବେଳେ, ପିଇଓଙ୍କ ଏଭଳି ନିଷ୍ପତ୍ତିକୁ ଭୁରି ଭୁରି ପ୍ରଶଂସା କରୁଛନ୍ତି ସ୍ଥାନୀୟ ଲୋକେ  ।   ପିଡିଏସ୍‌ ଚାଉଳ ପାଇଁ କିମ୍ୱା ଅନ୍ୟ କୌଣସି କାମରେ ପଞ୍ଚାୟତ କାର୍ଯ୍ୟାଳୟକୁ ଦୂରଦୂରାନ୍ତ ଗାଁ ଗଣ୍ଡାରୁ ଆସିଥାନ୍ତି ବହୁ ଆଦିବାସୀ ମହିଳା  ।  

ଅନେକ ମହିଳା ଛୋଟ ଛୁଆଙ୍କୁ ମଧ୍ୟ ସାଥିରେ ଧରି ଆସିଥାନ୍ତି  ।  ତେବେ ଶିଶୁଙ୍କୁ ସର୍ବସମ୍ମୁଖରେ କ୍ଷୀର ପିଆଇବା ପାଇଁ ପୂର୍ବରୁ ମାଆମାନେ ଲାଜ କରୁଥିବା ଦେଖିବାକୁ ମିଳୁଥିଲା  ।  ଯାହା ଫଳରେ ଅତି ସଂକୋଚରେ କିଛି ପ୍ରସୂତି ଶିଶୁଙ୍କୁ ସ୍ତନ୍ୟପାନ କରାଉଥିଲେ  ।  ଆଉ କେହି କେହି ଶିଶୁ କାନ୍ଦୁଥିଲେ ବି ଉପାୟ ଶୂନ୍ୟ ହୋଇ ଛୁଆକୁ କ୍ଷୀର ଦେବାରେ ବିଳମ୍ବ କରୁଥିଲେ ।

ଅଧିକ ପଢନ୍ତୁ... ଦିଲ୍ଲୀ କାର ବିସ୍ଫୋରଣ ମାମଲା, ଘଟଣାସ୍ଥଳରୁ ମିଳିଲା ୯ ଏମ୍‌ ଏମ୍‌ର ୩ଟି କ୍ୟାଟ୍ରିଜ

 ହେଲେ ଏବେ ଏହି ସମସ୍ୟାର ସମାଧାନ ହୋଇଛି । ମାଆ ମାନଙ୍କର ଚିନ୍ତା ଦୂର ହୋଇଛି  ।  ଏଣିକି ଆଉ ଲାଜ କରିବେନି କି ହଇରାଣ ହେବେନି ଆଦିବାସୀ ମହିଳା  ।  ପଞ୍ଚାୟତକୁ ଆସି ଭୋକରେ କାନ୍ଦୁଥିବା ଶିଶୁଙ୍କୁ ସ୍ତନ୍ୟପାନ କେନ୍ଦ୍ରକୁ ନେଇ କ୍ଷୀର ପିଆଇପାରିବେ  । ସର୍ବସମ୍ମୁଖରେ ନୁହେଁ ସ୍ୱତନ୍ତ୍ର ଗୃହରେ ଶିଶୁଙ୍କୁ କରାଇପାରିବେ ସ୍ତନ୍ୟପାନ  ।  ୨୦୨୫-୨୬ ଆର୍ଥିକ ବର୍ଷରେ ଅର୍ଥ ମଞ୍ଜୁର କରି ପଞ୍ଚାୟତ ପରିସରରେ ଏହି ସ୍ତନ୍ୟପାନ ଗୃହ ନିର୍ମାଣ ହୋଇଛି ।  ...

ଉପାନ୍ତ ଅଞ୍ଚଳରେ ମାଆଙ୍କ ସମ୍ମାନ ପାଇଁ ନିଆରା ପ୍ରୟାସ
ପଞ୍ଚାୟତ କାର୍ଯ୍ୟାଳୟକୁ ଆସୁଥିବା ଆଦିବାସୀ ମହିଳାଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା

ମାଲକାନଗିରି ଜିଲ୍ଲାରେ ପ୍ରଥମ ଥର ପାଇଁ ତିଆରି ହୋଇଛି ସ୍ତନ୍ୟପାନ କେନ୍ଦ୍ର
ମାଥିଲି ବ୍ଲକ୍ ଅନ୍ତର୍ଗତ କିଆଙ୍ଗ ପଞ୍ଚାୟତ କାର୍ଯ୍ୟାଳୟ ପରିସରରେ ଉଦଘାଟିତ
ପିଡିଏସ୍‌ ଚାଉଳ ପାଇଁ କିମ୍ୱା ଅନ୍ୟ କୌଣସି କାମରେ ଆସନ୍ତି ଅନେକ ମହିଳା

ଛୋଟ ଛୁଆଙ୍କୁ ମଧ୍ୟ ସାଥିରେ ଧରି ଆସିଥାନ୍ତି ବହୁ ଆଦିବାସୀ ମହିଳା
ଶିଶୁଙ୍କୁ ସର୍ବସମ୍ମୁଖରେ କ୍ଷୀର ପିଆଇବା  ପାଇଁ ଲାଜରେ ସଂକୋଚ କରନ୍ତି
ଶିଶୁ କାନ୍ଦୁଥିଲେ ବି ନିରୁପାୟ ହୋଇ ଛୁଆକୁ କ୍ଷୀର ଦେବାରେ ବିଳମ୍ବ କରନ୍ତି

ଏଣିକି ଆଉ ଲାଜ କରିବେନି କି ହଇରାଣ ହେବେନି ଆଦିବାସୀ ମହିଳା 
ଭୋକରେ କାନ୍ଦୁଥିବା  ଶିଶୁଙ୍କୁ  ସ୍ତନ୍ୟପାନ  କେନ୍ଦ୍ରକୁ ନେଇ କ୍ଷୀର ପିଆଇପାରିବେ
ସର୍ବସମ୍ମୁଖରେ ନୁହେଁ ସ୍ୱତନ୍ତ୍ର ଗୃହରେ ଶିଶୁଙ୍କୁ କରାଇପାରିବେ ସ୍ତନ୍ୟପାନ   

----