୭ ବର୍ଷୀୟା ବାଳିକାର ସାକ୍ଷ୍ୟ ଦୋଷୀ ସାବ୍ୟସ୍ତ କରାଇଲା ବାପାଙ୍କ ହତ୍ୟାକାରୀଙ୍କୁ , ମହିଳା ଓ ତାଙ୍କ ପ୍ରେମିକଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି କୋର୍ଟ

କନକ ବ୍ୟୁରୋ;  ୨୦୨୪ରେ ସ୍ୱାମୀଙ୍କୁ ହତ୍ୟା କରିଥିବା ଅଭିଯୋଗରେ କାନପୁର କୋର୍ଟ ଜଣେ ମହିଳା ଓ ତାଙ୍କ ପ୍ରେମିକଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି । ଏହି ଅପରାଧର ସାକ୍ଷୀ ଥିବା ଦମ୍ପତିଙ୍କ ସାତ ବର୍ଷର ଝିଅର ସାକ୍ଷ୍ୟ ଉପରେ ନିର୍ଭର କରି କୋର୍ଟ ଏହି ଦଣ୍ଡାଦେଶ ଶୁଣାଇଛନ୍ତି । ପୁଲିସ କହିବା ଅନୁସାରେ, କାନପୁର ଜିଲ୍ଲାର ବାସିନ୍ଦା ନେହା (୩୫) ଓ ତାଙ୍କ ପ୍ରେମିକ ଆୟୁଷ କୁମାର (୨୧) ନେହାଙ୍କ ସ୍ବାମୀ ପ୍ରତୀକ ଶର୍ମାଙ୍କ ସହ ଲକ୍ଷ୍ନୌ ଯାଇ ଏକ ହୋଟେଲରେ ରହିଥିଲେ । ରହଣି ସମୟରେ, ଅଭିଯୁକ୍ତମାନେ ପ୍ରତୀକଙ୍କୁ ଔଷଧ ନାଁରେ ବିଷ ଦେଇ ହତ୍ୟା କରିଥିଲେ । ଶୁକ୍ରବାର ଦିନ ଦୁଇ ଅଭିଯୁକ୍ତଙ୍କୁ କାନପୁର ଜେଲରୁ କୋର୍ଟକୁ ଅଣାଯାଇଥିଲା ।

ଅଧିକ ପଢନ୍ତୁ:  ମିଠା କଥା କହି ଲୁଟିନେଲେ ୩ ଲକ୍ଷ ; କରଜ ଆକାରରେ ଟଙ୍କା ନେଇ ଛୁ ମାରିଲେ ମହିଳା ଲୁଟେରା

ସେ କହିଛନ୍ତି, ନେହାଙ୍କ ଝିଅ ଦ୍ୱିତୀୟ ଶ୍ରେଣୀରେ ପଢ଼ୁଥିବା ବେଳେ ତାଙ୍କ ବୟାନ ଅଭିଯୁକ୍ତଙ୍କ ବିରୋଧରେ ଏକ ପ୍ରାଥମିକ ପ୍ରମାଣ ଥିଲା । ସେ କହିଥିଲେ ଯେ ତାଙ୍କ ମା’ ତାଙ୍କ ବାପାଙ୍କୁ ଦିଆଯାଇଥିବା ପାଣିରେ କିଛି ବିଷାକ୍ତ ପଦାର୍ଥ ମିଶ୍ରଣ କରୁଥିବା ସେ ଦେଖିଛନ୍ତି । ଝିଅର ସାକ୍ଷ୍ୟ ବ୍ୟତୀତ ଏହି ମାମଲାରେ ଆହୁରି ଅନେକ ପ୍ରମାଣ ଅଛି ବୋଲି କାନପୁରର ଜିଲ୍ଲା ସରକାରୀ ଓକିଲ ଦିଲୀପ ଅୱସ୍ତି କହିଛନ୍ତି। କୋର୍ଟ ହୋଟେଲ କର୍ମଚାରୀଙ୍କ ବିବୃତି ମଧ୍ୟ ରେକର୍ଡ କରିଛନ୍ତି । ତେବେ ଏହି ରାୟ ବିରୋଧରେ ଆବେଦନ କରାଯିବ ବୋଲି ପ୍ରତିପକ୍ଷ ଓକିଲ ଜିତେନ୍ଦ୍ର କୁମାର ସାହୁ କହିଛନ୍ତି ।