ଇରାନ ସମର୍ଥନରେ ୩ ଶକ୍ତିଶାଳୀ ଦେଶ : ଆକ୍ରମଣ ନକରିବାର ଲାଭ ସମ୍ପର୍କରେ ଆମେରିକାକୁ ବୁଝାଇଲେ

କନକ ବ୍ୟୁରୋ : ଆମେରିକା ତେହେରାନ ବିରୋଧରେ କିଭଳି କାର୍ଯ୍ୟାନୁଷ୍ଠାନ ଗ୍ରହଣ କରିବା ନେଇ ଚାଲିଥିବା ବିତର୍କ ମଧ୍ୟରେ, ତିନୋଟି ଶକ୍ତିଶାଳୀ ଉପସାଗରୀୟ ରାଷ୍ଟ୍ର ଇରାନକୁ ସମର୍ଥନ କରି ପଛ ଦ୍ୱାରରେ ଠିଆ ହୋଇଛନ୍ତି । ଏହି ତିନି ଦେଶ ହେଉଛନ୍ତି କତାର, ସାଉଦି ଆରବ ଏବଂ ଓମାନ । ଏସବୁ ଦେଶର ସରକାର ଆମେରିକାକୁ ବୁଝାଇବାକୁ ଚେଷ୍ଟା କରୁଛନ୍ତି ଯେ, ଇରାନ ବିରୋଧରେ ଯେକୌଣସି କାର୍ଯ୍ୟାନୁଷ୍ଠାନ ତାଙ୍କ ପାଇଁ ସବୁଠାରୁ ବଡ଼ କ୍ଷତି ଆଣିପାରେ । ସାଉଦି ଆରବ ଆମେରିକାକୁ କହିସାରିଛି ଯେ, ଯଦି ଆକ୍ରମଣ ଯୋଜନା କକରାଯିବ ତେବେ ରିୟାଦ ତାଙ୍କୁ ସାହାଯ୍ୟ କରିପାରିବ ନାହିଁ ।

କତାର ପ୍ରଧାନମନ୍ତ୍ରୀ ଇରାନର ସୁରକ୍ଷା ପରିଷଦର ମୁଖ୍ୟଙ୍କ ସହ ଫୋନ୍ ଯୋଗେ କଥା ହୋଇଥିଲେ । ଦୁଇ ନେତା ସାମ୍ପ୍ରତିକ ପରିସ୍ଥିତି ଉପରେ ଆଲୋଚନା କରିଥିଲେ । ଇରାନର ସୁରକ୍ଷା ପରିଷଦର ମୁଖ୍ୟଙ୍କୁ ସର୍ବୋଚ୍ଚ ନେତା ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖେମିନିଙ୍କ ନିକଟତମ ବ୍ୟକ୍ତି ବୋଲି ବିବେଚନା କରାଯାଏ । କତାର କହିଛି,ଯଦି ଆମେରିକା ଇରାନ ଉପରେ ଆକ୍ରମଣ କରେ, ତେବେ ମଧ୍ୟପ୍ରାଚ୍ୟରେ ଅରାଜକତା ସ୍ଥିତି ସୃଷ୍ଟି କରି ଏକ ଆତଙ୍କିତ ପରିସ୍ଥିତି ସୃଷ୍ଟି କରିବ । ଯାହା ମଧ୍ୟପ୍ରାଚ୍ୟ ଦେଶଗୁଡ଼ିକ ପାଇଁ କ୍ଷତିକାରକ ହେବ । କତାର କହିଛି, ଇରାନ ସହିତ ଯୁଦ୍ଧ କୌଣସି ଦେଶକୁ ସୁରକ୍ଷିତ ରଖିବ ନାହିଁ । ସାଉଦି ଆରବ କହିଛି, ଯଦି ଇରାନରେ ଅସ୍ଥିରତା ସୃଷ୍ଟି ହୁଏ ଏବଂ ସାଉଦି ଆରବ କୌଣସି ପ୍ରକାରେ ଏଥିରେ ସାମିଲ ହୁଏ, ତେବେ ସାଉଦି ଉପରେ ପ୍ରଶ୍ନ ଉଠିବାର ଆଶଙ୍କା ରହିଛି । ଅଭିବ୍ୟକ୍ତିର ସ୍ୱାଧୀନତାକୁ ଦମନ କରୁଥିବା ଦେଶକୁ ସାଉଦି ଆରବର ସମର୍ଥନ ମିଳୁଥିବା ନେଇ ପ୍ରଶ୍ନ କରାଯିବ । ସାଉଦି ଆରବ ନିଜର ଆକାଶ ମାର୍ଗ ବ୍ୟବହାରକୁ ଅବରୋଧ କରିବାକୁ ମଧ୍ୟ କହିଛି । 

ଅଧିକ ପଢ଼ନ୍ତୁ---ଭାରତର ‘ଅପରେସନ ସିନ୍ଦୂର’ ପରେ ପାକିସ୍ତାନର ‘ଇସଲାମିକ୍‌ ନାଟୋ’ ଯୋଜନା

ଆୟାତୋଲ୍ଲା ଅଲି ଖେମିନିଙ୍କ ପରେ କିଏ ଇରାନର ଶାସକ ହେବେ ସେ ବିଷୟରେ ସାଉଦି ଆରବ ମଧ୍ୟ ଚିନ୍ତାରେ ଅଛି । ସାଉଦି ଆରବ ଅନୁମାନ କରୁଛି ଯଦି ଖାମେନି ପଦ ଛାଡିଦିଅନ୍ତି, ତେବେ ଇରାନରେ କ୍ଷମତା ଇସଲାମିକ୍ ରିଭଲ୍ୟୁସନରୀ ଗାର୍ଡ ହାତକୁ ଚାଲିଯାଇପାରେ । ଏହା ସାଉଦି ଆରବ ପାଇଁ କ୍ଷତିକାରକ ପ୍ରମାଣିତ ହୋଇପାରେ । ଓମାନର ଧ୍ୟାନ ବାଣିଜ୍ୟ ଉପରେ ରହିଛି । ଓମାନ କହିଛି, ଯଦି ଆମେରିକା ଇରାନ ଉପରେ ଆକ୍ରମଣ କରେ, ତେବେ ପରିସ୍ଥିତି ସୁଧୁରିବା ପରିବର୍ତ୍ତେ ଅଧିକ ଖରାପ ହୋଇପାରେ । ଇରାନ ହର୍ମୁଜ୍ ପ୍ରଣାଳୀକୁ ବନ୍ଦ କରିପାରେ, ଯାହା ସିଧାସଳଖ ତୈଳ ବାଣିଜ୍ୟକୁ କ୍ଷତି ପହଞ୍ଚାଇବ । ଓମାନ କହିଛି ଏଭଳି ପ୍ରସଙ୍ଗରେ ସଂଯମତା ଆବଶ୍ୟକ।  ହର୍ମୁଜ୍ ପ୍ରଣାଳୀ ମାଧ୍ୟମରେ ବିଶ୍ୱର ସାମୁଦ୍ରିକ ତୈଳ ବାଣିଜ୍ୟର ୨୫% ଏବଂ ତରଳ ପ୍ରାକୃତିକ ଗ୍ୟାସ ବାଣିଜ୍ୟର ୨୦% ହୋଇଥାଏ । ପ୍ରତିଦିନ ପ୍ରାୟ ୨୦ ନିୟୁତ ବ୍ୟାରେଲ ତେଲ ଏହି ପ୍ରଣାଳୀ ଦେଇ ପରିବହନ ହୋଇଥାଏ ।

ରିପୋର୍ଟ ଅନୁଯାୟୀ, ସାଉଦି ଆରବ ସରକାର ଇରାନ କଭରେଜ ସମ୍ପର୍କରେ ସମସ୍ତ ଗଣମାଧ୍ୟମ ଉପରେ ନିୟନ୍ତ୍ରଣ ଲାଗୁ କରିଛି । ସାଉଦି ଆରବ ଚାହୁଁନାହିଁ ଯେ, ଇରାନ ବିଷୟରେ ନକାରାତ୍ମକ ଖବର ପ୍ରକାଶିତ ହେଉ । କାରଣ ଏଭଳି ଖବର ସିଧାସଳଖ ସାଉଦି ଲୋକଙ୍କ ଉପରେ ପ୍ରଭାବ ପକାଇପାରେ । ସାଉଦି ଆରବ ସମସ୍ତ ଗଣମାଧ୍ୟମକୁ ସେମାନଙ୍କର କଭରେଜ ସୀମିତ କରିବାକୁ କହିଛି । ସାଉଦି ଆରବରେ ଆମେରିକାର ପୂର୍ବତନ ରାଷ୍ଟ୍ରଦୂତ ମାଇକେଲ ରାଟନିଙ୍କ ଅନୁସାରେ ସାଉଦି ଆରବ ଇରାନକୁ ପସନ୍ଦ କରେ ନାହିଁ । ଉଭୟ ଦେଶ ମଧ୍ୟରେ ଦୀର୍ଘକାଳୀନ ପ୍ରତିଦ୍ୱନ୍ଦ୍ୱିତା ରହିଛି । ଏହା ସତ୍ତ୍ୱେ, ସାଉଦି ଆରବ ଯୁଦ୍ଧ ଚାହୁଁନାହିଁ ।