ବାଲେଶ୍ୱରର ମେଣ୍ଢାଗାଡିଆ ଗାଁରେ ବାପାର ନାରକୀୟ କାଣ୍ଡ ! କନ୍ୟାସନ୍ତାନ ଜନ୍ମ ହେବାରୁ ନବଜାତକୁ ରାସ୍ତା କଡକୁ ଫିଙ୍ଗିଦେବା ବାପା
କନକ ବ୍ୟୁରୋ : ଝିଅଙ୍କ ପ୍ରତି ସମାଜର ଦୃଷ୍ଟିଭଙ୍ଗୀ ଏବେ ବି ବଦଳି ନାହିଁ । କେଉଁଠି ନାଁ କେଉଁଠି ଝିଅଙ୍କୁ ପୁଅଙ୍କ ସହ ସମାନ ବୋଲି ମାନିବା ପାଇଁ ଲୋକେ ନାରାଜ । କେନ୍ଦ୍ର ସରକାର ମହିଳା ଶସକ୍ତିକରଣ ପାଇଁ ଅନେକ ନିୟମ କାନୁନ ପ୍ରଣୟନ କଲେ ମଧ୍ୟ ଆଖିଦୃଶିଆ ପରବର୍ତ୍ତନ ଦେଖିବା ପାଇଁ ମିଳୁନାହିଁ । ଦେଶରେ ଲିଙ୍ଗଭେଦ ଦୂର କରିବା ପାଇଁ ଅର୍ଥାତ ପୁଅ ଓ ଝିଅଙ୍କ ସଂଖ୍ୟାରେ ସମାନତା ଆଣିବାକୁ ରାଜ୍ୟଠାରୁ କେନ୍ଦ୍ର ସରକାରଙ୍କ କେତେକଣ ଯୋଜନା । କେନ୍ଦ୍ରରେ ମୋଦି ସରକାର ବେଟି ପଢାଓ ବେଟି ବଚାଓ ଭଳି କ୍ୟାମ୍ପେନ ଆରମ୍ଭ କରିଥିବାବେଳେ ରଜ୍ୟରେ ନବୀନ ସରକାର ମଧ୍ୟ ପ୍ରୋତ୍ସାହନ ଯୋଗାଇ ଦେଉଛନ୍ତି । ତଥାପି କନ୍ୟା ସନ୍ତାନଙ୍କ ପ୍ରତି ପିତାମାତାଙ୍କ ଅନାଦର ସଭ୍ୟ ସମାଜର ମୁଣ୍ଡ ତଳକୁ କରିଦେଉଛି ।
Kanak News is now on WhatsApp
Join and get latest news updates delivered to you via WhatsApp
ନିଜର ପ୍ରଥମ ସନ୍ତାନଭାବେ ଏକ କନ୍ୟା ଜନ୍ମ ହେବାରୁ ତାକୁ ଖୋଦ ବାପା ରାସ୍ତା କଡରେ ଫିଙ୍ଗିଦେବା ଭଳି ଅଭାବନୀୟ ଖବର ଆସିଛି । ଏପରିକି ମାଆ କୋଳରୁ ଲୁଚାଇ ଆଣି ରାସ୍ତାକଡ କଳମ ଗଛ ମୂଳରେ ଫୋପାଡି ଦେଇ ଚାଲିଯିବା ପରେ ଗାଁ ଲୋକେ ଦେଖି ଉଦ୍ଧାର କରିବା ସହ ଝିଅଟିର ବାପାକୁ ନିସ୍ତୁକ ମାଡ ମାରିଛନ୍ତି । ବାଲେଶ୍ୱର ଜିଲ୍ଲା ମେଣ୍ଢାଗାଡିଆ ଗାଁର କୈଳାସ ସାହୁଙ୍କୁ ତାଙ୍କର ଏଭଳି ନାରକୀୟ କାଣ୍ଡ ପାଇଁ ଗାଁ ଲୋକେ ମାଡ ମାରିବାପରେ ପୋଲିସ ପହଂଚି ଉଦ୍ଧାର କରିଛି । ଶିଶୁକନ୍ୟାଟିକୁ ରାସ୍ତା କଡରେ ଫିଙ୍ଗିଦେଇ ଚାଲିଯିବା ପରେ ଗାଁଲୋକେ ଶିଶୁଟିକ କାନ୍ଦଶୁଣି ଉଦ୍ଧାର କରିଥିଲେ । ଛୁଆଟି କାହାର ବୋଲି ଅନୁସନ୍ଧାନ କଲାବେଳେ ତାର ମାଆ ଖୋଜିଖୋଜି ଘଟଣାସ୍ଥଳରେ ପହଂଚିଥିଲେ । ଏହାପରେ ପୁରା ଘଟଣା ପ୍ରଘଟ ହୋଇଥିଲା ।